San Martín de Trevejo - Caceres

Nun queru promover un debati y solamenti expoñer
a miñas dudas porque soy conscienti que nun é tema
pa esti foru. Y o fayu desde o respetu absolutu
hacia os que siguin as directricis da actual
Iglesia Católica, que nun ten na que ver con a teología
escólastica do siglu XIII:

O robli é un árbol y unha bellota é unha semilla.
Un embrión o unha célula mairi nun é un homi o unha muller.
Logu, abortar nun é cometer un homicidiu.
A bellota segun Aristoteles é un robli en potencia, algu que
puiria chegar a selo. ¿Unha oruga é unha maripoisa?
Non.Se trata de unha maripoisa en potencia.
A Iglesia IMPON a seis miembrus (monjas y curas) a castiai/celibatu y sin embargu, esta en contra do preservativu y o abortu,que posibilita o sida y a miseria.

Nun ten facil resposta y escandaliza solamenti o leelo
que as menoris de dedaoitu anus poyan libri y voluntariamenti
abortar sin o permisu/protección dos pairis, pero ¿qué fer anti
os adolescentis que sintin meu o temor anti seis pairis?
éstas sempris buscaran a clandestiniai pa felo con o consiguienti
riesgu das suas vias.

boas tardis.

Efectivamenti Chenchu, e un tema de debati profundu en o que, pa participal, habria que desprendersi de mutus prejuicius morais e idiológicus y tamen, por que non, de indoli religiosa, pero isu e difícil y por tantu en as opinios que se den, toas respetablis sempris que nun ofendan, se vai a vel a influencia de esis prejuicius. O que haya unha ley que regula o abortu nun ten por que escandalizal a nairi, sea de a religión que sea o de a ideología que sea, e solu isu, unha regulación legal de algu que ya existía antis que a propia Ley y sin control. Temus libertai y se poerá o non censural a conducta de aquela que queira abortal, dentru de os máginis que a Ley permiti; o que nun e de recibu e que se penalici esa conducta unhas vedis si y otras non, según as disponibiliais económicas que se tuveran pa dil o non a Londris o a unha clinica clandestina. O debatí actual, cargau desde logu de ideología, en un aspectu, me pareci tardiu, por que a Ley existi, esta en vigor y o que se quel e reformala, ago se han dau a coñocel algunhos aspectus da reforma, inda ten que debatilsi. Por isu, a mi non me convenci que se digan as coisas que se didin y as propagandas que se fain; en otru aspectu, ei nun estoy de acordu con que unha menor que, legalmenti nun ten capaciai jurídica o legal, poa tomal, sin mais, a decisión de abortal, inclusu dentru de as situaciós que a Ley contempla, nun solu por que le falti esa capaciai jurídica sinon por que, nun creu que haya facultativu con dois deus de frenti que, sin permisu paternu, acometa nun ya esi tipu de actu mecu sinon niñun otru, por a conta que le ten, por isu creu que isu e un globu sonda mais que se ha lanzanu pa que se discuta y logu ya vendran as rebaisas. Sobre o dereitu a via habria mutu que falal, y como didis, unha bellota no e un robli y oixi as que chamamus adolescentis tenin mais cuñucimentus que nosotrus, y asi debi sel y esi e o camuñu, educación sexual a tempu y faciliais pa poel disfrutal de unha sexualiai conscienti, sobre to isu, conscienti.
Nun queru cansal mais por que a polémica está en a calli y naidi se la vai a fel cambial de opinión, pero si dibia informarsi mais y millol sobre estis temas que despertan a vedis pasios que poin confundil. Soidi pa tos y pa a fala. Un saluu de Chitu,.

Estimaus Foristas "Chenchu" y "Chitu".
Pa que unha semilla dé productu, ten primeiru que morrel. Por ejemplu: A semilla de o trigu, cebá, etc. se sembra en a terra y logu se convirti en una espiga dorá que produdi mutus grás a o cabo de oitu meses y dispois o grán se tritura y se produdi a fariña y a continuación se amasa y sai o pan; antis tamen se ha separau o salvau que ven con o trigu.
Si estas plantas, a os dois mesis de nacel, as cortas violentamenti, to o procesu que te explicau antis con o trigu, se morrin, y si o os dois dias de sembral a arrancas, tamen destruyis too o procesu.
Con os animais ocurri o mismu procesu: O esperma de un cabalu penetra en a vagina de a yegüa y vai a paral a o óvulu de a misma, entoncis se produdi unha creación de otru cabalu; millol ditu, de un "putritu" too e cuestión de tempu: Un día, unha semana, un mes un anu y ahei temus un cabalu con o tempu. To esti tempu está vivu dentru de a yegüa a semilla que depositó o cabalu.
Vos e explicau muy pol encima o sistema de as Plantas y de os animais, a grandis rasgus.
Vamus a vel que ocurri con as persoas:
Con cariñu y con amol un homi y unha mullel, realizan o actu sexual, voluntariamenti y sin que estén obligaus por naidi. O homi le introdudi o "esperma" en a Vagina de a Mullel y vai a paral a o "óvulu" de esta misma Mullel. En esti trayectu de a Vagina a o óvulu, se han perdiu ná mais y ná menus que alreol de 500.000 espermatozoidis de o omi y sólamenti subi un, dois, tres ó 4 cuandu espermas cumu máximu; os mais fortis.O Esperma que penetra en o óvulu de a Mullel, e un Ser Vivu y solamenti morri, cuandu a Mairi morri. Si vivi a Mairi, vivi tamen esti Ser Vivu.
Que consideraciós existin pa a Mullel-Mairi.
A Muellel-Mairi, que ha engendrau esti Ser Vivu, nun ha siu obligá pol naidi, a actuau con toa sua voluntai.As consecuencias y responsabiliais son suas y de esi Omo (Pairi).
Preguntu ¿A Mullel-Mairi e dueña de o Ser Vivu que ten dentru de o sei Ventri?. Ei respondu NON. Sólamienti se e dueñu de aquilu que compras o vendis por ejemplu. Zapatus, roipa, etc. apois tiral o regalal o rompel.Pero un fillu nun se compra ni se vendi, ni se poi regalal. Unha Mairi nun e dueña de niñun Fillu. En o mismu momentu de a "Fecundación" o "Concepción" hay un ser Vivu, Inocenti i o únicu "Dereitu" que le asisti a Mairi e de trelo a esti Mundu. E cuestión de un minutu, meya hora, unha hora, un dia, una semana, un mes y a os Novi mesis, aei temus un Ser Vivu, chamau "Dagalitu", que é independienti de sua mairi, porque ten: corazón, pulmós, estómagu, boca, etc. que nun ten na que vel con sua Mairi, e Libri y solamenti necesita de a Mairi o quin o cuidi, cariñu, mutu cariñu, mutu amol y alimentación, abrigu y lavalo, etc. y levalo a o Meicu si se pon mau.
Cuandu o "dagalitu" está durmiu, le pasa o mismu que a unha persoa mayol que está durmia Preguntu:¿Se poi matal a esta persoa cuandu está dulmia?. Ei respondu. NON. Naidi ten dereitu a matal a otra persoa, ni inclusivi o Estau o Gubernu tenin Potestai de isu, aunqui hubera Leyis que o autorizaran. Sólamenti unha persoa se poi defendel y "actual en defensa propia", cuandu violentamenti" e asaltau y a opoñel esta defensa o resistencia mata a otra, y aún así hay penas y responsabiliais penais, económicas, subsidiarias, que se tenin que resarcil. Istu últimu son temas "muy jurídicus", que hay que estudial en ca casu y de acordu con o que a Sentencia de o Tribunal dispusiera.
Que sucedi si a Mullel-Mairi, dispois de o actu sexual,(un día, unha semana, un mes)y a o cabo de ese mes vai a unha Clínica y "aborta", aunqui haya Leyes que o autoricin, sigui sendu unha "premeditación" y
aei se produdi o que se denominaria "un asesinatu", sin consentimentu de o Ser Vivu que está vivindu dentru de o Sei Ser.
Ya sabemus, que cualquer "Contratu" Civil, Administrativu, Eclesiásticu, etc. o de otra índoli, debin firmalo as duas Partis, pa que teña valol y sean voluntarias a o mismu.
En esti casu o Fillu nun naciu nun ten Potestai pa suscribil niñun Contratu, ni tampoco un Fillu de 1 anu naciu, ni de dois, ni de tres anus, etc. son Menoris de edai y hasta os dedaoitu anus, tenin a "Patria Potestai" de os Pairis.Salvu excepciós. Istu nun solo vos o didgu ei. A Constitución en vigol de o anu 1978 y que toos os Españolis, pol Mayoria, votorin SI, o didi: Todas Las Personas son Mayores de edad, a partir de los dieciocho años de edad. Y pa que unha ley, teña o mismu rangu, debi cambialsi o derogarsi pol otra misma Ley y Esta Ley que quel impoñel esti Gubernu, nun ten o mismu Rangu que a Constitución, porque necesita a voz de toos os Españolis, lugu esta ley que pretendin sacal ayantri, e Nula de Plenu Dereitu, por Inconstitucional.
Tamen un Artículu de a Constitución de 1978, didi: "Todos tienen derecho a la Vida..." se refiere as persoas que nun han naciu y están dentru de o Senu Maternu de una Mullel-Mairi.
Creu que pol esta Mañán ya vali.
Soidi a Fala.Mañegus y Mañegas.
Chalrrieira.

O abortu está permitiu y liberalizau en EEUU, Francia,Italia
Portugal, Japón, India, China y otrus mutus paisis dondi
o homicidiu está prohibiu. O únicu mutivu pa prohibir
o abortu é de tipu religiosu.
Unha bellota nun e un robli, pur isu a prohicion de cortar
roblis nun ten na que ver con a prohibicion de recoller o seis frutus.

"Cuando el esparmatozoide de un hombre fecunda el óvulo
maduro de una mujer y los núcleos haploides de ambos gametos
se funden para formar un nuevo núcleo diploide, se forma el
zigoto que (en circunstancias favorables) puede convertirse
en el inicio de un linaje celular humano, de un organismo
que pasa por sus diversas etapas de mórula, blástula, embrión
feto y finalmente, hombre o mujer en acto.Aunque estadios
de un desarrollo orgánico sucesivo, el zigoto no es una
blástula, y el embrión no es un hombre.Un embrión
es un conglomerado celular del tamaño y peso de un renacuajo
que vive en un medio liquido y es incapaz por si mismo de ingerir alimentos, respirar o excretar, sentir,pensar por lo que sólo pervive como parásito interno de su madre,a traves de cuyo sistema sanguineo come, respira y excreta (....)"

Jesús Mosterin, profesor de investigación en el instituto de Filosofia del CSIC.

¿Que fairias tu, si por ejemplu, algun familiar tei
abusa de unha adolescenti y a deixa embarazá? ¿Te fairias tu cargu
dos gastus que trai consigu educar/ criar a un fillu?

En Brasil o arzobispu excomulgó a mairi de unha dagalita
de novi anus viola por sei padrastru y en peligru de morti
por o sei embarazu dobli, asi cumu a os mecus que efectuorin
o abortu.
O anu pasau en Espña unha muller preñá de un fetu
con holoprosenfalia, condenau a morrer o nacer/vivir
cumu un vegetal, tuvu que dir a Francia abortar.
En Espña desde o 1985 existi o dereitu abortar y desde entoncis
os obispus nun ha deixau de protestar; dispois de 24 anus se debi
liberazar o abortu dentru de as primeiras semanas de embarazu.
Y as persoas que jamais abortarán, dibirían respetar a decisión de
esas mulleris que se ven obligas a felo

Al entrecomillar a palabra asesinatu a desvaluas que é o contrariu do que tu ques expresar.
O mei nomi é Chenchu y nun me gusta que o encerris en esi signu de puntuación que a ti tantu te gusta.

bos dias.

O Abortu, nun está permitiu en toos os paisis que citas. En Portugal o están intentandu, peru nun está permitiu. Te citu esti Pais por sel o mais cercanu a o nosu Lugal.
En cuantu a o "Parásitu Internu". Nun aceptu esta frasi en o sintiu de estar dentru de o Senu Maternu de una Mullel-Mairi, e idel, dentru de o Ovulu de a misma, un Ser Vivu y que está constantimenti movéndusi.
Ei he vistu, ya fai mutus anus, un "Vídeo", de un Ginecólogo, que foi Pro-Abortista que logu cambió suas ideas; Norteamericanu pol mais señas, en o sintiu de cuandu está "a criatura" dentru de o ventri maternu, se movi con unha agiliai de espantu. Y cuandu o bisturí diva a pol el, se escundía dondi puía, pero lógicamenti o bisturí fidu mella en él y o mató. Pero que nun e un Ser Parásitu, ni mutu menus. E un Ser Vivu y coleandu dentru de o Ventri de a Mullel-Mairi. Si nun quees creélo, esi e tei problema. A Miña Con-ciencia, Conciencia, a teñu muy tranquila y clara sobre esti particular.
Atentamente,
Chalrrieira.

Observa:

Está prohibiu o abortu en Chile, El Salvador, Filipinas, Somalia, Haiti,
R. Dominicana, Andorra, El Vaticano.

Portugal despenalizó o abortu en Referéndum(11/02/2007) con muta abstención é certu. Y nun sé si se aproborin a ley que os
socilistas con mayoria absoluta se propuyeran presentala en o
Parlamentu.

O abortu é legal en 117 paisis con o 74% da población mundial.
Y sin restricios: Canadá, Cuba, China, EEUU, Francia,
Hungría, Puerto Rico.

"En cuantu a o "Parásitu Internu". Nun aceptu esta frasi (.....)"

Un parásitu é un organismu cumu tu muy ben didis se movi, pues
claro que se movi...un parásitu vivi a expensas de otru
do cual se alimenta.
parásito: para = al lado/ sito= comida

Respetu hacia a tua concepción do mundu y da via,pero aqui nun
estamus falandu sobre a bondai o maldai de os nosus actus (conciencia)
si non de casus cumu o famosu MISS D, unha irlandesa de 17 anus
embaraza con un fetu con anencefalia, sin cerebru (anu 2007) condenau
a ser un mininu vegetativu, cegu, sordu, inconscienti, incapaz de percibir,pensar ni sentir, na de na, ni siquera o dolor.Un tribunal anularia a prohibicion de dir a abortar a Inglaterra.

Existi un principio ETICU que grupus fanáticus católicus nun cumplin:
"Todo lo que hagas a otros te lo haces tambien a ti mismo"
O "No hagas a los otros lo que no quieras que te hagan a ti"

¿Utilizarias celulas mairis pa salvar un fillu tei?
¿Cometei un asesinatu a adolescenti irlandesa, casu MISS D?

boas tardis

Unha de parásitus: Os hay externus y internus. Se refiere a un "insectu" externu, o que vivi de otru animal, fora de o sei Corpu. Cumu as moscas que pican a os Cabalus, Vacas y otrus animais, esis son Parásitus Externus, que le chupan a Sangri a otros animais que tenin algu productivo en esta via: Cumu as Vacas de Leiti, Cuchinus, que dan Matanza y otrus seris que hay alreol de estis animais, repitu, son Parásitus Externus.
Os Parásitus Internus: Son bacterias que penetran en o Corpu de os animais, cumu a "Trichina" o "Triquinosis", en os Cuchinos, Jabaliis, etc.
En Portugal, nun hay Ley de Abortu.
En Italia, un Ser Vivu, fillu de Mullel-Mairi y de homi-Pairi, chamau cumu nun formau igual que cualquel sel humanu, sólu con deficiencias, aprobó un Doctorau en unha Universiai de Italia, fai tres anus ¿E que nun ten dereitu a vivil, crecer, nacel esta persoa? y otras igualis que ésta ¿Quin somus nosutrus pa quitali a via a os demais?.
Soidi a Fala.
Chalrrieira.

En PORTUGAL existe unha ley de interrupcion dO EMBARAZU
pa salvar a via o salud da mairi corri peligru, en casus
de malformacion fetal o cuandu o embarazu es productu
de unha violación.

"No obstante, el 11 de febrero, se celebró el segundo referendo en nueve años para decidir si ampliar las causales bajo las cuales se permite el aborto.

Aproximadamente el 59 por ciento de los votantes participantes respondieron con un “sí” a la pregunta del referendo: “¿Está usted de acuerdo con la despenalización del aborto si éste es efectuado en las primeras 10 semanas del embarazo, a petición de la mujer, en un establecimiento médico legal?”

boas tardis

valla,valla o que da de si a dichoya bellota??

Unha precisión:

Jesús Mosterín do CSIC, nun soy ei, didi: ("....)
sólo pervive como parásito interno de su madre"

A bastardilla é miña.

Aqui esti prestigiosu profesor/investigaor nun didi que
o fetu sea un parásitu, manipulas unha vez mais
o que se didi, fijati en o adverbiu "como" = de igual
manera.

Me gustaría que responderas as preguntas que te formulu

boas tardis

Non e esta a cuestión, ya idia ei que o tema do abortu, desde o puntu de vista legal, está superau en España y volvel a o debati de si hay via humana inmediatamenti dispois da concepción o estamus en presencia de unha célula, leasé proyectu, solu isu e cuestión cientficamenti resolta, o tema era si debi tel o non castigu a conducta de a mullel que en determinás circunstancias y tempu, circunstancias ago legalmentei establicias, decidi interrumpir un embarazu. Se te poin tirarl por terra tos y ca un dos argumentus que citas en a primeira resposta que das a Chenchu y a mi; desde o que didis respectu de que a semilla ten que morrel pa dal productu, o cual me pareci que careci de sintiu, pues de na mortu poi sel algu con via y a semilla enterrá por distintas interaccios biológicas genera unha planta, hasta negali a mullel a propieai de un ovulu fencundau o de un embrión. Esperu que as mulleris que nos leen te perdoin esa ligereza. Tu eris dueñu de tei corpu y tes libertai pa fel o que queiras con el, de o que tu fayas con el solu tu eris responsabli y se te poera censural o non por que te cortis un deu que te molesti ypor que te da a gana, pero nun se te poi metel en a carcil por isu. O ovulu forma parti do corpu da mullel y si, por as cicunstancias que sean, dentru de os parametrus que a Ley señala, ela, en o usu de a sua libertai, decici nun siguil pa yantri con esi proyectu, está en sei dereitu. Nun e verdai que inicialmenti haya o ser que tu didis, non, solu hay un proyectu y si non, ¿me ques idel que pasa con a ingestión de a chamá píldora de o dia dispois que evita a concepción ? ¿E isu un abortu ? Tampocu pois comparal o corti de esa espiga que tu didis con a interrupción de un embarazu, por que a espiga nun e un proyectu, o embrión de unhas semanas si, repitu de unhas semanas, non de unhos mesis cuandu ya hay formacios.

En fin, nun queru profundizal mais por que seria largu, solu digu que nun se poin fel afirmacios radicais sin quel en erroris garrafais, y en o que ei entru, nun e en a legitimiai o non de interrumpir, repitu en determinas circunstancias y tempu, un embarazu, que pa mi e legitimu en o usu soberanu da libertai y dispoisición que ten a mullel, en o que ei he entrau e, en que, ago, con a propaganda que se está fendu, o que se quel volvel a sacal o debati, abortu si o abortu non, isu ya está superau aquí y a mi, me parecerá ben o mal que se ampari unha mullel en la Ley pa siguil o interrumpir un embarazu, pero ei non soy naidi pa censuralo por que e unha acción libri da que ela solu e responsabli. Soidi pa tos un salu, Chitu.

Estimau Forista Chitu:
Nun estamus de acordu en ná de o que comentas:
Primeiru. A semilla pa que dé frutu, morri. Si tú sembras unha patata, esa patata morri pa dal mutas mais, si nun fora así, nun mereciria a pena sembral, porque sairia unha sola patata, entoncis vendría a fomi. Ei e comprobau que cuandu se sacaban as patatas, había algunhas que nun habian mortu, entoncis nun habían dau productu.Si sembras un ramu de Oliveira, a o cabu de 4 ó 5 anus, nun te dá un solu vagu, si non que te dá mutas mais adeitunas.
En cuantu a semilla que sembras:garbanzus y a arrancas, aei has feitu unha operación violenta y ya nun se produdin mais garbanzus. Cuantas vedis hemus ditu que a "naturaleda e sabia". Temus que aprendel de a naturaleda, pa poel pasal estis ejemplus a via real de as persoas.
Segundu.Tú didis que ei soi dueñu de o mei Corpu. Nun estoy de acordu contigu. Si ei fora dueñu de o mei corpu procuraría tel sempris 20 anus, nun morrel y nun tel niñunha enfermeai. Pero nun somus dueñus de o nosu Corpu, sólamenti temus libertai pa transportal o corpu de un lugal a otro, movelo a nosu antollu, pensal o que queiras, pero o Corpu nun o as comprau con un Contratu, ni tampocu perteneci a teis Pairis. Teis Pairis han siu o Productu de trerti a esti Mundu, pero ni Teis Pairis ni tú eris dueñu de o Tei Corpu. Ya te poñu ejemplu de si compras unhos zapatus o roipa, a pois tiral, rompel, regalal. De esas tres coisas si eris dueñu, pero de o Corpu non, porque si te tiras de unha ventan, tampocu eris dueñu de os teis actus.
Terceiuru. Pol o tantu, nun e ditu niñunha ligereza en cuantu a idel que a Mullel-Mairi nun e dueña de o Ser Vivu que ten dentru de sei Sel Maternu, e idel, dentru de o "óvulu maternu". ¿Cúmu vas a ser Dueñu de
de otru ser Vivu, que a Muellel e Mairi, nun dueña, de o Sel que ten dentru, si nun somus dueñus de nosotrus mismus.¿Tú eris dueñu de os teis Fillus?. Ei nun soi dueñu de a miña Filla. Miña Filla, se sintiría humillá, si ei fora dueñu de ela. Meis Pairis nun son dueñus de mí, son "Pairis" y ná mais y han tiu unha responsabiliai en crialmi y dalmi unha educación, alimentus, vistiu, etc. pero siguin sin sel Dueñus.
Dueñu eris de aquilu que compras en o Mercau. Calcitís, corbatas, etc. y si qués ta pós y si nun a tiras.
Pero un Fillu tes obligación de Cuidalo, asistilo y dali mutu amor, cariñu, etc, pero siguis sin sel Dueñu de esi fillu.
Cuarta. A Píldora de o dia dispois. E ditu en a miña primeira intervención, que en o mismu momento de a "Fecundación" o "Concepción",en esi mismu momentu, aei ai un "Ser Vivu", dentru de o óvulu maternu de a Mullel-Mairi, si dispois de realizar o actu sexual, 24 horas dispois tomas esa Pastilla, aei ya se ha produdiu unha morti, "aunqui sea esti ser vivu de unha millonésima parti de grandi", sempris será un Ser Vivu que o han matau sin él sabelo.
Ten en conta que cuandu se fala de a Libertai, hay que vel a que Libertai te refieres. Si Tú qués cruzal unha calli dondi pasan mutus cochis, en esi momentu tes a Libertai restringía; tés que esperal a que o semáfuru se poña verdi. E idel, que a Libertai e un conceptu muy usau y se poi manipulal.
E Igual que os Dereitus. ¿Quen ten mais dereitus? ¿Os traballaoris que fain huelga de Metru? o os ¿Traballaoris que tenin ganas de dil a o Traballu?.
Bueno. Pol esta mañán ya está ben.
Soidi a Fala.
Challrrieira.

Por acabal esta conversación y deisandu claru que istu e como si o estuveramus falandu debaisu dos portais deyantri de muta xenti o en o llanu de igleixa o en a ermita de San Peiru, como de jovinis vaya, sin querel molestal, solu defendendu ca un sua opinión, volvu a idel que nun me poyu imaginal como unha coisa morta poi dal frutu, o e que, o millol, confundis enterral como morrel que nun e o mismu, ni germinal e morrel.
Logu siguis en o error de confudir propieai sobre unha coisa que se compra con o conceptu de propieai dominical, por que debis sabel que hay varias clasis de propieai, un poi sel propietariu y nun disponel de a coisa, o sea nun tel dos os dereitus sobre ela, por que poi estal sendu usa permanentimenti por otra persoa, que teña o dereití de usu por ejemplu y por isu nun se deisa de sel propietariu, por que a propieai nun solu se adquieri por compra hay otrus meyus de adquirila. Ei nun he falalu de a propieai de un fillu, estaría bo, idemus coloquialmente que e mei fillu, pero isu nun significa que poamus disponle del él como propiu, sin embargu dili a cualquel mullel que nun e dueña de o ovulu que está dentru de o sei corpu, antis y dispois de fecundalo, veras que te contesta. Nun hay via independienti en o ovulu fecundau hay via celular si ques, pero na mais, a partir de certu momentu o que habrá será unha via pero nun e independienti, ¿ulvias o cordón umbilical ?. En fin, pa nun mezclar as churras con as merinas, deisaremus en pa o dominiu sobre y sobre a posibiliaia o non de ser mais jovin por que entoncis o dominiu siria sobre o temnpu, y en cuantu a os actus propius siria un tema filosóficu de muta escritura, solu apostillu que haya cochis o nun haya cochis teñu libertai pa cruzal, lugu pecharé con as consecuencias, por que solu se ten a libertai restringia, como tu didis, cuandu estas obligau coercitivamenti por limitación o privación de ela, mentras, un ten libertai pa fel o que sea, y logu tendrá que sufril as consecuencias si o usu de esa libertai era inapropiau. Asi que, pa mi o tema está zanjau ya que naidi mais entra a opinal. Soidi pa tos y pa a fala.Chitu.

A partir de unha patata se poi escribir, escribir too o que
un queira, sin idil na,mutu ruiu y poicas noidis. Afirmar que a
patata morri y de a sua morti se multiplican a patatas
(¡¡¡!!!) y cuandu se puirin(morrin) en casa... pur qué nun cosechamus
patatas sin necesai de sembralas.¿Y acción do agricultor? a o parecer nacin por generación espontánea.

"A materia ni se crea ni se destruyi, se transforma"

O embrión vivi a través da mairi, nun ten via propia, se desarrolla
duranti mesis hasta chegalen convertirsi en homi. E un milagru maravillosu, y a muller debi sentirsi realiza, satisfecha. Pero
en definitiva é a el.la a quin correspondi decidir si é o momentu
oportunu pa realizar o milagru en o sei ventri.
Un mininu é un ancianu en potencia, pero nun ten dereitu a
jubilación. Un homi vivu é un cadáver en potencia, pero nun é
o mismu enterrar a un homi vivu que a un cadáver. Os vegetarianus
comin hobus y nun comin galiñas. Un embrión nun é un homi
y por tantu eliminar un embrión nun é matar a un homi. O abortu
nun é un homicidiu.
¿Cúmu nun fer usu das ce.lulas mairis pa salvar a un fillu?
¿Cúmu nun comprender que esas mulleris que han siu violas
o forzas sean condenas por abortar?
Fai un par de anus o Cardenal OBandu,se opuyu a o abortu
terapeuticu de unha dagalita de novi anus, viola, enferma y con
a sua via en peligru. A Iglesia de Nicaragua apoya politicamenti
a o dictaor Ortega a cambiu de que ésti prohibira definitivamente
o abortu terapéuticu.
Tamen doy o tema por zanjau purque nun se contestan as preguntas
que se formulan y si ademais nun se piin disculpas cuandu se demuestra
que un esta equivocau, por ejemplu: ¿está legalizau o non a interrupción do embarazu en Portugal?

boas tardis

Nun he puíu escribil porque he estau muandu a piel da narí. A he tíu comu un tomati cono remeyu de Nachu -¡¡o día qu’o pilli!!-.

Hola Chenchu: Tú, sabías que cuandu iniciasti esti novu tema, inevitablimenti surgiría un debati ,-comu así ha síu-. Ei creu, que sí é un tema pa esti foru. O qu’enel se trata, son os dereitus da mulhel sobri o abortu , i as manhegas nun son un-ha excepción.

Personalmenti: me pareci ideal qu’hayas sacau a debati un tema tan trascendental comu esti. De cuandu en cuandu, é necesariu tratal temas serius i menus triviais comu de custumbri femus. Tamén me sorprendi,que nun hayan dau opinión as mulheris do foru; pues o que aquí habeis tratau,ha síu a defensa dos seis dereitus.

En esta página d’interné,poeis leel máis detalhamenti diferentis aspectus escritus sobri o abortu: https://s.wikipedia.org/wiki/Aborto_inducido . O qu'enesta página se lee , son leyis promulgás poros homis; otra coixa son as leyis divinas i naturais. Pues, é aquí,dondi o nosu bo amigu Chalrrieira quel dil a paral.

Forti abrazu a tos

FONTI NOVA

Ya idia ei en a primeira intervención que fidi en esti tema, que era necesariu desprendersi de unha serii de prejuicius pa opinal, por isu nos hemus diu por os cerrus de Ubeda. A cuestión, pa mmi, nun e aborto si o aborto no, sinon que e algu que está pasandu y de algunha maneria hay que regulalo, de momentu está regulau y ago se quel perfilal a coisa un poicu mais; ya veremus o que da de si por que o que temus e un proyectu. A regulación legal, na impon, solu someti a certas condicios o feitu de abortal, respetandu sempris a libertai de a mullel. Como he natural as idiologías mais conservaoras, que curiosamenti son as menus liberais, nun querin ni uivil falal de o abortu, ni de unha regulación legal, non se poi y ya está, y isu si e limital a libertai de a mullel.
Pensemus en o casu extremu de unha violación o en o casu extremu de que en as primeiras semanas de gestación se descubrin que o embrion que se está formandu (inda nun em mais que isu) vay a tel malformacíos que poin felo inviabli; aqui e donde decidi a mullel, aqui e donde fai usu de esa linertai pa paral o siguil. Istu desde logu e que debi estal regulau, por que nun falamus de abaortu indiscriminau. A que sea creyenti y se someta a esas leyis divinas que tu didis, temen ten libertai de felo y siguil pa yantri, pero nun hay que demonizar a conducta de a otra.Fontinova, tu non abortis a visita esti verán a o lugal que chalrrearemus entre tragu y tragu. ¡AH! y que os que sayan esta Semana Santa, que poñan os cincu sintius pa volvel a casa otra ve sin noveai, e o que ei le deseu .Soidi pa tos y pa a Falal, Chitu.

Se m'ulvió ponhel as cuntraindicaciós.
Te queixas pol ná, miro d'esta maneira, has consiguiu duas coissas
d'um'a vé, agó tes a narí nova pur dentru i pur fora.
O alhu renova tô, ia o dixi, agó ia num falas do goteu da narí, ia
num t'acordas, agó falas da narí colora i sim pilhica.
Num te doi otru remeiu pâ istu, num vaia sel que perdamus a nossa amistai, anotare eno cuadernu as propiais renovaoras i esfoliantis
do alhu, pos istu num se cunhucia.
Deseandu que te recuperis prontu, te mandu um forti abrazu.
Soidi pâ tôs i pâ Fala.

Amigu Nachu:

Códigu de Hammurabi didi:

Cuandu un homi libri aconselha a otru homi libri; i esti sai perjudicau por o que aconselha. O perjudicau,será indemnizau co cincu siclus de plata por aquel que ha aconselhau ; (esti rei babiloniu,foi o primeiru en aplical a Ley do Talión).

Ei, nun sé a cantiai que resultará o cambiu a Eurus; peru seguru que é un pastón. Comu nun queru sel tan rígidu comu Hammurabi,i tendu en conta qu’o remeyu funcionó; i que a narí se peló comu consecuencia a aplicación de tal remeyu, me conformaré, con ½ kilitu d’angulas d’Aguinaga "frescas",acompanhá da correspondienti receta pa felas. -¡¡Ojo,cona cantiai d’alhu!!. Por o vinhu nun te preocupis; que ya o pon Chitu.

¡Hola Chitu! .Intentaré nun abortal esa escapá a o Lugal esti verán. En cuantu: "abortu sí,abortu non"; ei,soi partidariu-aquí cuincidu cuntigu-, d’interrumpil o embrazu enos caxus siguientis:
a) En caxu de violación.
b) En caxu de altu riesgu pa mairi.
c) En caxu de que se detectin anomalías eno fetu.
d) En caxu de que nun haya ninhún tipu de garantía po reden nacíu d’un-ha vía digna (istu siría discutibli).

Peru nun estoi d’acordu, en que o abortu se utilici comu solución a os desmairis das noitis de festa. A xuventú, ten un conceptu mui equivocau da diversión hoixi en día; creen que cono sexu i o alcohol está to feitu. Cuandu mencionu as leyis divinas,m’estoi rifirindu a os danus sicológicus que un-ha mulhel sufri cuandu interrumpi un embrazu sin máis justificación qu’o deseu de nun sel mairi.Pues,esti actu é algu que a marcará pa toa sua vía,porque sempris pensará que fidu algu en contra da naturaleza.

Forti abrazu a tos

FONTI NOVA

Boas mañas pa os Foristas.
Cumu recordatorio, diré que a Patata si morri enterrá, e cuandu dá productu y se multiplica. Cuandu se sacan as patatas, aparici namais a cáscara.
A Patata que se puiri, repitu se puiri y nun dá productu niñún, o únicu que cheira mui mal.
O Embrion vivi a través de a Mairi, correctu. Pero nosotrus, as persoas mayoris, vivimos porque comemus alimentus, logu esi e o embrion que necesitamus tamen pa siguil vivindu.
Efectivamenti. Se realiza en o momentu de a "Fecundación" unha creación. Ei nun digu Milagro. Repitu y digu Creación, porque, crear e aquilu que nun existi y a persoa que nun existi nun se a creau.Milagru e aquilu que Dios nos revela a través de a Virgín, Santus, etc.
Cualquel sitiu e vó establecel unha conversación y cualquel tema tamen, sempris y cuandu sea unha conversación agradabli sin lastimal os sentimentus de os que conversan.
O Óvulu e un miembru mais de o Corpu de a Mullel, pero si realiza o actu sexual y penetra o esperma dentru de esi Óvulu, ya nun he de propiai de esa Mullel-Mairi, sinon que hay otru Ser Vivu, que ten via propia y efectivamenti, a Mullel se sinti confortá, se a realizau, y está en plenitud de sentimentus.
Efectivamenti, hay mutus tipus de dereitu de propiai. Pero ei me refieru solamenti a o Corpu de as persoas.
Si elegis a libertai para cruzal unha calli, cuandu están pasandu cochis. O que fais e ser "Temerariu" y estás incumplindu leyis civilis que to prohibin. En esti casu repitu tes a libertai restringia. E un ejemplu, cumu cualquel otru.
Un mininu e un ancianu en Potencia. Bueno, necesitan as duas persoas mais atención. Pero ya te he postu antis, que as persoas necesitamus alimentus, agua, etc. logu tamen necesitamus de esi "cordón umbilical" o de esa atención dos alimentus pa siguil vivindu.
En cuantu a os Riesgus muy grandis de a Mullel-Mairi pa abortal. Ei te diré que según "as costumbris" y o que antis estaba estableciu, era que en primel lugal se salvara a via de o fillu y en segundu lugal de a Mullel-Mairi. Tal vez agora haya cambiu esta filosofía.
Os Ginecólogus, debin estudial, pa salval vias humanas, nun pa destruilas. E Igual que os Meicus. Debin estudial pa cural seris humanus. Creu que as Universiais están feitas pa estudial estis cumitius. Cumu tú as estudia Dereitu. Si huberas estudia o contrariu de a Justicia, nun siria esti mundu un poicu habitabli. E así y hay mutas peleas y follós, cuantu mais si caún fidera o que le dá a gana. Hay que procural fel ven pol as Persoas.
En cuantu si hay un fillu que ven con "dificultais", dígasi "diminuiu físicu". Ei te poñu o ejemplu de esti Científicu Británicu "Hopkins" que vai en silla de roas y que apenas poi falal; ten dificultais, sin embargu e unha "eminencia" en Inteligencia. Y preguntu ei ¿Quin ten Autoriai pa determinal si esti Ser Vivu, o otru que vaya en silla de roas, se poi fel con él o que se queira?.Ten en conta que son os fillus mais cariñosus, mais vos, mais humanus que os otrus, sin lugal a dudas.
Entru un poicu en tema Jurídicu. Si antis de nacel un Sel Vivu, se poera sabel de a "Conducta" que va a leval esta persoa cuandu saya de o ventri Maternu de a Mullel-Mairi, ¿Cumu va a sel con a Conducta?, pues nun o queremus y va a sel voo pa Soceai. ¿Pero quin ten Autoriai legitimá pa dispoñel de esta Conducta o de esta Persoa?.
Amigu Fontinova. Tú tés muta experiencia en estis asuntus. Lamentu nun poerti imital.
Bueno, pol oixi ya está ben.
Chalrririera.

'Amén, autobiografía de una monja' es el título del libro escrito por la hermana Jesme, una ex monja de Kerala que abandonó la Iglesia tras vivir 33 años en un convento del sur de la India.

Jesme cuenta en 'Amén' cómo fue seducida por uno de los sacerdotes de su congregación, al igual que muchas otras monjas. También habla de cómo a veces las relaciones sexuales entre religiosas se usan para conseguir tratos de favor e incluso algunas personas mantienen relaciones con novicios, monjas y curas a cambio de dinero.

En uno de los pasajes más escabrosos del libro, Jesme relata el acoso al que según ella le sometía un sacerdote, obligándola a espiar a las parejas en los parques y a ver películas pornográficas "para que se familiarizase con el amor carnal". Otra monja le pidió que se acostara con ella para poder disfrutar del sexo sin riesgo de quedarse embarazada "como muchas de las hermanas hacían".

Asegura sentirse atormentada por las contradicciones entre el discurso de la Iglesia y el comportamiento de sus representantesJesme, que ingresó como novicia a los 20 años de edad, asegura haberse sentido atormentada por las contradicciones entre el discurso de la Iglesia y el comportamiento de sus representantes, pero sólo se decidió a colgar los hábitos después de haber mantenido relaciones con un cura. Previamente fue obligada a seguir un tratamiento psiquiátrico en una celda de aislamiento y tomando pastillas que ponían en peligro su vida.

Tercera edición
El libro, que hasta ahora sólo se ha publicado en malayalam –un idioma minoritario del sur de la India-, va ya por su tercera edición en un mes y está causando sensación en todo el país. Está en marcha su traducción al inglés y a otras lenguas y varios productores indios se han ofrecido a llevar la historia al cine.

Ante la expectación desatada por su testimonio, Jesme responde con una mezcla de candidez e ironía: "no sabía que podría tener tanto interés la vida de una humilde monja". Tras la tormenta desatada por su testimonio, la ex monja dice haber recibido amenazas y coacciones, por lo que ha decidido instalarse en un pequeño pueblo lejos de sus antiguos compañeros.

La ex monja dice haber recibido amenazas y coacciones por lo que se ha instalado lejos en otro pueblo, lejos de sus antiguos compañerosEn Kerala hay unos seis millones de cristianos, y más de la mitad de los curas y monjas de la India son originarios de allí. Actualmente, 63 sacerdotes de esa región están acusados de cargos parecidos a los que aparecen descritos en las 182 páginas de 'Amén'.

Por otro lado, en los últimos tiempos se ha multiplicado el número de suicidios entre religiosas en Kerala. Algunos casos han alcanzado gran notoriedad, como el de una joven de 23 años que el año pasado se ahorcó dejando una carta en la que se quejaba de ser explotada sexualmente.

Hace seis meses fue canonizada en Roma la primera santa india, Santa Alfonsa, quien precisamente fue monja en Kerala.

Istu e cuestió de conceptus. A Iglesia dibía de cambial en esta y otras cuestiós. Pa nun cometel mais aberraciós, por ejemplu, en o celibatu.
Os humanus, comu animais que tenin o poel de razonal (nun tos) se han diu erixindu en os amus de de este mistiriosu universu, do que coñocemus muy poicu. Hemus diu fendu grupus por aquí por Alá y por acullá. Ca un se ha postu un-as normas de convivencia según o conceptu que tenin da via que por lugar de nacimentu le ha tocau. ¿Quen ten radó?.
Os filosofus han diu cambiandu os conceptus segun se han díu tendu novus conhocimentus.
Os legislaoris van legislandu segun os cambius sociais que se van fendu. O que pasa e que a vedis nun son coherentis con o que legislan. A mullel poi sel mairi a os 12- 13 anus peru nun pur isu van a tel a capaciai pa desenvolsi en unha socieai en a que, ya as leyis, nun le dan a mayuría de adai hasta os 18, hasta esta fecha tenin sua potestai os pairis. ¿ Comu poin determinal abortal sin o consentimentu dos que tenin a patria potestai?.
Despois de esa edai o tema se volvi inda mais compluxu. Pos debendu ya ser libris pa tomar unha decisió tan importanti, tinha que estudialsi casu por casu.....y.... en to cassu, ca un alá con sua concencia.
Chenchu, si me permitis , a bellota nun poi sel un robli. Dexa que sea bellota pa que se a coman os cuchinus y nosotrus nos comamus os jamós "pata negra" y poamus dali a o vinhu en as boigas.
Fonti Nova. Tes radón, a o foru de ve en cuandu hay que meteli otrus temas.
Boas exposiciós por parti dos intervinientis y ¡¡vivi Dios!! que en esti foru se aprendi mutu.
Y ya pa quitali "ferru", ei inda ma-cordo de cuandu os mininus viñan de París, despois de Palma de Mallorca (luna de mel) y logu me enteirí que era de "Estardos Unidos".
Fortri abrazu.

Estimau amigu Cerrumiquili:
Solamenti queru idelte que ya he tratau ei en un dos comentarius, o de a Patria Potestai de os Pairis.
Cumu sabemus, a Constitución Española de 1978, didi que o fillus tenin a mayoría de edai, a partil de os 18 anus.En esti proyectu de Ley, pretendin que en estis asuntus, a mayoria de edai nun conti pa ná. E idel, que os Pairis nun poyan fel ná. Toa una contradición, porque si a mayuría de edai e 18, hay que respeta, pa toas as coisas, boas o más.Peru cumu digu le querin quital a Potestai de os Pairis. Efectivamenti, unha dagala poi queal embarazá con 12 ó 13 anus. Cumu nun ten mayuría de edai,tenin que intervil os Pairis, que son os primeirus educaoris y responsablis de dali de comel, vistil, calzal, etc. ya que esa dagala de 13 anus ¿dondi traballa? si hasta dispois de os 18 anus está pruhibíu traballal.Así que as fillas menoris de 18 anus, tenin que siguil "Prutigias" pol a Patria Potestai de os Pairis.
I esta nova Ley que pretendi sacal ayantri esti Gubernu, vai en contra de a Constitución, que nun poi modificala, pol nun sel de o mismu Rangu Legislativu.
Soidi a Fala.
Chalrrieira.

Eta claru que nun voy a sacal de sei error a Chalrieri que sigui afirmadu a morti da patata-semilla aunque le diga, con fundamentu cientificu, que a patata-semilla, sin morrel, o sea siguindu como materia viva, por germinación, genera unha planta, a patateira, a cual, forma en as reidis suas ( a patata e tubérculu) mais patatas,o ben que o gran de trigu, germina y genera a planta herbácera do trigu que forma unha espiga, que ten mutus mais gras, porque aquel granitu primeiru nun ha mortu se han transformau vivindu en germinación.
Agó vamus con otra coisa.
Fontinova nos relata os supostus legais actuais en os que, unha mullel,en o usu de sua libertai poi inerrumpir o embarazu sin incurrir en delitu, siguindu as pautas que esa norma legal marca. Esa e a Ley y, ei, como jurista, poeré criticala tecnicamenti y puñeli as misms pegas y problemas que otrus, con mais ciencia, le han postu, pa mais o a menus, e interpretala; pero como ciudadanu demócrata teñu que acatala, a mullel tamén, de maneira que, si a mullel, en o usu de esa libetai decidi saltalsa dindu mas alá do que a Ley didi, nun le discutu que o faya pero tendrá que responder. O que ei defendu e a conveniencia de que esa ley exista y a legitimiai da ley ya que ha naciu de un parlamentu democráticu. Esa Ley a naidi obliga, pues a mullel que queira siguil payantri, corra os riesgus que corra, se cumplan o non as condicios según as cualis se poi abortal, o fairá, y a que nun queira, cuandu se den so supostus legais, interrumpirá o embarazu; pero, hay que lel a Ley y coñocela pa descubrir que hay un momentu a partir do cual, e ilegal y por tantu felo e delictivu- Ei nun voy a entral en os fraudis que se fayan, como se han feitu ni en otras consideracios de tipu moral pa censural a nairi, ei defendu y respetu a libetai de a mullel en esti casu y si en o usu de esa libertai, delinqui, alá ela.
Volvendu as nuticias de a posible reforma, tampocu estoy de acordu con a ausencia de consentimentu paternu, ya o idia en otra ocasión, y non por que sea o non constitucional, por que si a Ley o regulara asi, o que se estaría fendu era unha habilitación legal de edai, o problema e como se resolvería unha posibli reclamación a un mecu que tuvera un problema sobrevindu cuando practicada un abortu a unha menor, pero isu e mais complicau de expoñel aqui. Creu que isu nun prosperará en a nova Ley. Y, ago si, ya nun volvu a falal mais de istu. Soidi pa tos y pa a fala, Unb saluu de Chitu.

Amigu Chalrrieira:

En esti momentu tenhu ena mán, un libru que me regalorin porun cumplianus con títulu: HISTORIA DEL TIEMPO de (Stephen William Hawkig).Pues, nun me soa ninhún Hopkins que vaya en silla de roas.

Esti científicu Inglés,naci en mil novedentus cuarenta i dois; i hasta a edai de vintiun anus,foi un-ha persoa normal. É a partil d’aquí,cuandu empeza a sintilsi mal i le diagnostican un-ha "esclerosis lateral"(enfermeai neuronal motora). Pues, nun veu analogía entri o tema qu’aquí tratamus cono caxu Hawkig.

-Tú tes muta experiencia en istu –me didis-. I, que lamentas nun poel imitalmi. Nun sé,que dimensión ques dali a istu; suponhu que te refieris a que nun estás d’acordu cono mei puntu de vista respectu a o abortu.En caxu contrariu, t’agradiciría que foras algu máis concretu.

Forti abrazu

FONTI NOVA

Estimau amigu Fontinova:
Estamus falandu de o mismu científicu Hawking Británicu. E un ejemplu que ei poñu. Si a esta persoa, estandu en o ventri Maternu de sua Mairi le huberan diagnosticau que diba a tel esclerosis lateral. etc. pues ala, a dispoñel de él y non desialo nacel, porque diba a tel unha enfermeai incurabli y nun diba a sel "aptu" pa soceai actual; entendis, y ei preguntu ¿Quin ten Autoriai Moral, Humana, Legitimá, pa poel dispoñel de os Seres vivus que están dentru de o ser Maternu de a Mullel-Mairi?. Ei contesto y digu: Que Naidi.En o casu de esti Científicu digu que e unha Eminencia en inteligencia, sin embargu cuandu o ves en a Silla de Roas, pareci que e un Ser disminuii físicu y psiquicu.Entendis agora Fontinova o ejemplu que ei te puñia.
En cuantu a que tú tes mais experiencia, me refieru a o siguienti: Ei digu que os "Fillus" que nacin "con disminución sensorial, física, etc.son mais vos, mais cariñosus, mais humanus, mais sonrientis, que os que creemus que nacemus normais.Pues ei sigu pensandu en o mismu: Que si están en o ventri de a Mairi, hay que respetalos y traelos a esti mundu, porque naidi ten Autoriai pa dispoñel de elis. Ni a Mairi, ni o Pairi, ni Autoriai Gubernativa, ni Legislativa, pa poel dispoñel de esta persoa. O Entendis amigu Fontinova.
Soidi a Fala.
Chalrrieira.

Amigu Chalrrieira: t’entendu mui ben ; i conun-ha ve qu’o digas é máis que suficienti.

Didis: ¿ Quin ten autoriai (...) pa poel dispoñel dos seres vivus dentru de o ser maternu de a mullel mairi?.

-Antis i dispois de nacel: a tén, aquel que tenha o poel de satisfacel o odiu -solu tés que miral a historia-.

Tamén didis: que si a mairi de Hawking hubera interrumpíu o embrazu s’hubera pirdíu un bo homi de ciencia;-estoi totalmenti d’acordu cuntigu-. Antis de dal o tema por minha parti zanjau,quixera felti un-ha pregunta. Sabendu o que diba a pasal, i d’habel estau enas tuas mas. -¿Huberas interrumpíu o embrazu de Hitler?.

Que disfrutis da Semana Santa en Gandía i cuau cona carreteira.

FONTI NOVA.

PD. Esta noiti, me toca procesional cona minha cofradía i me voi a preparal os trastus.

Nun sólo de Hitler; de Stalin;, de Lenin, de Kruchot, Polpot, etc. Archipielago "Gulap".
Pero ten en conta que a Hitler le dó o poel o Partiu Nacional Sindicalista, votau "democráticamenti", entoncis foi o pueblu.
Nun hay regla que nun teña excepciós y puiria sel esta unha de elas. Pero ei sigu idendu que o "Ser Vivu dentru de o Senu Maternu de a Mullel-Mairi", ten que sel respetau y con garantías de "Dereitu a libertai de nacel".
Ten en conta que as cifras de abortus habius en España en o anu 2007, cifras oficiais publicás pol o periódicu "El Pais",as que indicó o Ministerio de Saniai, era de 120.000 en esi anu. Nun te pareci que son excesivas esas cifras, pa sel unha o duas excepciós que pusieran os "Tribunais" pa poel Abortal. Y si coñocéramus tamen as cifras que nun son oficiais, sirian mutus mais.
Me alegra que esta Noiti te toque Procesión con a tua Cofradia. Reda y fai penitencia pol toos esis Seris vivus nun nacius, fairás unha boa obra.
Soidi a Fala.
Chalrrieira.