San Martín de Trevejo - Caceres

Ayer por a noiti a falliciu, Juaquin, era un-ha boa persoa, le doy a os seis fillus: Carmelu, Angelita, Peranchi, Chón y Miguel, o mei sintiu pesami, y os acompañu en o sei dolor, he tristi a morti de un fillu, pero nun menus dolorosa he a morti de un pairi, mutus o sabemus porque ya o hemus pasau.
¡Descansa en paz Juaquin!

Un abrazu

mye

Siguimus con tristis nuticias:
Ei queru dali o pésami a Mullel y a os Fillus de Joaquín (q.e.d). Me han ditu que ha estau muy ben atindiu y que o cuidaban muy ben, a pesal de a dificultai que tiña.
Reiteru o mei pésami pa toa sua Familia, en especial Fillus, Mullel y Netus.
Chalrrieira. O Fillu mais pequenu de Tiu Román o Paneiru (q.e.d)

Ei tamen le doi o pesami a mullel,fillus i netus de tiu Juaquin(q.e.d)

que puiquitu se ha levau con sua hermana Sebastiana(q.e.d).
Un abrazu pa tos de corazon.

Como he normal en esti foru, y como tos os que me han precediu en dal o pesami, ei tamen se lo fayu chegal a sua familia- Que teñan resignación pa soportal a perdida. Era un traballaol natu, esti homi, sempris sacrificau con suas cabritas en o campu, soportandu as incremencias do tempu, mentras puia y tiña soidi pa felo.¡Que reciba a pa eterna!.Soidi a fala y un salu, Chitu.

Sempris hai que lamental o falhicimentu dun manhegu.

Aunque enesti momentu nun cayu quin é. Envíu o mei sinceru péxami a toa a familia

Ei tamen desde aqui, me unu pa dali o mais sintiu pesami a familia Campos Flor, a sua mullel Eugenia, a os filus Carmelu, Angelita i demais hermanus. Ya o que didi Chitu, sempris o recordaremus cun aquelas cabras por os campus de S. Martin. (Que descansi en pà.)


Un saluu pa toos i soidi a fala


M/E

Cuantus mañegus se han diu en poicu tempu!
Un abrazu pa mullel y os fillus de Juaquin ,animus pa sobreleval esa pena

Gracias Juaquin ,que aunque fai mutu tempu,me acordu inda, de o ricus que estaban aquelis queisus que feyais de as vosas cabras..
mutas gracias
"Descansa en paz"
Isabel Moreno

Queru dar o mei mais sintiu pesami a familia de tiu Joaquin,con un abrazu muy especial pa Angelita a que le teñu un especial cariñu .Un abrazu pa tos .

Tamen acompañu a toa a familia en o sentimentu. Pareci que nun hemus entrau en o 2009 con bo pe. A morti entra dentru do circuitu da via, peru a vel si poera sel que faláramus de otrus temas.
Forti abrazu.

Acompañu en o sentimentu a meis vidiñus,Carmelu y Miguel, igualmenti a os otrus hermanus y demais familia.
E muy forti perdel a pairi, y sobre to cuandu se quel.

Francisco Marquez Duran

Sintu a morti de Juaquin q.e.p.d.
Pa toa familia mei mais sintiu pésami, que tenhais forzas pa superal
esta pérdida, cumu poeis vel era mui quiriu por to mundu.
Vos acompanhu eno sintimentu i vos mandu um forti abrazu.

Inaziu Martin

tamen hey queru unirme a esta familia

para feli chegar que a un que estoy lonyi Queru estar contos boyotrus
Ati Angelita tu savis que mutas bedis te preguntaba por tei pairi
enfin paratodos un beiyu de parti de Chon y Maximin

AGRADECEMUS A TOS OS QUE NOS HABEIS ESCRITU DANDUNUS VOSU APOYU EN ESTIS MOMENTUS TAN DURUS PA NOS. MUTAS GRACIAS Y BEIXUS PA TOS.

FAMILIA CAMPOS

As serras,os tapaus,as vereas,os ulivais,as cabritas y a mayuría dos mañegus te vamus a eital de menus.Cuñicías os campus,os nomis das helbas,as fontis,as peiras,os camiñus..eras un diccionariu de San Martín.
Desde pequenu te vía subil as cabras pur a costa pa o gallu,os yamiais y hasta os ferreirus.As cabras te ubidician y pa toa persoa que te encontrabas,sempris tiñas un-a palabra y un consellu .

O verán pasau me idia de ti FILIPI o "Cigüeña" de Binita.A mi quin me insinó a andal pur serras,vereas,atallus,fontis...foy JUAQUIN.Ademáis me levaba con él y compartíamus a merenda en aquelis anus da fomi.
Gracias Juaquín.Si hay ceu,alí te habrán recibiu muy ben otrus mutus mañegus que comu tu,anónimamenti habéis pasau pur o mundu dandu ejemplu y sin ofendel a naidi.

Que toa familia te recordi sempri y agora o sepa leval con resignación

FINCACHA 41

Comu didi CHITU en-a XVII MATANZA o hemus pasau muy ben.Cerca de tredentas persoas,recordandu tradicios,saboris,vocabulariu,entre encinas y piyandu as maravillas da deheya extremeña y sendu recibius con a millol amabiliai do mundu pur as autoriais y asociacios do lugal
han feitu que o sabau pasau fora un-os dos días mais agradablis da Asociación de Extremeñus en Sevilla
Goyu de Carmelu con a mullel,mei sbriñu Máximu,Mei fillu Gonzalu con as fillas,Chitu y a mullel(sin sua neta),foran mañegus que alí estuvemus.Faltorin esti anu José y Juanitu de Atanasiu enttre otrus.Maximu o Alcaldi con Mingu que algún otru anu estuveran,esti anu que prometeran dil,pur circunstancias num han puiu.
Pa otru anu comu he un-a festa de recordu y ben comel,vos o digu con tempu y o que queira que acua.

SOIDI pa toos. Fincacha 41

Boos dias Foristas, Mañegus y Mañegas:
Estimau amigu Fincacha 41. Nun voi a entral en os recordus de as matanzas que se celebraban en ca casa en tempus y tampoco en a que contas, que según didis o habeis pasau muy ben.
Ei me voi a referir a dois omis que nombras que foran amigus meis y diban a Escuela de D. Ciprianu y que eran netus de tiu José o Ferreiru (q.e.d) (José o Manquitu que así le chamábamus y sei hermanu Juanitu), esti últimu cumplí o serviciu militar en o Buque Escuela Juan Sebastian de Elcano.
Pues amigu Fincacha 41, trasmitili a os dois os milloris deseus de salú de o que escribi y que me encanta haber sabiu de elis.
Me acordu de José, cumu con o brazu y a man dereita, le ayuaba a subir o brazu izquerdu y poñelo en o pupitri de a Escuela.
Soidi a Fala, Mañegas y Mañegus.
Chalrrieira.

Queria Eugenia:
Desde que meis piris comprpirn a casa, y de isu ya fai una montoná e anus, hems siu vidiñus. Comu nun acordarmi de sosotrus si o primeiru que feya miña mairi er chegal y dilvus a pil que toas as mañás nos levarais leiti de cabra. Una ve que morrerun meis pairis y nosotrus chegabamos siguimus mantendu esa custumbri de recibil a Eugenia toas as mañas en o fogal con a cántara de leiti reden treida por Juaquin en a burra. Bueno a burra ya se coñucia ben o camiñu y mutas vedis chegaba antes que Juaquin. Ma cordu que era as isas de a burra con as vodis de Eugenia as que me despertaban hasta que acababa de metela pa boiga. A o rato, nun a mutu tardal escutabams otra ve a Eugenia chamandu en a nosa porta con o leiti. A o rato chegaba Juaquin, caix sempris cantadu o falanduli a caballiria o a o perru. A verdai e que era un homi bo, un homi sabiu, a naturaleza nun tiña secretus pa él. Cuantas vedis viña as nosas escaleiras contandu coixas vivias y parecia increibli comu a experiencia y o autoapredizaje habia dau tantus cuñocimentus a un homi comu Juaquin. Entre bromas y sentencias nos deixaba una cara de alelaus que pa qué. Y o que habiamus aprindiu en os librus queaba en na comparau con aquel homi que con toa a sua humildai acababa por explicalnus cualquel coixa de cualquel tema.
A Eugenia y a sei fillus, con to o nosu cariñu de seis vidiñus, os fillus de Gracias y Eufemia. Si hay ceu segur que agora Juaquin está arrimichandu desde alí. Dscansa en paz vidiñu, con to o respetu y con admiración. Sí , era un bo mañego y a esti si que tuvi a sorti de coñocelu.

angelita y chuchi y de mais familia omei mas sintiu peyami patos ya sefoi otro amigu de tiu Clementi o pelau un abrazu mui forti y muta resinacion que des cansi empaz