San Martín de Trevejo - Caceres

Aiel tuvi un-ha conversación telefónica con nosu contertuliu Chitu, y me contó algu d´a festa que tuvestis.
Lástima de nun puel habel asistíu, pero otras radôs m´o fideran impusibli.
Me alegru de que os o pasaráis ben.
He estáu esperandu vel algun-hos retratus, pero en vista d´a tardanza, vos poñu estas brevis líneas.
O asuntu é que, cuandu chega o Novu Anu (nos eidemus ANI NOVU), a xienti (tôs nosotrus tamén), fai propósitus, promesas de fel algun-ha coisa nova: aprendel (o melloral) inglés, deixal de fumar, fel algu de ejerciciu, etc.
A o que voi, ei tamén (¡faltaría máis!) teñu un propósitu p´a esti anu dois mil ondi: participal algu máis en esti foru.
Me gustaría consiguilo, esperu que sí. Tamén me gustaría que algun-hos furistas (léase JL, Camiñu, Alfena, y otrus que nun recordu agô, pero que se den por citáus), fideran o mismu.
Y cumu o camiñu se fai andandu vos mandu un par de rimas a propósitu de o día d´o Foru.

CON A EÑE

Apreciu que vos destis boa maña,
y vos habéis cumíu o curdiriñu;
o regastis con vasus de bô viñu,
tôs xiuntus en amol y boa compaña.

Hubu xienti de mutus láus de España
y tamén hubu algún que hoixi nun viñu;
quizá tamén faltara algún vidiñu,
pero entre tôs lograstis tal hazaña.

Otrus nun puemus dil agô a o terruñu
aunque mutus había que ganas tiñan.
O viñu creu que viña de un-ha viña,
mui ricu en estas festas navideñas

Estuvu Nachu, Chitu, Cana y Muñu;
Viki y Saltu pusieran a cudiña,
y esi turrón que truixu Anduriña
Hay que vel cumu disfrutó toa “peña”.


A agora un romanci que, se puiría cantal por os lugaris, cumu feia o Cegu de Perais)

ROMANCI da FESTA

Creu que comestis fuagrás,
y hasta anchoas de Cantabria,
dás que leva un tal “Revilla”
cuandu a Mairil se traslada.

Tamén bebestis champán,
- que supoñu truxiu Cana.
patés y viñu de Chitu,
y esas famosas naranxias
de p´alí de Santiponce,
que fidu chegal Fincacha,
y sabin a langustinus
sin ni siquera pelalas.

Y esi viñu de Chunita
hai que vel que ricu estaba.
Y unos calus muy sabrosus
que ni tiu Gil preparara.

Y os chocolatis de Nachu
o paladal endulzaban.
Y pulpus y otrus patés,
y turrón, fuagrás y gambas.

Nun coñozu a Chafurdón,
ei sé que Julián se chama
pero por máis que me esforzu,
nun logru poñeli cara.
Vos truxiu o corderu esi
que hasta os osus se chupaban.

Nun nos ulvialnus de Chanu,
“Caballeru” dondi os haia.
Y de Vikis, sua mullel
un-ha mañega, un-ha dama.

Emulando a sei agüelu,
Nachitu vai y nos canta
o mismu un-ha jota vasca
O quizá por sevillanas.

En fin amigus do Foru
que m´aguantais a tabarra:
Sé que o millol que tuvestis
foi esa amigabli charla
que fidestis a o final
dispois d´acabal as viandas.

B_RODAS
Enero 2011.

Forti abrazu a tôs

BRODAS,qué ben o didis.Tes a gracia agarrá y rematá de teis aguelus y pairis.Num me extraña que nos digas as coiyas de esa forma tan amena,tan sana y tan simpática.Sigui así,reventa mais...Tu pois y os que te coñocemus con a mallor llaneza do mundu,te idemus GRACIAS BRODAS,gracias FERNANDU o ZAPATEIRU.
Pa o Foru y pa os teis O MILLOR en o anu novu.