San Martín de Trevejo - Caceres

Pensu que unha coixa que pa mi resulta tan sincilla,comu e poñel en rima os meis pensamentus,sincillus,recordus sin trascendencia pa naidi que nun sea o ei ao alguén muy afín as misñas ideas,nun poi sel puisia,nun poi sel na im portanti,na que chami a atención,na que merezca permanecel en o tempu,pasal a Historia.
O términu puisia ven do griegu (poiesis) con que se aludi a un dos rasgus esenciais literarius:a capaciai de crear,medianti a palabra (poética) un mundu de ficción ondi dumina a fantasia y o arti.Esta función creaora e recuñucía en diversus poemas comu o elementu carazterizaor do queafel literariu.Vicenti Huidobru didi que "O POETA E UN PEQUENU DIOS".
Esti rasgu por o que o escritor se asemeja a Diviniai explica a admiración que as culturas han han sintiu por os cantoris y os poetas.Autoris didin que a os griegus le paricía a puisia comu un soplu sagrau,un entusiasmu,un furor,unha divina manía y honrorin a os poetas comu si foran inspiraus por os diosis.
A pùisia e unha inspiración profunda humana que anhela o encontru con a suprema belleza y un paraisu vislumbrau.
Otrus didin que a puisia e un tballu esteril y n un sirvi pa na.E unha pérdida de tempu en éstim mundu globalizanti y amorfu,un desperdiciu do intelectu,unha entelequia espiritualmal retribuia.
A puisia se emplea pa aplacra as tormentas da alma,redimir a unha muller o a un homi o enchel o corazón de esi sentimentu chamau amor.Poi en dósis ben sirvías,alimentar o espíritu,asustra unha socieai o aleixar unha tristeda...
Bueno si quereis sabel mais de pusia,de autoris modernus y contemporáneus,de conceptus,de opiniós teñu poaqui un que didi que Garcia Lorca e un poeta mediocri,o mismu didi que en España dispois do Siglu Doiru nun ha habíu mais que medioocriais,a unhos le interesan Gogol,Tolstoy,Stendhal,Balzac,Proust y se citan por aqui a Teofilu Cid,,Brauliu Arenas.....Maire Dios que liu.Ei creu que voy siguil con as coixas de San Martín y mañçan sairá a MIÑA QUINTA.,¡nun vos pareci?

En to cassu sin alguén quel siguil o me rollu de esta mairugá que se poña comu ei en o "ordinaol" y !hala! dali que te pegu...