San Martín de Trevejo - Caceres

Te contestu, Chenchu, aunque.naturalmenti aqui escribimus tos pa tos interesi o non a ca un.
En primer lugar, pa agradecerti a información, ei que a piu reiteraamenti en o anterior escritu mei. Descuñucia a existencia de esti canal informativu que nos suministras acuindu a WEB do lugal, creu que istu e novu y, que ei sepa, estaba poicu divulgau.Ago se sabrá mais sobre a via de o lugal, si se publica. Por tantu, como hay que estal as duras y as mauras, felicitu cordialmente a Corporación por habel creau esta via informativa que ya he vistu y me agrada.Solu falta que se divulgui, con a antelación suficienti tamen, o Ordin de o dia de ca plenu y se poa, desde fora, fel algun ruego o/ y pregunta, sempris que sea de interés general, pa que se trasladi a o plenu de que se trati, previa consideración de pertinencia.

En segundu lugal y en cuantu a o tema dos viñus, “hobbi” con o que disfrutu, te informu, que nun tardará mutu en que chegui o dia en o que a mayuría de tapos sean de rosca, por supuestu de maneira que o viñu nun toqui metal. Se ha chegau a conclusión de que interesa esi tipu de cerri nun solu por a faciliai de apertura, por que to mundu non profesional nun sabi usal ben o sacacorchus y a vedis se poi estropeal o bo viñu con unha ma apertura, sinon por que en mais de unha ocasión, por unha multitud de causas o propiu tapón poi estropeal un bo viñu- ¿Nun as bibiu nunca un viñu con sabor a tapón ? Pues nun e que sepa a tapon propiamenti, e que a vedis en o corchu anida unha bacteria que poi afectar un bo viñu danduli esi sabor tan característicu y poicu agradabli que acaba estropenadu tantu o aroma como o paladar. Por isu, mais de unha boiga usa ya silicona, a pesal de que o tapon de silicona, unha ve aberta a botella non e bo pa guardala pa mais tardi tapá y tumbá. Como debi sel, por que poi goteal por o buraquitu que deisa o sacacorchus. Con o tapon de rosca, nun pasa isu, o cerri e herméticu. O tapón nun ten por qué califical o viñu, e a textura, o color, o aroma y o sabor os que, en definitiva nos dirán si o que saboreamus e bo y de caliai o non¿ Te vali a explicación?. Un abrazu y un saluu pa tos de Chitu