San Martín de Trevejo - Caceres

Os seis culmillus d´un palmu de largus,encorvaus comu unha foici,brillaban sobri o fudicu comu a pé.Unhas patas,tamén d´un negru profundu,sustían o macizu corpu que discindia hacia atrás.Sobri o fondu roju castañu aparicia unha especi de escarapela plateá.A vista d´o animal se estremecei o cazaol.Tiña ante si o fabulossu ser con o que tantas vedis habia soñau y o ardienti deseu d´abatilo fidu palpitar sei corazón.O xabalí,con os pelus do dorsu erizaus,o que denotaba sua intranquiliai,y o fudicu meyu abertu,husmeaba cualquel hálitu de ventu.Escarmentau estaba,pos o largu de varius anus,disparus diversus habian silbau sobri sua cabeza y en mais de unha ocassión as balas habian rasgau sua piel y s´abian intruduciu en a capa de grasa,escodénduli a ca movimentu,a ca cambiu de tempu.
As noitis p´a él eran largas,buscandu castañas,topus,gusanus,ratós y tenras reidis que levarsi a boca.Canelu,o perru d´o cazaol,un jóvin peru expertu alanu,gruñó sordamenti a o cheiral o xabalí,cheirol forti que o propiu cazaol notó.
Estaba o mes de Diciembri o quel y con él a época de celu pa o gran animal.Se detuvu a dudentus metrus do cazaol que se encontraba tumbau y pegau a o solu,sujetandu con a man ezquerda a cabeza de Canelu que volvei a gruñil.
O xabalí recelusu,volvei sobre seis pasus y retrocedei en línea recta por o camiñu que había siguiu.O cazaol se decidí a abandonal sei escunditi y se deslizó por a pendienti arrastrándusi comu un zorru en pos d´a sombra negra.O perru siguí ésti xiugu aunque a distancia entre pirsiguiu y pirsiguior nun se alteraba sustancialmenti,hasta que o xabali se dispussiu a cruzal o riu y subí a galopi por a empiná costa d´a serra dénfrenti y ya mais clara,sin a floresta abigarrá que caracteriza a o Soitu.Y alí tronó o disparu o estampìu secu d´un tiru que retmbó en a mairugá y o sei ecu se expandí por o valli.



ESTI CONTU CONTINUARA MAÑAN, O PASAU MAÑAN, SI O TEMPU NUN O IMPI.O FINAL E SORPRENDENTI.ESTEIVUS ATENTUS.

Ei tamén queru sabel que pasa con as puisias de Don Eugeniu y de Macariu,si van a sel o non en o foru.Hbaría que tomalsi interés en éa cuestión.Tampocu sabemus na da fonti dos chafarilitus.Conei dagais contei.....