San Martín de Trevejo - Caceres

Se ha montau en c’a J.L. unha diatriba, que nun é a primeira sobre as puisías, rimas, u otras coissas.
En un momento pinsí dexal o Foru (inda o sigu pensandu), si isu tomaba esa pinta. En esti foru to mundu ten cabía (fali cumu fali). Y c’a un aportará o que boamenti sepa: escritus, poemas, reflexiós, denuncias, información sobre o lugal, afotus (muy boas as de Indanunse). Ya veremos o anu que ven que femus
Nun quisiera entral en consideraciós semánticas, que nun venin a o cassu.
Si un escritu te didi algu, se poirá consideral puisía, sin nun te didi ná, pues por muy ben rimau que esté: ¡boa gana!

Vamus a comparar tres o cuatro escritus (ya nun me atrevu a chamalas puisías).

A PRIMERIRA didi así:

“La pluma se entorpece, tiembla el arte,
de ver tantos rocines matalotes
beber el agua que Helicón reparte
Hay algunos poetas taragotes
que apenas imagino cómo vuelan
y cuyas musas tejen chamelotes”

¿Qué nos didi esta puisía? ¿que son matalotes, taragotes o chamelotes? ¿Quin era Helicón?P’a poela entendel había que saber estis significaus:

Agora veamus estis otrus escritus

SEGUNDA

“Aceitunas apañando
con un fríu de collós,
que seyan os sabañós
comu volcás reventando”

¿Verdáis que o que haya díu a apañal sabi de que estamus falandu? Y encima acababa con o xornal que nun daba ni p’a tabacu.

Esta otra TERCEIRA:

“Abaxiu, en a boiga, chora
unha cabra, y ronca o perru,
y en otra boiga, un biderru,
cuandu o reló da a hora,
vai cunfundindu en a aurora
os mugíus y os lamentus.”

¿Verdáis que tamén se entendi? Si pareci, comu didi Mañegu en Extran. que nos ven o cheirol y os ruíus.

Tamén poemas observal estis otru escritu

CUARTA

“Carburu,chapas y chitu
eran un divertimentu
estandu en o Ayuntamentu
de alcaldi, tiu Biniditu
Crisóstumu Secretariu
y Baltasar de escribienti
y de "ricu" o buticariu....”

A cualquera de nossotrus que haya nacíu por os anus 40, le didin mutas coisas.
A mí, que cuñucí a tiu Beneditu (un abrazu p’a sei fillu que vivi en Sevilla), isu me trai recordus.
Tamén teñu cunucimentu de Baltasar (otru abrazu p’a seis primus Tatu y Sebiu, tamén p’os seis dagais que tenin unha librería en Salamanca)
Tamén é certu que falí mutas vedis con Crisóstumu, a quin apreciaba mutu (un beissu p’a sua filla Maribel, con quin fai poicu estuvi falandu. Abrazus p’a seis hermanus).

En fin nun é bo (creu ei) pontifical. Naidi se tén que atribuir a misión de otorgar, conceder títulus de poeta, ni títulus de mañegu. Ser mañegu tamén é un arti, nun poi sel cualquera, a pesar que admitimos a tos.
Nun sea que nos passi cumu idía un furista esta misma tardi: ¡vamus a acabal con o Foru! Y siría unha pena, porque p’a mutus é un dos únicus vínculus de unión que temus con o lugal.

NOTA: Os escritus entrecomillaus han síu agarraus de forma fortuita. Os tres últimus son de Cancheira; a quin desde aquí le píu pirmisu pá mandal o poema MAÑEGU, a algún cuñucíu, que nun teña ocasión de entral en o Foru.
A primeria puisía (¡esta sí se poi chamal así!) é de un poeta español do siglu de Oiru. O cuñucían cumu “El fénix de los ingenios”

Si voy p'a o lugal estas Naviais os felicitaré as Pascuas a os que conozu ¡faltaría máis! Si non que teñais

UNHAS BOAS FESTAS DE NAVIAI Y UN BO ANI NOVU

BOAS NOITIS

BRODAS

Cuandu e liu o "cacau" que se ha montau otra ve -isu nun e mau si se iliminan s frasis que firin- pensaba escribil un parrafitu pa repitil na mais y na menus, con relación a forma de manifestarnus en o foru, algu como o que tu didis, (sin citas poéticas claro, que de literatura no andu sobrau) que he a sensatez retratá. Se poi idel mutu si ofendel y se poi debatil to que se queira por que tu as definiu muy ben o que e o foru, esti foru de mañegus ( entran os dois sexus)que, por encima de to, teñan o profesión que sea y vivan dondi sea, querin o lugal y tenin en él recordus, como tu didis, da infancia, que nuN querin ulvial.¡ah! Queatí amigu Brodas, que os teis escritus enriquecin o foru. Un abrazu. CHITU

Totalmenti d´acordu con o tei escritu.
Unh salúu

Quiriu amigu BRODAS:Estaba vendu o partíu y m´an chamau pa que lea tei escritu.Nun poyu menus que felicitarti y darti as gracias por ésa clarividencia que ampara teis radonamentus.Ei nun sabría idilo y ni siquera o intentu,pos nun pareci mais que ei he vindu a ésti foru a gañal premius,iñeiru y vendel algu.He ditu mutas vedis que nun queru escribil librus ni vendel na,que sólu aspiru a que me lean os "mañegus".Isu nun le entra en a cabeza a naidi.M´an ditu que en San Martín,dondi o agradecimentu por as miñas humildis poesias e general,ési examinaol de poetas que da y quita títulus, comu tu didis, pero nunca presenta na de sua imaginación o creativiai,se dedica a minusvalorar os meis escritus idindu en baris y tabernas-que él didi que nun frecuenta-que os do foru son unhos analfabetus ignorantis sin cultura y que por isu le gustan éstas puisias,miñas,tuas o de quin sean.Nun voy a entrar otra ve en ési xiugu absurdu de intercambiu de opiniós con exposiciós kilométricas pa perdel o tempu.Nin falal.De mo que muy muy agradiciu por teis acomentarius,certeirus,elegantis,cultus e inteligiblis hasta pa os mais memus,y desde aquí, y en dondi quera que estemus, recibi miña admiración en forma de abrazu.Repitu o de admiración sincera,fora de cualquera consideración de otru tipu.

Cancheira, P.G, (Pulicia Genial)P.P (Pulicia Pensionista)Chen-chu-Yu.
Li-PO. TU-fU. Alantriste. Roberto Alcazar etc....
¿Cumu se poin ser poeta y ser mintirosu?
¿Cumu e posibli autocalificarse de poeta, si ni siquiera Cervantis o fidu? ¿Cumu pois tu idil que "SOY poeta" si os poemas que lees son os do AS y MARCA?
Siguis o meis consellu Un libru de poemas sobre a mesilla de noiti.
Por sorti nun hay carnes de poetas, os librus publicaus de poemas
son a señas que identifican
a os poetas y nun sempris...

Falamus de "Yo me guiso yo me lo como, como Juan PALOMO"?
¿Pur que te bautizasti con CHEN-CHU-YU?
¿De quin Plagio J/M a suas coplas? Ya falaREMUS de monasterius, de latinajus, de alias...do "vellón de lan" O deixamus pa dispois da festas, "Versificaor" Nun me queru repitir, pero "SE FOI A OS PRAUS" o "MUERTE POETICA" y otras joyas habra tempu dispois da festas de analizalas. Adquiristi o compromisu de fer "poesia" de os APODUS do lugar
¿Que ha pasau?

Cancheira,Chen-chu-Yu-Tu-Fu-Li-PoAlantristeRobertoAlcazar etc..etc...
de os teis ripius solu leu o titulo, y na mais. Te falta sinceriai= sensibiliai y escribis versus cumu churrus. Te sirvis do foru
pa edicion-publicacion de os teis versus, fais ben, pero o que escribis nun e poesia, purque TU nun eris poeta, esa e miña opinión.

A miñas limitACIOS fisicas me impiden agora profundizar sobre o que tu escribis, ya habra tempu de fer un COMENTARIU DE TEXTU de cualquera de o que tu chamas POESIA, si es que resistin un pequenu análsis.
Espero que nun me chamis "facista" "hitlerianu""tontu de veran" o te metas con a miña profesion. Utiliza a dialectica y por favor, reiteru, en mañegu escribimus cumu falamus y nun hay reglas de ortografia, en castellanu:
fue, fui, dio y vio NUN SE ACENTUAN, y tampocu os determinantis.
¿Cuantas vedis te o voy a repitir?

Agora ya en seriu:
BOAS FESTAS pa ti y tua familia.

Boas tardis.
Chenchu

E posible que Cancheira nun sea "poeta" ¿y qué?
E posible que Cancheira sea toas as coissas que tu didis, ¿y qué?
Nun tenhu formació, ni conhozu a Cancheira, por o que nun poyu idil si tes o nun razó.
Isti asuntu cha pasa de castanhu oscuru, ei creu, que chegar a unha confrontació personai, nun ten sentíu.
Por a minha parti que ca unh faya o que queira, Cancheira con o suos ¿versus?, y tu con as tuas "chorrás"(asín as calificas tu).

Felidis Festas

Anonimu mañegu, !Boas festas ANTE too!
Y agora sin animu de discusion y con mutu respetu queru que me aclaris o que nun entendu:
"Nun teñu formacion, ni conhozu a Cancheira, por o que nun poyu idil si tes o nun radon"
Pos isu, si nun o cochocis , si tampoco nun tes formacion (sera informacion?) sobre POETICA entoncis ...¿pur que opinas?

"Que Cancheira sea toas esas coisas (....) "

"Cancheira" nun e unha coisa e o seudonimu de unha persoa y nun expresa "coisas", escribi en versu y en prosa o que quel y que ei respetu, ei solamenti me diriju a el con os seudonimus que el utiliza y se me ulvio puñel: seudonimu/anonimu.

E certu, tes radon, y nun tes por que entrecomillarlas, que escribu chorras y sorti teñu de que tu nun seas turiferariu do que escribu,pos entoncis si que me viria obligau a cambiarmi de nomi.

Boas tardis
Felidis festas.
Chenchu

O que ei quiria idil e que a miña formació literaria nun da pa que opine si Cancheira fai puesía o ripius. Por esu digu que, siga fendu
o que él queira y comu queira.
As "coisas" a que me refiero son os calificativos que tu o dedicas a Cancheira.
"Chorras" comu tu ven sabis as entrecomillo pa expresar que, nun e unha expresió minha;en iste casu es tua.
En resumen, ei nun opinu sobre a calida, tantu poética comu personal de Cancheira, sino sobre a forma que tu o fais.
Boas Festas
Fili Anu Novo
Y que mañan te vaya to ben.

A istu se refiría don Ciprianu (q.e.p.d.) cuando idía:
"Vuelta la burra al trigo....". Con Perdón

Estandu de acordu con teis radonamentus, hay un párrafu que nun me cuadra con tuas reflesiós. Pareci sel que se mira to con lupa pa tel ca un sei momentu de gloria.
"Naidi se ten que atribuil a misión de otorgal, concedel títulus de poeta, ni títulus de mañegu. Sel mañegu tamen e un arti, nun poi sel cualquera, a peseal que admitimus a tos."
Ya me dirás dondi se sacan os títulus de mañegu, y si sel mañegu e un arti, ¿a que escuela hay que dil?. Y quen e o que se otorga o dereitu de admitil a un sel mañegu. Ei creu que nacendu en o lugal, ya eris mañegu de feitu y de dereitu.Temen pois sel de adopció.
Teñu que habel intindíu mal a tua exposició, ó nun te has explicau ben.
Tampocu nos tes que amenazal con dexal o foru.Entrastis librimenti y libimenti pois dexalo.
!Mentras esté Chenchu, aqui hay polémica pa ratu!
Abur.

Será cuntigu...

Tú tamen, fais gala de cordura.Esti mensaxi tuo, es correctu en as formas y mu acertau en o fondu.
()

BRODAS:
Muy ben. Me gusta o que didis y cumu o didis. A cuestión de quín ten que valoral o que os otros fain y calificalo, tú o sabis ben, é unha cuestión que se discuti en toas partis (quín é músicu, quín e toirieiru, quín é cantanti y, claro, quín e poeta).
Pero inclusu si nos tomáramus a coisa en seriu, amigu Chenchu, habrás de sabel, ya o sabis, que oiyi (escribu istu así, otru día escribiré de cúmu pensu ei que habría que escribilo) ya naidi se atrevi a pensal en categorías ben definías, purque sempris, en toas partis, en a ciencia e incluso en a lógica de conjuntus, Chenchu, as categorías son borrosas. Naidi e calvu, un e máis o menus calvu, pero, Chenchu, si me das uha definición de calvu, sempris se poirá demostral que esa definición nun é categórica: sempris habrá mutas persoas que aplicánduli a definición de calvu nun sabremus si o son o non. Si a isu le añadimus o que CANCHEIRA citaba de L.Felipe, ¿me pois idil quín e poeta -quín e mais poeta que otru- si ni siquera o propiu poeta sabi o que é a puisia? Pareci que L. Felipe se refieri a unha emoción que provocan as palabras tal cumu están expostas, pur isu a puisía nun está en as palabras y en o que se didi, si non en a emoción que disperta en o lector, en quin lee a puisía: a puisía tal cumu ei interpretu o que didi L. Felipe está en quin a lee, está en a capaciai de emocionalsi de quin lee. Quizá tu te emocionis con ésta:

No creeré en mi vejez, ante el espejo,
mientras la juventud tu edad comparta;
sólo cuando los surcos te señalen
pensaré que la muerte se aproxima.

Si toda la hermosura que te cubre
es el ropaje de mi corazón,
que vive en ti, como vive en mí el tuyo,
¿como puedo ser yo mayor que tú?

Por eso, amor, contigo sé prudente,
como soy yo por tí, no por mí mismo;
tu corazón tendré con el cuidado
de la nodriza que al pequeño ampara.

No te ufanes del tuyo, si me hieres,
pues me lo diste para no volverlo.

A mí me emociona c'a ve que a leu. Y tamén me me han emocionan mutu, mutu algunhas puisias de CANCHEIRA. (Por certu, ésta e de Shakespeare).

Boas festas p'a tos. Tamén, claru está, p'a o poeta CANCHEIRA.

Quin didi que esti ano nun dibamus a tel Belen?
JL.