San Martín de Trevejo - Caceres

Nunca cumí adiitunas mais ricas qu'as endulzás c'ono tumilhu do Lugal.

Vitiatu, dibiría volvel o "Mons Veneris" pa restaural os valoris i dereitus enterraus.

Forti abrazu.

FONTI NOVA:Hoiyi he vernis,acabu de comel y me metu en o Foru.Agarri aditunas dos Chafarilitus en os Santus y as endulcí con allus y TUMILLU do lugal.Están muy ricas.
Binditu tu,que nos fais recordal de esa maneira a o LUGAL.Escullius rincos,música que nos envolví,sorpresas con as composicios que nos fais,.Eris un talentu do que de ve en cuandu disfrutamus os que tuvemus a sorti de nacel alí.De corazón te digu GRACIAS desde Sevilla ,seguru de que otrus sintin o mismu que ei.Soidi y gracias FONTI NOVA.Sigui Asi´.

Hola Fincacha!!

Soi ei, quin te dá as gracias a ti. Has síu tú, o qu’a levau i ha postu o estandarti do Lugal eno mais altu do "Podium" en terras de Al-Andalus, i alí dondi a ocaxión to ha brindau.

¡Bueno!. Agora, cuandu iá estoi eno otonhu da vía, i o cabalu pálidu do Apocalipsis empeza a fijalsi en mí; é, cuandu mais nostalgia tenhu do Lugal.

Didin, que un volvi a infancia. Tamén didin, que aquelis anus te marcan pa sempris, Ei, nun disfrutí de grandis coixas cuandu estaba en San Martín. En caxa de minha mairi, o inheiru nun era pricixamenti o que sobraba. Peru, aquelis anus, foran plenus pa mí. Comu idía Confuciu: "nun é mais filí o que mais ten, sinon o que menus necesita".

Ei, nun voi mutu p’oro Lugal, peru os dois o tres días que pasu alí o anu, os vivus plenamenti.

Tomu prestau as palabras dun dexaparicíu furista, respetau i admirau por tos:

"Queru volvel a nacel
i volvel a dil a níus
i cuandu morra volvel
a esi lugal tan quiríu".

Forti abrazu.

Hola Fonti Nova: Os dois tendis radó, o pendón de Fincacha... digu, Fincacha leva o Pendón ben altu de San Martin por esas terras de Andalucía y tú nos alegras o Foru en tuas intervenciós y nos cheas de "Morrinha-Saudade". Gracias por recordal estis versus de esi forista que ya fai 5 anus que nos dexó.
Claru que estamus en otonhu, lugu ben o invernu.... peru nun temus que pensal que o cabalu esi que monta a Parca nos toqui ni un pelu hasta que hayamus escurríu to o vinhu das pichorras, que ma ditu Chitu que inda le quea y o Munhu estará dispostu a leval mais con otras viandas. O sea, que esti verán temus que montal otra "Festona"
Según Cicerón, nun hai na novu baxu o sol.

Forti abrazu.





CITA DE MARCO TULIO CICERÓN.



"El presupuesto debe equilibrarse,
el Tesoro debe ser reaprovisionado,
la deuda pública debe ser disminuida,
la arrogancia de los funcionarios públicos
debe ser moderada y controlada,
y la ayuda a otros países debe eliminarse,
para que Roma no vaya a la bancarrota.
La gente de gobierno debe aprender nuevamente a trabajar,
en lugar de vivir a costa del Estado."

Año 55 a.C.

Pues si,e totalmente vigenti o que didin os versus de Ciceron ¿nun siria pusibli que le chegaran a o sr. Rajoy y Cia.?Como e vigente o que nos comenta Fontinova, ei tamen e treidu ago, do lugal, alguna adeituna ¡que boas están!. A vel si e verdai que Cerrumiquili eita de una ve un vuliu pa as nosas terras, que debi tel inda una ala rota y nun acaba de arrancal. Bueno, aproveitu oixi que he he dau pirmisu pa lel o foru y me da muta aligria que istu se reavivi. ¡ Animeibus pa o verán! Soidi pa tos y pa a fala. Chitu.