San Martín de Trevejo - Caceres

Hay unha expresión en o lugal da que ya hemus falau fai dias que e: agarró o pindil y se foi, o agarru o pindil u me voy.. o sea que isu de " o pindil " pareci que e unha expresión como pa fel ver foi o que un se vai inmediatamenti. Bueno, ditu asi está claru, en unha conversación un tantu acaloraa, miña guela dixu, ¡ MIRA QUE AGARRU O PINDIL Y ME VOY ! nun se me olvia y fai mutus anus. Pero tamen idia, cuandu, sobre to sobre os dagalitus o dagalitas, diba algun muy arregleitu, con traji nuvu y esas coisas, " vai feitu un pindilitu ". ¿Tengalu que vel pindil y pindilitu ?, son duas expresios que fain referencia a coisas totalmenti distintas .¿Pindil puia sel, algu dondi se guardaran utensilius de limpieza? ya sabeis pendis etc.,¿Por que se idia a otra expresión pa idel que alguin diba guapu?- Aei quea isu pa quin sepa respondel. Preguntei a algun vellu/a. Un saluu. .Chitu

Por o vistu e traudccion de una exrpesion castellana. Pa que logu digan que si gramatica galega...
Mira aqui: https://uscon.rae.es/draeI/SrvltGUIBusUsual?LEMA=pendil&TIPO_HTML=2&FORMATO=ampliado&sourceid=mozilla-search

Te agradezcu a contestación, a mi nun se me habia ocurriu acuil dondi tu pa sabel o resultau, a expresión e acordi con o que en nosu lugal significa. Ago, isu nun quel idel na respectu a o origin de a nosa fala, pues castellanu, osea español e o que falamus ,por isu se ha ditu que a fala e un dialectu do español, idioma que se integra de dialectus, creu, o bable tamén y o astur leonés. A fala nun e un idioma. De toas maneiras has tiu un bo acertu y me has sacau de a duda. Gracias un un saluu.Chitu

Ei nun digu que o origin nun sea o galegu, pero o do castellanu tamen e o latin, y esti nun e un dialectu do latin, aunque o fora en o sei momentu. E idil, que aunque o mañegu fora una desviacion do galegu fai siglus, isu nun quel idil na, por que o que hoy coñocemus cumu fala e un idioma distintu, y e mezcla de mais de un idioma, y isu do pendil e una mostra de cumu un idioma nun e na puru, si no que e un mosaicu, por asi idilo. A o que queru chegal e a que, ni os galegus tenin niñun privilegiu sobre o mañegu, ni dibiriamus aceptal a sua gramatica tantu cumu dibiriamus aceptal a do lantin (con V por U) por que o mañegu tamen ben do latin si nos remontamuis aun mais patras. Nun se si me entendis. Istu e un casu particulal, y nun se poin tel dogmas, y menus basaus en puliticas de pueblu (y o que queira entendel que entenda).

Y o de que a fala e un dialectu do castellanu sempris me ha paridiu una burra, de llenti sin muta idea do que fala.

Estoy de acordu en caisi to, pero nun creu que quin declaró que a fala era un dialectu do castellanu nun tuvera autoriai pa idelo - nun se si me equivocu- foi unha declaración da UNESCO. ¡ ah ! y de politica nun se ná, nun se a que te refieris. Salu pa tos, Chitu

Da UNESCO se poi idil de to, bo y mau, istu ultimu por desgracia, pero de verdais nun creu que o investigaran a fondu.

O da UNESCO nun e por rebatilti, de verdais que ha siu muy critica por nun fel na en orienti meyu frenti a os espoluis a o arti mesopotamicu, y tantas otras coisas, asi que un tramiti tan poicu importanti cumu si un "dialectu" que se fala en unus lugaritus de españa ven do castellanu o non... Tu me entendis.

https://ww.galeon.com/habla-fronteriza//hablafronteriza.htm
Dali unh vistadu a esta web i logu comentamus si ques si a Fala e unh dialectu do castellanu.
Boas noitis

Paredi interesanti. Mañan mo leo y se comenta, que teñu que mairugal.

Un saludu.

Liiu. Muy interesanti, ey creu que refleja to o que hemus falau, desde a falta de consensu hasta a necesiai de redactar unas normas (nun de felas, sinon de pasalas a escritu). O que mais me ha gustau ha siu o terminu que usa a o final, que nun e idioma (nun temus numero de hablantis ni ortografia escrita), pero que nun nos relega a dialectu (coisa que nun siria fel honol a a verdai): "modalidad lingüística singular".

A pagina do Ethnologue ha habia vistu fai tempu, en una version en castellanu que ten que andal por ei. Muy correcta, sin mais.

Aquí tes oitra

Está en extrageiru, peru e a original, si tes oitra fonti(do informació) ma didis.
Unh salúu

O "PINDIL" e o "petati",está mais claru que o aguardienti de Eusebiu.O dificil e sabel porqué le idían pindil.Isu quizá o sepa Mingu,que agó la da por defender as discotecas frenti as costumbris tradicionais y con as discotecas as mantecas.Istu e un vali seis a un trucu.Queru idil que estoy abertu a discusiós y contrasti de pareceris.

Asunto zanjau. Gracias Pirata, recomendu desde aquí que tos os que nun hayan liu esa página que a lean. Exactamenti,estamus en presencia de unha modaliai linguistica, correctu, ago temus de poñelnus de acordu pa escribil y pronuncial ¿non?, ei soi novatu en esta materia y nun se si alguin ha feitu algun traballu sobre a forma de escribil y pronuncial o escritu.Gracias de novu por a lección. Un abrazu. Chitu

Nun se si se me ha borrau o escitu anterior. Idia que zanjau o asuntu y mutas gracias por a lección, desde aqui, recomendu a tos os foristas que nun hayan liu esa pagina que o fayan, y tamen a os escepticus de a nosa fala ¡ E unha modaliai linguistica ! Correctu, ago temus que poñelnus de acordu, con rados de ciencia, pa escribil y pronuncial o escritu correctamente, acollendu as semejanzas de as lenguas das que procedi esta modaliai nosa. Na mais, gracias otra ve.Un abrazu. Chitu

Amigu chitu: Te recomendu que leas o libru de nosu paisanu Dominfu Fradi "Vamus a Falal" , te esplica bastanti ben a maneira de escribilo y de pronuncialo.

Un abrazu pa tos M/N

De isu hemus estau falandu estis dias atras, da version de escribil o mañegu que propon/impon mingu.

Amigu un que mira areci que esti debati nosu quea cerrau, hasta que leamus, ei por lo menus, o libru de Mingu pa poel critical, de maneira construtiva si poi sel, o que en el se didi, nun por ciencia de quin critica, sinon, tal vez, por sintiu común y relacionandu to un poicu. Ago, puiamus buscali tes pes a o gatu, trantandu o por qué habremus sustituiu o ayós o hasta logu, por bueeeno, o pa os mais vagus bue...Por que en lo lugal si que nos idemus algu cuando pasamus por as callis y hay genti sentá por ejemplu, pero esi bueeeno, ten algu ¿eh?. Un salu . CHITU

Ei pensu que que si nos volvemus tos catedraticos do mañegu, istu sera o contu de nunca acabar, porque ca un pondra a sua maneira de escribir , pur isu debemus centrarnus en unhas basis concretas pa poel basarnus en algu y ei pensu que naidi millor que Mingu poi orientarnus sobri o tema, pur isu vos recomendu os seis escritus, que pa o mey entendel e o millol que se ha feitu sobri a fala en mañegu.

Vos aconsellu estis librus:

"VAMUS A FALAL" Primeira y segunda edicion.
y
"CALLEJEIRU MAÑEGU" Esti e extra.


Y cuandu hayais liu istu, entoncis poireis dar a vosa opinion .

Ei o teñu ven claru.


Un saluu a tos/as os furistas.

M/E

Ei o da fala una vez o impici y me paridi tan... nun se, pero nun sigui, de toas formas, a proxima ve que vaya a o lugal vere a vel si me fallu con un ejemplal, y mo leo aunque solu sea pa discutilo aqui.

Sinceramenti, y nun quero volvel a o de arriba, pero nun se por que mingu va a sel mais o menus indicau pa falal mañegu que cualquel otro mañegu, especialmente llenti mais mallol que el. Hay que sental unas basis, esta claru, pero creu que se dibiria fel algun taller, y o dibirian fel man a man lingüistas con mañegus, nun un homi muviu solu por a sua opinion (me da igual o mutu que haya escirtu ese homi).

Un saludu, o bueeeeno, cumu queirais, jeje.

"Chitu:"
Cumu hipótesis puiría vir do verbu: PINGO-pinxi-pictum= adornar, hermosear, embellecer
que en a sua evolución: "tomar o pinguil" que resulta dificil de pronuncial a "tomar o pindil".
Nun creu que esti meyu se presti pa profundizar sobre a Fonética DA FALA, agorA mismo ei ya teñu problemas sobre as Transcripios fonéticas
dos suius consonanticus das OCLUSIVAS Sordas y sonoras
Das FRICATIVAS sordas y sonoras

et...etc..
O mismu con as vocais ABERTAS y CERRás
O que si se poi fer y se está fendu muy ben e o DICCIONARIU.
Que muy ben tamen se puiría dir transcribindu a o Foru
sobre palabras relacionas con a AGRICULTURA, ferramentas, accios de o agricultor.
GAnadería
Flora y Fauna do lugal.
Oficius
etc etc...

Con os respetus dibius a sua libertai de expresión me diriju a "un que mira" (U.Q.M.):
Domingo Frade, Mingu, nun participa en esti foru, por consiguienti nun se poi defendel.
Que tu en usu da tua libertai de opinar digas o que te dé a gana sobre a sua labor de concejal, pagas os teis impuestus, nun teñu na que idilti (millor que se lo dixeras a él personalmenti), sin embargu nun aceptu afirmacios o insinuacios que nun queru pensal estan feitas de ma fe, que é mais dibiu a esti meyu que escribimus cumu si estuveramus chateandu y nun así. Insinuas que Mingu ha siu nombrau miembru da REAL ACADEMIA GALEGA (RAG)por "política merda" o sea, por recomendacion y nun por méritus propius. "Chitu" te respondi y ei queru abundar sobre esti tema:
En un plenariu da RAG de o 9 de octubri 2004 foran nombraus ademais de Mingu, un asturianu, y otru do Bierzo.
Con estis nombramentus a RAG quer: "amais de recoñocer os meritus de os novus acadEMICUS; correspondientes; reforzar ainda mais o seu compromisu coa defensa da lingua galega falada fora do territorio da Comunidade Autonoma de Galicia"
Mingu nun ha feitu ni fai ostentacion de ser academicu; asi cumu nunca ha ditu que fora filOLOGU
Dibiriamos toos sentirnus ORGULLOSUS que un conciudano nosu pertenezca a RAG
y por meritus propios as ACADEMIAS nun se deixan influir por os polïtius de turnu; y ademais Mingu nun estä afiliau a niñun partiu
Mingu nun te impon que escribas o utilicis a "x" (teñu problemas con a transcripcion fonëtica)en lugar da "g"
que si observas ven ë muy radonabli: "genti" en valverdi
"xenti" en san martin:
O noventa por centu da fala son iguais a o galegu medieval y actual:
TU sabis que a mayotr parti de as palabras mañegas procedin do latin; en realai o español e una evolucion do latin/unha transformacion
Uqm:
estaras de acordu que cumu NUN hay NORMATIVA pos agora entre toos o estamus fendu: tu presenta YA un estudiu FILOLOGICU
da FALA y os estudiamus:

boas tardis:
chenchu

Que ei disera o da pulitica, nun quel idil que falara da nosa pulitica. Ei que le den un titulu da academia galega "por habel defindiu o galegu fora da terra galega", cuandu o mañegu nun e galegu, me paredi de prepotencia galega, paridiu a o do valencianu y o catalan.
Ni me sintu ni me deisu de sintil orgullosu por a sua posicion por o que te e contau y por que comu nun coñozu personalmenti a esa persoa, ni me enfria ni me quenta.

A miña critica a mingo cumu concejal estaba centra exclusivamenti en o das placas y o do mañegu. Otras accios que haya tomau por a cultura (sic) as descoñozu, y por isu mismu nun opinu.
Nun creu que sea o unicu mañegu (ni mutu menus) a o que desagrada o escritu en as placas, y nun creu que esti homi sea ajenu a esa polemica que se ha dau tantas vedis.

Por otru lau, nun creu que mingo se haya autoafirmau cumu filologu por que nun o e, y isu siria de muy mal gustu y de muy ma educacion, ademais de delitu. Sin embargu, si ei escribu un libru agora do mañegu (que nun soy filologu, ni mutu menus, igual que el), ¿ya teñu dereitu a decidil cumu se debi escribil o mañegu de forma oficial? Y me referu a o das placas das callis, por que que ei sepa nun se ha feitu niñun concursu de avel que proposicion de gramatica e a mais correcta. Y si se fidu, y gaño el, entoncis meis respetus os ten.

A "x", por certu, en castellanu antigu era una "j", y nun veu por niñun lau dondi se supon que entra ahi o suiu de "genti", pero a miña, comu a vosa, e solu una opinion.

Ojala ei fora filologu y supera tantu cumu pa fel un estudiu seriu, pero nun o soy, y espero que algun dia se falla esi estudiu, basau en a realiai do idioma y nun en o que le paredi a esi homi que se dibiria pronuncial.

Por ultimu, me paredi muy ben que defendas a mingo si e tei amigu o o que sea, pero hay que idil, que en esti foru en estas y otras cuestios, estais sempri a a defensiva, cumu si to o que se disera fora a fel danu: Si, se senti un aqui cumu en San Martin, por as boas y por as mas.

Un saludu

Y se me olvidaba, o do pindil, ei creu que quedo mais que claru con o enlaci que pusi arriba a o DRAE, que e una traduccion de una expresion castellana. Tamen puiria sel o que didis, pero en a mayuria das ocasios, ante duas hipotesis, a mais simpli soi sel a acerta.

Chitu,sobre a palabra PINDIL,ei he feitu a relaccion con o" pindil" que se leva en as procesios,me supoñu que se chama asi,???...(.isu que pareci unha bandeira y que representa a o santu da procesion)
Puiria sel que viñera d'aei??? agarra o pindil y camiña ????

Sobre a palabra pindilitu,puiria sel que viñera de (VA COMO UN PINCEL) en castellanu (vai cumu un pincilitu ,pindilitu )en mañegu???
Bueno ,ya me direis que vos pareci....
hasta logu
Anduriña

Fidi unha aclaración y naidi ma feitu ni cassu.Teñu que ampoliala en o sintiu de que PINDIL VEN DE ENDER,manto de mujer,Tomar el pendil-marcharse o ausentarse//tomar el pendil y la media la manta,frAse figurada y familiar-irse a dormir.Tod esto según el DICCIONARIO ENCICLOPEDICO ABREVIADO,TOMO VI,SÉTIMA EDICION DE ESPASA CALPE.-¿qUEA ACLARAU?..-tANTU DISCUTIL Y VEN EN UN DICCIONARIU VULGAR.-Creu que a nossa fala ven do portugués directu con influencias muy marcás do castellanu que en ésti cassu está muy calru.Salus y soidi.

Creu que ha queau claru y abundu mais.O pindil nun e-si literalmenti comu didi o diccionariu,un mantu de mullel-.E en o sintiu que se le quel dal o mantu o pañuelu utilizau pa metel as coixas mais personais,fel un petati como os maletillas y dlsi...a dondi sea...
En culaquel cassu queru incidil tamén en o referenti a Domingu Fradis,gran estudiossu da fala.Le recoñozu mutus méritus y un patriotismu lugareñu excepcional,pero...¿ten él as probas da ascendencia galega da fala..?Creu que non,creu que ni procedi do galegu ni do leonés.Estis viñeran por aquí y mais abaxiu inda,pero nun ten na que vel, porque, do contrariu, se falaria como nos en mutus mutus lugaris.O nosu e castellanu-portugués, que son as influencias de habel siu San Martin unhas vedis dominación portuguessa y otras castellana.Creu istu y poemus siguil debatindu...

Vali Seis , gracias por a resposta,verdais, con o facil que he miral en o diccionariu...,sera que nos gusta charrea?????
He empezau a leel un libru de Domingo Frades,...ya dare a miña opinion,cuandu o acabi....y pensu tendremus debati ....pa ratu, en to casu ,sera muy interesanti

Boas noitis

Ya vos he aconsellau que leias esta página (https://ww.galeon.com/habla-fronteriza//hablafronteriza.htm)
que amablimenti nos facilitó Pirata. Creu que e suficientimenti aclaratoria de o origin de a fala y que fidu esa investigación nun pareci un indocumentau sinon to o contrario. Tamen esta claru o de as expresiós que ei preguntaba, me queu con isu do mantu e mais lógicu,tantu pa o de dilsi como pa alabanza de alguin. ¡ay mantus guapus guapus!.Asi que nun hay que empecinalsi en mantel que se ten a radón por que a radon se poi tel pero o mas importanti e que ta queiran dal.Boas notis Chitu

Ya que habeis empezau con o pindil tendis que siguil con a expresion "AGARRO O PORTANTI Y SE FOI" ?