San Martín de Trevejo - Caceres

En vista que a identificación de o CERRUMICLI se esta complicando e decidiu contrartar a un Detective Privau , que a postu una oficina (el pon en a porta BUREAU, que ei pensu que e pa dalsi pisti) en una buiguita que da pa o patiu de Ageda en San Peiru. O tal detective se fai chamal O BIRTUDIS con be, Didi que foi cabu primeiru de ejércitu dispois durante unhos anus estubu de guarda en unha fca. de galletas en Palencia, y que agora se dedica a istu da investigación., ten de axuanti a un tipu mais ven pequenu con cara de monu, que se chama Lucas y que e de Almoharin o lugar dos figus, según didin esta en o paru, y que leva cobrando 17 anus.
Fai unhos dias me pasi por o” bureau” pa expoñeli o caxu, a O Birtudis y me dixu que o asuntu me diva a costal sobre 80 Eu y que nun diva a tel niñun problema, que a paxarus mais grandis le tiña eituau o guante, aunque me dixu que agora tiña mutu traballo, que le esba investigando pa o AYUNTAMENTU o asuntu do CHUPONEU que estamus fendo os vidiñus sobre a agua de consumu a domiciliu, y tiña encima de mexa mais de 400 expedientis.
En cuantu o Birtudis me diga algu vos informo. Hasta logu.

.Nun fai ni cincu minutus que me acaba de chamal o Birtudis (me a chamau a bodis por que didi que a pirdiu o movil , y e mintira e que nun ten saldu.) pa o asuntu do CERRUMICLI .
Antis de contarme na me dixu que soltara a pasta, le dixi amigu Birtudis en esti momento me apañas solo con 18.63, Eu. e to que teñu encima, ya savis , final de mes, a subia do petroliu gastus pa compral, agua, as partias de dapiti que esti verán me an gañu os da KUSCA ectra., el me dixu que to isu nun le importaba na que por esas perras o unicu que me puia idel e quen con as iniciais dos apellius si as puñia a o reves corruspundian a una marca de cochi que ten o volanti pa o lau dereitu ,( que cabrón de Birtudis,) detras de de el estaba sentau en una caxa de verdeu (porque solu ten una silla) Lucas con una sonrisa maligna o mui mamon, ei dixi pa mi ya caira, por que le gusta mutu a aguardienti y sempris anda pindu que le paguen una cupita , nunca ten una lata to se gasta pa o Riu Tortu .Aqui me tes con as duas letras fendu filigranas, con o monton de da marcas de cochi que existin, le pregunti a INDANUNSE si me puia axual, se encollei de hombrus y logicamenti mi dixu indanunse.
Emus queau que cuandu xunte as perras que me pasi por o BUREAU pa dalmi o restu da información. Cerrumicli agora nun te escapas.