San Martín de Trevejo - Caceres

Estimaus furistas:
Seguru que istu ya o habiais pensau mais du una y de duas vedis.
Feya una maná de anus que nun uibía istu pero, os prometu que han siu una maná de vedis que o hemus falau con pairis con dagais y nun tan dagais. Tos sabemus que hay estudius que tratan sobri que os pairis modernus nun dedican o tempu suficienti a os fillus y os responsabilizan de tos o desajustis que os dagais poin sacal (comu aquel do dagal que infla a patás a dagala en o metru de Barcelona)Os pairis vivin creendu que están cometendu un enormi errol.
En un traballu feitu con dagais de entri 8 y 17 anus, se mostran indiferentis con o tempu que seis pairis les dedican ( ni fú ni fá)que les da igual, vamus. Caixi o 40% didin que nun les importa ná que seis pairis nun estén con elis e inclusu pensan que hasta é millol que sigan así porque, así nun cambian a forma de vivil que levan agora. Os pairis son os que están inadaptaos a o novu modelu familial, non os dagais (os dagais nun han cuñuciu otru patrón de conducta y están habituaus a estal ocupaos to día dentru y fora da escuela).Milis de ocupaciós (videojuegos,TV,móviles, particularis,entrenamentus, internet...)Una "dosis" mayol de pairis puía sel inclusu fatal y dañaría a composición cómoda que tenin de desenvolvelsi comu o fain en a actualidai.
Nun sólu un matrimoniu pa toa a vía, sinun pa unas horas han deixau de considerarsi que é beneficioxu. Esa idea de que hay que amarsi y felsi vellus xuntus, ya forma parti dos contus de una sociai, pasá, estancá.
Antis os fillus se moldeaban con detalli dentro de o ambienti domésticu y reglamentau y se convirtían en pezas que se ajustaban a un ordin y tiñan una entiai mais o menus encarrilá desde que nacían hasta a morti.
Agora se trata de sel muy adaptabli, cambianti ná de sel un individu sólidu.
Nun hay una entiai pa toa una vía sinon varias p as varias vías.
Os pairis forman una familia muy aberta y proyectan una lú muy débil. ¿Se vai a siguil sintindu sempris culpabli? Si fora así o hubera entorpiciu inda mais pa poel desenvolversi pol esti mundu con una visión muy ámplia, pa nun perdel a orientación, ¡bah!. A dondi diremus a paral ¿eh?
Soidi a fala y ná, ya sabeis,...que fayan o que quieran ¿non?. ...¡Ay! así nos ludi o pelu.