San Martín de Trevejo - Caceres

Por fel un " a parti" y pa nun mezclar churras con merinas, que pensu ei que ca coisa ten sei tratamentu y esti e un importante tratamentu, vamus a falal da "festa, reunión, dia do foru, cumilona o como le queirais chamal"- Ya idia ei que diva a saltar " O Saltu" ei nun esperaba menus de él, mais que na, por a ilusión que le puxeran el y Viky o anu pasau y a ilusión con a que falan do tema ca ve que e que hay ocasión. Pensu que, por lo menus esti anu, dibiamus aceptar otra ve a hospitaliai que nos brinda O Saltu, con a axua valiosisima de sua mullel que ten a misma ilusión y entrega. Isu nun quel idel que as demas propostas sean mas, no, me parecin correctas y adecuas dabiu as molestias que, sin duda causamus, aunque estas un sean tias en conta por os anfitrios, pa elis e un placer, seguru.Ya falaremus cuandu estemus tomandu a copa previa do tema y decidimus pa o futuru.Esti anu temus un ponti estupendo os dias 6, 7 y 8 de Diciembri, o seti siria bo. Tamenn temus un ponti largu do 31 de Diciembe a o 7 de Eneru, cualque dia tamen e bo. Asi que fei sugerencias y propoñeis dias pensandu en tos, pa que a concurrencia se mais numerosa si e posibli.De comel, tendu en conta que os corderitus do anu pasau foran excelentis, repitil nun estaría mal, dispois de un aperitivu previu. Ya sebis que se me dan ben as gambas de Huelva y o Muñu.....bueno ya nos sorprenderá, por o demais os corderus a "Escoti" que ya habrá algún asaol. Soidi patos y pa a fala. Un saluu de Chitu

Cumu veu que naidi di ná, empezu dandu minha opinión sobri a festa do foru,ia dixi en otra ocasión qu'en As Elhas din, as festas sum féndulas,
quel idel que num se fain solas.
Ami me ven milhol o ponti d'a Inmaculá,pos soi autónumu i mutus dias num
poiu faltal d'as minhas ubrigacios,aqui solu siria um dia,peru istu e
solu minha opinión, os demáis que digan tamén que fechas le venin milhol
i que sea a gustu de tôs.
Si poiu acuil levaré um vinhitu brancu d'Alelha que fai as vedis do
cava cumu entrá cum'os aperitivus,cava pol supostu i pâ os máis golosus
ia sabeis, colección de bombons i algum'a sorpresa.
Tamén sugieru en vé de cordeirus um'os cabritus,pos tenin menus grasa i a carni e máis fina,peru volvu a idel que solu e minha opinión.
Isu sí,Chitu por Dios,a poel sel que num fartin esas gambas de Huelva
que dispertan os sintius,estaban de morti.
O Munho deixo qu'o boi solu bén se lami,craru que nos dará um'a sorpresa
peru siria bô que os que pensin dil o digan pâ calculal as biandas.
Estamus a oitu d'Octubri,si se fai no ponti d'a cunstitución solu quean
dois mesis,o anu ha siu bô,empezamus o tres d'Eneru cum um'a i dentru
do mesmu anu ia temus a otra,prupiciu cumu idian os romanus.
Cuideivus ben que vos apreciu mutu,soidi pâ tôs i pâ Fala.

Nachitu.

Chitu,Nachitu,tendis radon,hay que espabilal,ben sea un dia u otru,debemus concretalo.O principal objetivu e que veñan tos os que poyan.Somus mais de dudentus registraus en o foru,algu que sorprendi a lagarteirus y valverdeirus cuandu falu con algun de elis.
Temus que doblal o numeru do anu pasau,si hay que recollel a algun,pues sele recolli.
Por supostu que nun faltaran productus de caliai,bueno dil dandu ideas.
Forti abrazu

Me gustaría que, aproveitandu esti ponti, as forzas vivas de esti foru,que somus tos, se mannifestaran sobre as duas cuestios planteás; asi que, por lo menus, di idendu si a fecha de o ponti da Inmaculada e boa y, si e asi, quen vay a asistil, que teñu que sabel cuantu comeol de gambas hay ¡home¡ y si, por a muta afluencia, hay que encargali a Muñu otra cristalería, que temus a do anu pasau aunque teña algunha baisa por que creu que algu se rompei aunque hay mutu. Tamén hay que encargal os Chivus por que creu que contamus con o amigu Carlus pa asalos. En fin, que nun seais vagus y di idendu algu. Soidi pa a fala y pa tos y un Saluu de Chitu.

Bos dias Foristas:
Me alegra que esteis dispostus a fel otra cumilona en o Lugal, pol o motivu de o Foru. A mi me gustaria tamen reunirmi con toos vosotrus, pero en esas fechas nun poyu acercarmi a o Lugal.
Pensu que o vais a organizal ben y pasalo millol.
Así que sintindu mutu, o desiu pas próximas celebraciós.
Soidi a Fala.
Chalrrieira.

Ei pensu, digu, que o día seti siría pui pricipitau y nun tos poin agarral esi ponti. Millol o dia tres de eneiru que mais o menus tos pensan dil pas Naviais.
Ben, aqui o importamti e ponhel o día i que faiamus comu a otra ve, aquel que vaya que o diga en o foru, pa que antis do día 15 de dicembri tenhamus ia a lista i o menú.
Si O Saltu e "masuquista", nun le vamus a quital o gustu. ¡¡ Con o ben que o pasamus a última ve!!.
Si vivira en a peninsula..... peru tenhu que cruzal o charcu i encima estis de Iberia me querin cobral 100 eurus por maleta.¡¡ Nun te digu ei que que ve hai mais listus por esti mundu!! y o pior de to e que ya nun se anal, que si nun en duas brazás me plantaba en o pozu Viga.
Forti abrazu.