San Martín de Trevejo - Caceres

en otrus meyus sociais se a dau a nuticia de a morti de chenchu pero a mirar en o foru naidi se a acordau.o digu por que chenchu foy un de os pionerus do foru
ago si nos atrevemus a escrivir en fala foy gracias a o foro a chenchu y a mutus otrus

se que huvu mutas polemicas en o foru y poicu a poicu se foy apagandu asta nun que ar en na ni pa notificar os que se murrian comu agora nutificu a sua morti
esperu que alguin lea
istu y o recordi
CHENCHU D.E.P
Y SOIDI PA FALA

D.E.P

Cumu nun recordar a Chenchu....!Qué pena! Quiría fel hincapé en sei cuñucimentu da nosa fala i de esas conversacios en foro ciudad i por esis ánimos que me do cuando mei hermano fallecei. Se te vai a eital de menus, aunque tei corpu ya nun existi tua alma seguirá rondandu por o nosu lugal y teis escritus con os que tantu hemus disfrutar aquí quean. D.E.P

Pur F.he alabau a Chenchu y hoiyi que veñu a Sevilla (estoy en o campu ) tamén queru resaltar a o Gran Mañegu que se nos ha diu.Chenchu, num dibia dilsi tan prontu Era necesariu pa San Martín.Sin él os verás estaran mais tristis.Grandullón,Landeón,bocazas,alma chea de boas intencios,sempris o recordaremus.San Martín y sobre too os que sempris gozamus de suas polémicas,cargas de radón mutas vedis,temus que ideli Gracias Chenchu pur os boos ratus que nos has feitu pasal.
En Cataluña eras bandeira en defensa de España.En San Martín num te duian palabras en defensa de nosu patrimoniu y justicia.Toos choramus esa dispia que ya mutus notábamus en distintus meyus.Dondi queras que estés tei pairi Alfonsu y tua quiria mairi Isabel te habrán dau un abrazu.Teis hermanus,que te quirian un montón choran con forza tua morti.Mutus mañegus tamén.Ei que desde piquininu pur familia y y cariñu mutus abrazus nos habíamus dau,tamén dessiu correl lágrimas.Eras únicu,difícil de encontral un-a persoa tan llana y sincera comu tu.Descansa en PA miricía.Fostis sempri un gran mañegu.Gracias y abrazus .Adios CHENCHU.

Boas tardis a tos. Dispois de mutu tempu sin entral en o foru, y non sin esforzu,, , por que nun era capá de entral, o he consiguiu, ya que tras a sintia morti de nosu amigu Chenchu, ei que nun teñu “facebook” consideraba que o millol sitiu pa dispil a nosu amigu con unhas palabras de sinceru afectu, sin perjuicio de habeli dau o pesami con Filisa a sua familia, era esti sitiu, con seguriai, tan quiriu pa él, él que, como didi Fincacha, fui un dos pionerus do foru y a o que aportó tantus debatis y tantas criticas construtivas, con mesura pero sin pelus en a lenguna.
Chenchu luchó tantu en sua profesion, como fora de ella, por manter o castellanu en a enseñanza en cataluña, en momentus dificilis y que algun altercau judicial le custó, sendu airosu, por que tiña radon y sele deran.
Recordu, de pequenus, el era mayor que ei dois o tres anus, pero en o lugar conviviamus tos, cómo aquel dagal rebeldi y polémicu, o domorin, según idian os mayores, aquelis frailis de Marianhil, de, origin aleman con sede en Palencia, por que tiu Alfonsu, o pairi, o mandó a o Seminariu de aquela
Congregación, y cuandu volvei de vacacios, en o verán, to mundu o idia, viñu cambiau totalmenti, conviritu en un postulanti seminarista recatau y tranquilu. Estudio alí hasta cuartu y logu, cuandu descubri que nuntiña vocacion pa siguil volvei a o lugal y sigui estudiandu hasta completar bachiller Elemental, con D.Carmelu Valcarcel que, casualmenti tamen era maestru mei y con quen chigui a tel, ya en Sevilla, unha gran amistai quasi familiar, asi que compatimus clasis un cursu hasta que comenzó a estudiar magisteriu.

Chenchu deisa una huella en tos nosotrus, sin duda algunha. Eran soás, nun solo por as vodis que daba, sinon por o debatías, suas educás polemicas, inflexible en os argumentus pa cualquel coisa. Se nos ha diu por sorpresa, sin sabel como y nos hemus tiu que enteiral por otru conductu das redis sociais, que han sutituiu a esti meyu..... a noveai gaña, no hemos tiu ocasión,m desde mutu, de contal con seis escritus y aportacios.

Por isu, unindumi a o que expon Fincacha, piu a tos os que chegorin a participal en esti meyu, que, sin duda, ha feitu mutu ben a nosa fala, escriban unhas lineas pa dispil, de algun modu, como verdadeiramenti se merei a nosu amigu, a o que, sin duda, se eitara mutu de menus. A masiva dispia con pesamis y comentarius pa sua familia, o pon de manifiestu.
.Seguru que alí donde esta y en a paz eterna que ei le deseu, montará algunha, seguru. Soidi pa tos. CHITU

Creu que foi eno últimu mensaji qu'intercambiamus: "Gracias por ilustrarmi"-me diisu-. Soi ei, o que ten que dal as gracias a él. Porque foi él que nos ilustró a tos. Pues, máis de (mil oitudentus menjis) nos ha deisau comu testimoniu de qu'así é.

Comu didi fincacha: un bo grandulhón, que nunca guardó na dentru, -to o falaba. Tal ve fora esa a sua gran virtú.

Chenchu: D.E.P. Comu didi Chitu: con toa seguriai, montarás algun-ha alí dondi estés. Porque, iá te estoi imaginandu debatindu hasta con San Peiru, i comu era habitual en tí, en posición antagónica.

Te envíu un abrazu mui gordu. Qu'a nosa Cru te tenha o sei lau. -Porque, seguru que algu le vas a cuestional.

Pacu.

He tiu esti aparatu en reparació.Por supostu ya le di o pésami a familia por Facebook.
Peru felo tamén en esti Foru, dondi foi un-a das plumas mais relevantin,nu había tema que nun tratara.
O foru ya estaba mortu i agó está de lutu.
D.E.P. Amigu.