San Martín de Trevejo - Caceres

O xabalí apenas iniciá a ascensión dobló as patas llantreiras,chocó en o solu y roó pendienti abaxiu ésis escasus metrus que o separaban d´o riu y foi a quel en un charcu cuyas aguas se tiñeran de roju.
"Canelu",saltó disparau hacia él y mordei o sei cuellu,querendu asegural a presa,pero un feya falta porque ao xabalí había desiau de existil.A bala habia atravesau sei corazón.
O cazaol cheu de gozu correi hasta él desembainandu sei cutelu de monti,con ánimu de rematalo.Sudorossu y cansau se sentó en unha peira y dexió que a agua d´o riu refrescara suas mas y seis pes.Encendei un cigarru mentras contemplaba o fermosu animal semicubertu por a agua,pensandu que nun puia habel en o universu un animal mais grandi y fermosu.
Poicu dispois tres cazaoris mais se acercorin chamaus por o clamor y lairius de canelu.Se abrazorin y celebrorin a matanza bebendu alegris o viñu das respectivas botas.
Dispois de eital unhos tragus,un dos cazaoirs obervó que o bichu nun tiña aquelis culmillus grandis que o cazaol que o mató paricia haberl vistu.Nin tiña aquelas cicatridis de otras balas que soñara o cazaol,ni o animal era precissamenti un jabalí.Era si grandi y fermosu comu aquel que a mullirita reclamaba as xentis d´o lugal cuandu le idía:!!maire prenda,se m´a pirdiu o cuchinu mais grandi..si filla aquel que paricia un jabalí,leva duas semanas extraviau...!!