San Martín de Trevejo - Caceres

Boas tardis mañegus, tiña que falal de un tema que levu pensandu fai tempu,a forma que temus de escribil a nosa fala. Comu nun temus una gramatica, ca un o fai comu cree, y istu ben a raid de varias persoas que en un pasau intentarun dal una forma escrita a nosa fala.Pa empezal ei agradezcu o esforzu que han feitu en estudial y promovel a fala y a nosa cultura, pero en o tema de a escritura creu que se confundin,y por ejemplu os letreirus das callis e uno dos puntus candentis, nun me queru confundil pero si a un vellu do lugal le preguntas comu se di "avenida" te dira avia,en fin istu e pa que empezeis a debatil, un saluu y esperu que faleis do tema.

Boa radon tes "O Forti".Algu habrá que fel pa cordinar unhas reglas de escritura, porque nun nos poñemus de acordu a hora de escribil...O que mais me joi e que veñan alguhos de fora a idilnus cumu dibiriamus escribil algunhos fonemas basandosi en o purtugues,o cumu dibiriamus rectifical en algunhas variatis que se dan con respectu a o castellanu (Manolu=nominativo,Manolo=vocativo),bastanti adulterau temus ya o mañegu comu pa que agora inda encima de to veñan estis mequetrefis sin niñunha autoriai academica a ensinalnus...ya falaremus mais d'istu.
Ayós

Mira "O Forti". Aquí naidi sabi ni quen somos ni de dondi vimus ni adondi vamus...
Paquí había xenti en ó paleoliticu, en ó neoliticu...Logu viñerun os
emigrantis, Tantessus, Celtas(Curtus y largus),Vettóns, Lusitanus, Cartaginessis, Románs, Alanus, Suevus, Godus, Visigodus, Morus,Castellanus, leonessis, Asturis...!ei que sé, unha caterva!
Unhos didin que e unha varianti de o Galegu-Purtugués, oitrus de Astur-leones.y ei digu que ya se falaría algu cuandu chegorin estis dagais a repoblar estas terras.
Vaiti tu a sabel comu feimus unha gramática de tu isu.
Agora didin que tos vimus de Africa.
Ei falu de oivíu, comu alguhos cantantis, hay quen o fai mal y oitrus o fain ben. Si nun, mira a o Pavaroti que nun sabi solfeu y canta comu un canariu. Un abrazu "o Forti" y pa tos os Mañegus.