San Martín de Trevejo - Caceres

Está claru que nun se ha comprendiu a miña intención . Tu tampocu amigu Chenchu. Pues claro que o tal escritu nun e un escritu en forma, nun dudis que si o hubiera quiriu fel de otra maneira o habria feitu que sé felo y muy ben.Se pretendi fel chegal a inquietu a o Ayuntamentu, por que istu nin e unha denuncia nin e propiamentei un escritu que pretenda provocal un expedienti. Ei nun teñu por que sometel a consensu un escritu mei, istu nun e un organu colegiau, Chitu o ha feitu y o que esté de acordu que o diga y o que non que se cali o que o diga tamen, y ya está. De política nun queru sabel na, ya o e ditu otra ve. Ni tampocu teñu na en contra contra quin desempeña agora a función de Alcaldi, o contrariu, como persoa o teñu en gran estima y como amigu, o apreciu y me levu muy ben con él, como institución que e do mei lugal poyu ideli, baisu o nomi personal o baisu un seudónimu, que nun e un anónimu, o que ei crea que e un proposta radonabli, boa pa lo lugar y que está o resolvelo en sua man. Ya se que a decisión nun a tomó él personalmente, ni poi ni debi tomala, hasta ei chegu, Chenchu, a dondi nun chegu e a esis plenus do “platu de letejas” que nun se a que se refieri ni o tema do Buli, ni a os numerus de votus. Ya digu, istu nun e unha instancia ni mutu menos ni unha denuncia, e unha proposta y ya está. Nun creas que os que nun usan seudónimu en o foru son milloris o mas valentis que os que o usan, ni mutu menus, ei intri en o foru como unha intritinilla y si, ademais se poi fel algu pa a comuniai, mutu millon, y siademas de entretelnuns,feimus algu bo, mutu millol. Prefieru siguil con o nomi de Chitu, teñu rados pa felo y que como son miñas hay que respetalas, y nun teñu, como didis, por que empadronalmi en o lugal pa propoñel coisas que cosideru boas pa tos, ya estoy empadronau, non en Barcelona, y siguiré asi, ya nos coñoceremus.
Nun hay que sacal as coisas de quiciu, ¡pues claro que en lugal as normas de tráficu son simbólicas! pero habrá que fel algu pa nun quel en a anarquía que poi perjudicarnus a tos en un momentu dau. Por isu ¡plaza sin cochis si y pasu por ela, si! .
Mira, si ei fora políticu, que nun o seré nunca, nun a un anónimu a unha pintá callejera le firia casu, si e radonabli, nun perjudica a naidi y e boa pa mayoría da comuniai. ¿Importa o anonimu ?¡ Ah ¡ Si me prometis guardal o secretu, dami a tei correu que de dire en privau un par de coisas.Ya se acabo o tema. Un abrazu.-Chitu

Chitu:
Si nun se ha entindiu o que pretendias en o tei escritu que o encabezas con "AL SR. ALCALDE DE SAN MARTIN DE TREVEJO" será que te has mostrau ambigüu, poicu claru, o es que nun sabemus analizar un mensaji, pero en a forma/fondu fais unha denuncia sobre o problema da circulacion viaria y aparcamentu da plaza do lugal y solicitas adhesios y ei si que te respondu con unha proposta,con unha proposicion.
Ei nun soy amigu do Alcaldi, pero nun entendu que sendu amigu sei o califiquin de franquista y nun saias en sua defensa.
Que vivis en Barcelona, e certu, y nunca jamais fayu afirmacios gratuitas, estoy muy seguru Chitu. Soy o que te informó en a plaza o pasau veran sobre a existencia de esti foru, tempus atras te fali de Jané/ PLAZA VIRREI y en lugar de responder "nun se de que me falas" respondesti algo asi cumu que nun te había gustau que te paseara en cochi Jané por a Plaza Virrei y un dia utilizasti en o foru a palabra "peta". Que nun estes empadronau en Barcelona,pos nun mo creu, pero e pusibli, que tu eris unha persoa sincera e certu, pur isu nun sabis mintil.Cumu tu didis: "ya nos veremos en veran en a pichorra de "m.e"
"De politica nun queru sabel na" pos queiras o nun queiras too e política, hasta o airi que respiramus ten que vel con os políticus. To cargu electu he políticu,nun he técnicu.
Un dia te ofreci a dirección do mei correu electronicu y nun me fidesti casu, agora ma piis, pos o que queiras idilmi mo didis aqui.
Nun obstanti,e pusibli que a tua muller teña o telfonu d'a miña casa,
(calle Mari, 14-16)pos falaba mutu con miña hermana Maribel.
Claro que nun hay que sacal as coisas de quicio,nun as saquis tú;te has erigiu en portavoz de algu que se denunciaba en o Foru cumu era a plaza do lugal, escribisti un "OFICIU" pistis adhesios, has creau un estau de opinión que sempris e muy positivu y que seguru ha sirviu pa que o responsabli o supera, agora da a sensación ("nun he siu intindiu" reiteras) de dar marcha atras. Has coisas, un forista o a ditu, hay que felas ben y hay que dar NOMIS, APILLIUS Y D.N.I,
"con luz y taquígrafus" y en o Foru tu estas en o dereitu de ocultar a tua identiai cumu o estas fendu, pero de cara a organismus oficiais tendras que identificarti, pos en esti contextu quiria expresar que deras a cara y si a tua intencion era solu CHAMAR A ATENCION do Sr. Alcaldi o dibirías haber expresau de esa maneira. Si ei fora "Pereira" me disgustaría a tua actitud, purque él estaba de acordu en firmarti y agora pareci que te eitas pa trás. Ei ya te dixi que estandu de acordu con sei cuntiu nun to firmaba.
Que nun estes enterau sobri o que denominu plenu "PLATU DE LENTEJAS" o comprendu, pos se trata do siguienti:
Un dia un plenu do Ayuntamentu aprobo fer unha permuta: O pueblo cedia pasu pa sua finca a Don Angel Casillas por a piscina natural y a cambiu o municipiu recibía..........
Teñu mutu interés y tu que eris amigu do Sr.Alcaldi haber si poyu coñocel:
Que foi o que pueblo recibí a cambiu.
A Fecha do plenu y os concejais que deran a sua aprobación a permuta.

Qué opinas tu sobre esti FEITU.

Unha vez mais agradezcu o tonu amabli/educau con que respondis as posiblis discrepancias que temus.

Bos días.
Chenchu.

Se ve que nun has liu o escritu, solu lenduo verás como, ni e unha denuncia ni un reprochi , e unha petición :

“Te pimus que deixis libri a plaza de cochis aparcaus tomandu as mías que sean necesarias, pero que se poa pasal por ela, atravesala si se quel circulandu, pa que o tráficu por o lugal no sea tan cumplicau y pa que a Plaza nun pareza un recintu cerrau, encadeau y limitau por unhos macetos que, de estéticu tenin poicu.

De momentu, te pimus istu por que o consideramus, os que estan de acordu con esti escritu, o millol pa o lugal.

Vamus a vel si nos fais casu y si de verdais eris un Alcaldi demócrata, que de momentu nun o poñu en duda, si nuno fais, nos das radós convincentis pa nun atendel a nosa petición, que e una petición formal, feita por mañegus que, aunque con seudónimu, son facilmenti identificablis en sei momentu."

¿ He claru o que aquí se didi o ten alguna ambigüeai ?. He verdai que me consideru amigu da persoa do alcaldi, pero nun soy o sei defensol, ya he ditu o que tiña que idel y si alguin considera a forma de actuar do alcaldi, en o uso do sei dereitu, inadecuau poi calificalo como queira, alá él.

. Te equivocas, de igual maneira que te equivocas conmigu y fais unha afirmación totalmenti gratuita, indendu que me eitu patras. .Esperu que rectifiquis cuando sepas quen te escribi, nunca me has facilitau o tei correu. Te o piu de novu.
Non se por que hay que buscali tres pes a o gatu. Nun me he erigiu portavoz de naidi, ¿ de dondi sacas isu aunque o diga en plural ? solu he feitu unha proposta y he facilitau un escritu, que esperaba fora secundau por tos os que estuveran de acordu con algu tal facil como que nun haya cochis en a plaza y se autoricia a circular por ela. ¡¡¡¡¡¡na mais !!!. Repitu si a miña intención hubera siu otra distinta o hubera feitu de otra maneira que, repitu, se felo.

Ei dos plenus pasaus no se na de na, ni sabia isu da piscina, por que a miña amistai e con a persoa nun con o cargu, a quen, si fai falta, tamen estoy dispostu a ajual ,pero a el y a quen o necesiti que desempeñi o cargo que el ten agora.

Ya ves que o final, a miña proposta solu a sirviu pa que tu u ei animemus o foru con esta discusión, por que pareci que a mayoría le resbala o asunto da plaza, nos fijamus mais en la forma que en o fondu...¡asi nos vai ¡. Espero o correu. Un salu, Chitu.

Chitu:
E muy difícil diferencial en estas cuestios de problemas municipais
qui e unha denuncia, o unha piticion, pero bueno, e o que didis unha solicitud.
En o escritu nun observu ambigüai ninñua, me rifiria a o procedimentu. Vamus a fer historia:
"Mirador" con o sei exhabrutu "corral de cabras" e insultus a o o alcaldi e o que saca o tema.El propon que se poia aparcar en a plaza.
A mayoria dos foristas que le respodin nun estan de acordu. Tu le respondis o mismu dia 26.
Logu venin unha seri de respostas por parti de foristas y presentas o tei "escritu". Pos a esti procedimentu e con o que nun estaba de acordu
y por esa radon nun o o firmaba a pesar de estar de acordu con o sei cuntiu (contenido). Calificaba de ambigüai a maneira de presentalo porque sigu opinandu que se debe primeiru fer a propuesta,( tes radon que nun tes porque fela) si se acepta se fai un borraor donde ca cual
puia expoñer o que pensaba, se recollin toas as propostas y se elabaora o escritu definitivu, pero con nomis, apillius y D.N.I.A istu chamaba ei que te "habías erigiu" en portavoz.
¿Que o Foru nun e lugal pa estis procedimentus porque a genti nun se quer identificar? poi ser. ¿Que tu quirias solamenti chamar a atencion dos responsablis municipais? os ha cunsiguiu,pero aqui e dondi digu que hubu ambigüai.Tiñas que habelo expresau, que esa era a tua intencion.
Ei entindi que se trataba de un escritu que habia que firmar y envialu a o Ayuntamentu, observa a resposta de Pereira
cuandu te didi que esta de acordu en felo.
O que pasa, e que tantu rui, pa NA, bueno, pa na NON, que nos has sirviu pa expresarnus en mañegu y pa reflexionar sobre o problema da circulacion en o nosu lugal.
Teñu claru que o problema tal y como esta agora nun son as miseras jardineiras, que son horriblis, sinon a falta de autoriai. Si se permitira aplicar a proposta do tei escritu que siría o mais radonabli
y o unicu pusibli ( tu que vivis en Barcelona, sabis que por a PLAZA DE SANT JAUME os cochis a cruzan y nun se poin aparcar)
¿qué pasaria? que aparcarían y siría pior.
Retiru o que afirmaba "que te itabas pa tras" a prueba esta que siguimus falando da cuestion.
Pensu que nun te has quiriu mollar en a cuestion da "piscina natural-buticari", o comprendu, que esta muy fría a agua. Tu coñocis ben o tema y tes a tua opinión que a respetu nun queiras expoñela aqui.

Y puesto que insistis, tamen ei teñu ganas de conectar contigu, pur isu te puyi a miña direccion postal.

imarti56@hotmail.com

Y con esti mensaji ei ya doy por finalizau o debati.

Boas noitis.
Chenchu.

Nun coñocu o fondu do tema buticario, asi que nun debu opinal,Pa mi tamen punto final.Me descubru en o correu que te mandu. Nun me descubras tu, pero si tes que rectifical algu, que nun te doyan prendas o felo. Un forti abrazu, que sabis o fay de corazón. Chitu