Muelas de los Caballeros - Zamora

RÍU ÑEGRU NA CARBAYEDA ZAMORANA
(Juan Andrés Oria de Rueda Salgueiro)


Ríu Ñegru del miu amore,

¡Ay Riu Ñegru, chenu trueitas!,

onde las tuas auguas cantan,

onde las tuas auguas penan.



La tua colore rellumbra,

la tua colore ferreiña,

l'augua ye la túa sangre

que llambe dulce las piedras.



Mueitas gracias polos soutos

y tamién polas ribeiras,

polos tous escuros coutos

polas túas chanas veigas.



Abrázate eillí'l salgueiru,

los umeiros t'apareyan,

faite compaña el sanguiñu,

lluegu'l carrizu te beisa.



L'outoñu frescu al chegare,

date mil fueyas mariellas,

pardas de los carbayos,

las roxas de las fuseiras.



Ñaces bravu pa Escuréu

ente chafurnios y lleiras.

Saltas fendas y cabuercos,

reinu de l'águila ñegra.



Faces blancos gargallones

con esplumosas guedeyas.

¡Escueita los tous tambores,

brigosas retembladeiras!



L'augua suena eillí a cantare,

you escueito eillí muñeiras.

¡Música del tou ñacere,

sábeme a voces melgueiras!



Eillí crez la regalicia,

amaruéganos, ñebreiras,

perfantones, escanzreixos

y nel branu l'azucena.



Riegas, cerreos y llameiros

onde ñaz la surbia fiera

cola que los bravos astures

envelenaban las frechas.



Eillí los fríos d'iviernu

facen xielu lo que velan,

fasta que faga calore

la ñieve pousa na sierra.



Al pasare pol Outeiru

de Centenos fiendes peiñas

y más abaixo ente foces

bañas molinos en Peica.



Nel altu d'aquel outeiru

las peiñas ástures velan.

Naquel castru veladeiru

de sangre parez la tierra.



Sos llare de mexillones

grandes d'augua nas pesqueiras

que s'atopaban a esgaya

al llimpiare nas acenias.



Güei solo restan conchales

vieyos de más de ochenta.

Dizse qu'al pechar molinos

morre triste aqueilla pesca.



Sos el postreiru ríu llibre

sin pantanu que t'afuega,

l'últimu ríu ástur que vive,

y nel ñuesu Reinu queda.



Vieyu morres en Riunegru

dando fuercia al craru Teira

entoncias ye la tua augua

cumo escura carboneira.



Voume chorando al pasare,

dasme morrina qu'amuela.

Sos la reiz del miu amore,

¡sangre de La Carbayeda!