Foro-Ciudad.com AYUDA

Foros locales de todas las localidades de España

 
  Poblacion: 
Foro-ciudad > fincacha41 > Mensajes de fincacha41 Recordar esta Pagina
Pag. 1 2 3 4 5 6


31-07-15 09:46
#12780500
RE: Otra mañega que nos deisa
Me intiri ayel pur Chitu.Pini a mullel de Nista ha mortu.Pili a Melona forma parti de esas últimas mulleris do lugal que semprti foran sumisas y calás anti seis homis y os demais.Pili,parenta,pur parti de mei pairi,foy yuntu a sua hermana Vicenta un-a mullel de sua casa que pasó pur a via,sin molestar a naidi y sendu a mullel de un homi quiriu,admirau y cheu de bondai con o que too mundu tiña que vel.Nista,pur traición da via,apenas sabra dau conta de esa pérdida,esperu que si dispois hay algu NISTA Y PINI,cuandu chegui o momentu,se fundan en un abrazu y recordin con toa lucide,os anus que con os seis y tantus y tantus cuñucius en a via da terra tuveran.
SOIDI MUTA PA NISTA.Pa os fillus forti abrazu desde Sevilla dos meis.
Gonzalu
20-07-15 18:40
#12772050
RE: Se a mortu tía Diamiana
Toos recordamus con cariñu a tia Diamantina.Foy un-a mullel ejemplal que viví os últimus anus en esa extraordinaria residencia que tuvemus a sorti de queal en o lugal.Pa toa familia sintiu pesami y que descansi en PA miricia. Gonzalu y familia.
06-07-15 10:32
#12752374
RE: Fallecimiento de Tina
Veñu do campu,me metu en o foru y nun me quea mais remeyu,que antis de dilmi a fel "mandaus",envial sintiu pesami a esi mañegu Nanu y as boas persoas que comu Tina y Chon nos han desiau pa sempris.
De Nanu y Chon,ya disi algu.De Tina tamén,purque he sintiu sempri o lugal comu mei en a distancia teñu grandis recordus de ela.Miña Mairi,tia Chencha a nombraba mutas vedis y ei a recordu con cariñu,colocanda sempri comu mañega especial que supu sel boa mairi y extraordinaria persoa.
Pa toa familia sintiu pesami y forti abrazu.Gonzalu desde Sevilla
06-07-15 10:22
#12752371
RE: ha fallecido en renteria chon la negrita d.e.p
Fomus vidiñus sempri.Tia Maria y tiu Fulgenciu foran seis pairis.Os recordus de ela y de toa familia se me agolpan.Viviran c<on privacios pur isu cuandu en os anus sesenta,setenta se abrí a emigración masiva de tos extremaura y do lugal,encontrorin dispois de sacrificius,un postu de traballu que pur honrade y boa disposicion o superan conserval.
Ya nun a volveré a vela subil as grandis escaleiras de peira ,sempri limpas con agua do royu dondi le gustaba chapoteal y sentarsi pur as tardis pa fel un poicu de seran.Se foi lonyi da sua casa pero con o pensamentu fiju en ela.
A o fillu y Nora que sempris superan mimala,forti abrazu.Pa Ela descansu eternu y que sepa que ocupará sempris un forti recordu de toos.
Gonzalu y familia desde Sevilla
06-07-15 10:04
#12752358
RE: Se a mortu nanu
Hasta Nanu o Canu,le ha chegau a morti.Homis comu Nanu,dibian queal pa similla.Era bo,falaba con tos.Pa tos tiña algu que idel.Foy un gran traballaol y esta via quemutas vedis nos engana,fidu que estis ultimus anus tuvera un-a gran proba con El a o versi rodeau de circunstancias muy fortis que quizás le hayan ayantrau o últimu suspiru.
Nano,vaiti tranquilu.Nos has desiau pero a tua forma de sel,quea con nos pa sempri.A os teis,dos que sempri presumias y que le has desiau esis GEN privilegiaus nunca te van a ulvial.Os mañegus de dentru y fora nunca te ulviaremus.Gonzalu desde Sevilla
12-06-15 18:14
#12685448
RE: A biblia en maÑegu
..Tuvi a sorti de estar en o lugal.Mingu me chamó personalmenti,Amigus da Fala me mandó un escritu invitándumi.Era un gran acontecimentu pa o lugal,pa fala y sobre too pa esi homi humildi,sincillu traballaol,sufriu que ha siu y será referenti en a historia do lugal y con acentu pa toos en a Fala.
A Igleyia,escenariu sempris de mutivus religioxus,dispois da misa prisidia pur o Obispu de Coria -Caciris y curas do lugal,do pasu con mesa Presidencial en o altar mayol a presentalcon toa solemniai a o Novu Testamentu en mañegu.
Empezó Falandu muy ben John Maurice Pearson que yuntu a sua mullel Roberta Lee Pearson ,pertenecentis a Soceai Bíblica Internacional pro-testanti,se han empeñau en que a Biblia chegui a too mundu aún en lenguas minoritarias y nosa Fala y destacá en Congresus le chamó atención y viñeran fai DE anus,encontrandu un filón en Mingu comu expertu y sabiu en nosa Fala.
Tras palabras do Obispu y otras intervenciós de representantis de a Soceai Bíblica española,tomó a palabra y muy BEN Juan Carlus o fillu de Gil y Presidenti da Fala.Tamén faló Máximu(anterior Alcaldi) que destacó a gran aportación que pa Fala y San Martín tuvu
o Consejeru de Cultura con Ibarra don Franciscu Muñoz.El se empeñó en declaral a Fala Ben de Interés Cultural.
Cerró Mingu con palabras sintias y de agradecimentu a os que pur un u otru conceptu han feitu pusibli esta obra que leva comu porta o Conventu y contraporta a cru de peira con fondu do mismu conventu.
Se venderan as tres caisas que levorin.ais información y se quere4is compralo pur solu NOVI eurus en Sociedad Bíblica de España.Santa Engracia 76 28010 Madrid.Tfnos 916366300.Pedidos al 916.366.302.
Teñu muta presa.Vamus a sel pa Cáciris cincuenta socius do hogar Extremeñu pa coñocel un rincón muy cerca do lugal chamau TAJO INTERNACIONAL.Está pur o castelu purtugues de Marvao y a Zona de Brozas,Cedillo..etc.
Tan prontu teña tempu,vos falaré do HOMENAJI que he propostu pa o DE DAGOSTU(dia de San Lorenzu) en o Conventu.

Gracias y soidi pa Tos.Gonzalu
28-05-15 00:45
#12657653
A biblia en maÑegu
Prudenti,comu sempris num mo ha ditu El.Ha siu un familial o que me do a GRAN NUTICIA de que MINGU ha tradudiu a Biblia a o mañegu y que muy prontu rodeau de amigus y representacios a vay. a preyental.
Falal de DOMINGO FRADES GASPAR en cualquel ambitu cultural cercanu,he muy fácil.Historia,fala,conferencias,tesis,investigación y HUMANIAI cabin en El,pur isu dentru de un-os días(cuandu a encontri).volveré a insistir en esi homenaji ,miriciu que pur escritu a o anterior Alcaldi pia pa EL.Un-a Calli.un Centru Cultural un aplausu forti de toos mereci MINGU...ya he hora
Mingo:Abrazus,enhorabuena,gracias...tu que si has traballau.Soidi .Eris o millol.Gonzalu
28-05-15 00:25
#12657627
RE: eleccios ...
Purque viviu muy intensamenti os primeirus momentus de Máximu,purque he cuñuciu con amistais y aprecius a mutus dos mandus que en toa época sua ha tiu,cuandu teña tempu,analizaré y pondré sobre tapeti o papel extraordinariu y puntual que pa San Martín ha supostu esti periodu que creu que num ha sabiu rematal a o querel perpetual en persoas cercanas y sin curriculum demostrau,esis valoris que pa un lugal cargau de historia y de un-os valoris culturais y urbanísticus o nosu lugal,admirau y piropeau pur toos os que nos visitan mereci.
De Carlus,o novu Alcaldi solu sabría contal o que a yenti do lugal que pur sel netu de don Angil o Buticariu y sobre too,os de edais avanzas, sabriamus analizar.Que haya siu independienti,do PSOE y agora do PP nunca o entenderé ,salvu que sin escrupulu niñun,haya serpenteau hasta cunsiguilo.
Soy mañegu,sintu y latu desde Sevilla o que ocurri en o lugal y de él a gritu Pelau a o pe da Giralda o he manifestau.Total respetu a decisión mayoritaria que o día 24 o lugal manifestó.Solu piu a os novus dirigentis,honrade,traballu ymiral a toos pur igual.San Martin mereci sel tratau con mimu y respetu. Si así o fain,contarán con a mayuría de mañegus que tamén desde fora FEMUS LUGAL.Gonzalu
18-05-15 23:07
#12628668
RE: Ha mortu a Mairi de Bego,mullel de Goyu
Perdoei.Ten radon Chitu.A mullel de Goyu e Lurdis.Bego e a sua hermana que tamén vivi en Sevilla.Gracias y disculpa.Gonzalu
18-05-15 15:52
#12627614
Ha mortu a Mairi de Bego,mullel de Goyu
Fai un-a hora que me ha chamau GOYU,o fillu de Carmin y Carmelu,que vivin en Sevilla,pa idelmi que se diba a o enterru de sua sogra que había mortu en un lugar de Cáciris.
Pa sua mullel,pa os hermanus y netus,vaya desde aqui y en nomi da miña familia o sintiu pésami.Descansi en PA miricia tras larga enfermeai.Gonzalu
Pag. 1 2 3 4 5 6



 
Foro-ciudad.com -  Ultima actualizacion: 04/08/2015

Clausulas de responsabilidad y condiciones de uso de Foro-ciudad.com