San Martín de Trevejo - Caceres

As tradiciós forman parti d´a cultura y a via dos pueblus.Respetalas y dali augi creu que e unha obligación dos responsablis y rectoris de ésas agrupaciós humanas.Si miramus ao reor vemus que hay tradiciós en toas a regiós de España que implican riesgus:As fallas de Valencia,dondi se queiman tonelás de pólvora,as festas dos San Fermín en Pamplona,dondi tos os anus hay firius y mortus y elis siguin con suas tradiciós,que ca anu son mais quirias y respetás,as fogatas d´as festas de San Xiuan en caixi toas as ciais y lugaris do mundu;os carnavais dondi se tapan as caras y se escondin as personaliais con faciliai consecuenti pa fel as trastás que se queiran,inclusu asesinatus,(celibris son os de Brasil);Guerras de morus y Cristianus con trabucadus y espadadus recíprucus, y galopis de cabalus...;ritus en fin, que sendu a mayuria de origin paganu, han siu adoptaus por caixi toas as religiós y dondi se admiti,en tonu,un poicu irónicu, que sirvin pa purifical almas y espantal espíritus.
Nossotrus temus ritus ancestrais,que venin de muy atrás,que practicorin nossus pairis y güelus y que nun dibiamus de ulviar y mutu menus desplazal do nossu vivir y de nosas tradiciós,y si o feimus e a riesgu de perder nosa identiai y propia naturaleda.
Tiñamus unhas capeas de renomi que custaban traballu y molestias pero eran nosas y debin volver a celebrarsi comu eran;tiñamus o fogu dos quintus tos os anus,fogu tradicional.Ten un riesgu de que o fogu se propagui(nunca a pasau),pos poñamus remeyu pa que isu nun pasi,si e necesariu, obligando a que o fogu nun sobrepasi límitis racionais, y se nombrin comisiuós de control,o que sea,pero nun prival as generacios pressentis de disfrutal comu o fideran seis antepasaus.Son ritus y custumbris y as custumbris fain ley,e de ley que se respeti o fogu dos quintus.HA FALAU TORROTRO.

Joel Torrotró, comu falas, te parecis a Torrotró.
Nun tenhu palabras, me queau mú.

!ya te pillí Torrotró, ves comu nun somus libris y dependemus do poel constituiu. Si ó fogo dos quintus e unha tradició de toa via, ¿que upinas agó da prohibició? Ves comu ó peci morri por a boca. Ei voy a fumal, porque toa a via e vistu fumal a mei pairi a mei güelu y a to o lugal en os baris y tos os sitius.Pa mi isu e tamen unha tradició.
Que fali Torrotró.

Queee Torrorrotró esperi unh poooocu, pos a faaaala me volvi y nunn
queeeru pasal de anu mú.
Merçi.

Tes muta radón torrotró. As tradiciós hay que mantelas, y e a o ayuntamentu a o que le correspondi puñel os meyus necesarius pa que se poyan celebral.