San Martín de Trevejo - Caceres

Si algu de bo ten esti Foru, ademais de que sirvi pa mantel a fala fora do lugal, ben o mal escrita pero fonéticamenti correcta, e que fai de raxeiru pa tos, tos somus igualis aquí en o sintiu de que nun hay diferencia de edais, o que nos gusta a tos os que pasamos ya do meyu centu, ni de razas, ni de ideologías, ni de sexus ( menus mal que ya era hora ); hay libertai de expresión, algunhos hasta abuxan de istu, hay hasta unha certa camaradería y familiariai manifestá en as felicitaciós y pésamis que tantu proliferan aquí ¿ Nun he dignu de tel en conta to istu y sel mantiu? . Por isu, ago que pareci un poucu baisu o Foru me pareci oportunu idel o que digu aquí y cuandu clamamus por reunilnus pa estál un ratu xuntus, o que estamus fendu a dali a o foru y a quin en él participa un plus de identiai propia por que esi acercamentu nos conforma caisi como un grupu, heterogeneu si, faltaria mais, pero o fin y o cabu grupu que se salúa con mais afectu si cabi cuandu nos encontramos en o lugal o fora de él, un grupu que se sinti de algunha meneira uniu por esti lazu da escritura a trevés de esti meyu, que mutas vedis nos sirvi de escapi da cotidianiai. A via dura menus do que supoñemus, por isu hay que procural acumular a mayol cantiai de bos momentus, que os maus o millol nos chegarán ( Dios nun o queira) cuandu menus o esperemus, por que con o pasu do tempu os recordus dos bos momentus son os que perduran y en mutas ocasios esis recordus nos fain revivil, de algunha maneira, aquelis instantis agradablis y gusta regocijarsi en elis.

Istu ven a contu de a poica aceptación, me pareci a mi, que ten a convocatoria pa reunirnus o dia 27 de Diciemrbi, si e que e esi o dia eligiu, salvu que se decida deisal a coisa pa Semana Santa claro. Hay que dal opinión sobre a fecha y manifestal si se vay a estal o non que se acaba o tempu. Por miña parti, prontu falaré con El salto y algún que otru forista mais, en persoa.Ago, dispois de esta perorata deisu de dal a tabarra y vos mandu un saluu pa tos. Soidi a Fala y pa tos. Chitu.

Nun creu que sea cuestión de poica aceptación, si non
que a genti nun poi. En inverno os desplazamentus
son durus y logu metersi un en casas, cumu a miña,
tan grandis, tan frías con o ben que un está en
sua casa.
Ei si me apuntu pa o día 27 de diciembri,pero si os
foristas pensan que é millor en Semana Santa, pos aceptu
o que diga a mayuria.

bos días

Creu que hai dudas máis ben sobri a festa,ei tenhu claru quén pensa
asistil i asina o dixeran.
Cana cum sua mulhel,O Munhu,Brodas,Cerrumicli i senhora,O Saltu i Viqui,
M/E i sua mulhel,Andurinha,Chitu i sua mulhel,suponhu que os que esten
eno Lugal,ie voi cum minha mulhel tamén,en fin,que num se cumu hai que
idelo,seguramente me ulvi de algén,Chenchu num dixu que num,Manhega
Ausenti i sei homi,creu que seremus algun máis de vinti,cumu ena anteriol reunión,inda poin sel máis.
Cana faló do Moet Chandon,Chitu das gambas,O Munhu que nos surprindiria,
ei dixi do vinhu brancu pâ os aperitivus i chocolatis pâ o final,a carni
se queó que era a escoti,tamén contamus cum Carlus i Carmin,i si se quel
invital ao conceixal de cultura,ao senhol alcardi,istu sin ánimu de
pulitizal,máis ben pâ aclaral maus intindius.
Se poin fel otras reunions cuandu se queira,solu faltaria,peru esta num
a deixu pasal,máis,cuandu tenhu a mulhel animá a dil,o vintiseti me pareci o milhol dia,num tenhu pereda ninhum'a a pesal que solu estare
um dia,pos eno caminhu se me van otrus dois.
Esperu vossas contestacións,mentras,um forti abrazu pâ tôs.