San Martín de Trevejo - Caceres

Bos dias Foristas, Mañegas y Mañegus:
Me han ditu por teléfunu, que esti anu hay muta festa en o Lugal, mañán, día de Sa Martiñu.
Os Mayordomus y Mayordomas, son os Jubilaus. Han treidu de Portugal mutas salvas y creu que tamen hay un boo comereti.
As Pichorras, cumu anus anterioris, estarán abertas too día, así que o que le gusti o viñu y a farra, a alegria está sirvia.
Ya sabeis que oixi e a véspura y tocan as Campanas pol a tardi y tamén as de mairugá. Estas últimas sirvin pa despertal os que están durmius y si e un matrimoniu.... pues a festa empeza muy tempranu.
Esperamus que algún retratista, nos poña algun retratu de a Procesión de Sa Martiñu en esti Foru. Ya sé que hay un retratu de o anu pasau, pero queremus unha mais redenti.
Soidi a Fala, Mañegas y Mañegus.
Chalrrieira.