San Martín de Trevejo - Caceres

Pareci que aiel (día 12) se puxo a primeira peira do Conventu de San Miguel, que toos sabemus que está alí a o láu d'a ermita d'a Crú.

A referencia en a prensa local a poeis encontral en

https://ww.elperiodicoextremadura.com/noticias/noticia.asp?pkid=290963

Vaia desde aquí a felicitación a os regioris d'a villa, y a toos cuantus a fideran pusibri. Pero creu que poñel un-ha primeira peira a un edificiú, que en a misma nuticia didin que data do siglu Dedaseis (fai máis de cuatrudentus anus), pareci que é un-ha pasá.

Os pulíticus tenin que sacal proveitu d'as obras que didin que fain (as obras as fain as instituciós), pero ven puían habel postu otru nomi y nun o d'a primeira peira.

Tamén fala a nuticia de accesus, así que tó que dixemus aquí fai un tempu de poicu vali.

Soidi p'a o nosu mañegu.

BOOS DÍAS

B.RODAS

Tú.Brodas, le as dau a primeira peirá a o actu que, desde logu, ten un nomi desacertau, aunque sea simbólicu, ya sabemus, y aunque teña sua sifnificación política, nun faltaría mais, o que si e verdai e que se ha dau un pasu importanti, por que pareci que o coisa vai a sel mais grandi de o que mutus pensábamus.
Vaya a miña felicitación pa tos os que han traballau y colaborau, desde o lugal y fora de él pa que a Hospederia sea unha realiai boa pa o lugal.Tamén, teña o non un determinau tinti partidista, vivimus en unha democracia de partius, felicitación pa a Administración autonómica que se fijó en esti edificiu que le puxeran por deyantri pa fel esa obra que, esperemus, traia mutu bo pa o lugal.E justu recoñocel os méritus a quin fai as coisa ben y, en esti casu, o lugal vai a sel beneficiau, asi que, aunque o de o pan sea inda prematuru, por que naidi regala na, como símbolu de futura abundancia, está ben, pero ¡ojo! non hay que durmirsi en os laureis, sin traballu personal y a dibia cualificación nun hay na que fel. Por oxi na mais, Soidi a fala y pa tos, Un saluu de Chitu