San Martín de Trevejo - Caceres

Boas noitis:

Esta peira, que sai en a fotu, está en a igresia, por a parti d'atrás.
En a fotu nun se ve ben, pero si algún máis técnicu a poi sacal millol siría interesanti.
Pareci tel algun-hos signus cumu a famosa ventán de Barara, a vel si Fontinova dois o poi interpretal. Millol será que cuandu vaia por o lugal se acerqui a vela y nos o aclara.
Si didi cuandu vai a o lugal a o millol puía dil a velo, eital un-has parrafás, o que p'a mí será un-ha gran aligría.
Respectu a o dizionariu estoy d'acordu con o que didi Chenchu y logu ratifica Chitu: un vocabulariu de esis uficius y ferramentas, que se van perdendu (os dois: os uficius y as ferramentas), y por lo menus os recordaríamus.
Siría un-ha especie de museu etnológicu (aunque en esti casu de palabras y expresións).
O zapateiru usaba un-ha ferramenta que chamaban "tirapés". O sé porque mei pairi algun-ha vé (poicas por fortuna), me dó en o cú con ela. Hai máis y as diremus poñendu.
Soidi a fala. Soidi p'a tós Se vos salúa

P.D. Cuau con o que idis d'os lagartus (lacertum), que algun-hos de elis están prutigíus. A vel si vai a habel algun-ha ley con efecto p'atrás (retroactivu) y vos custa un disgustu. Que nos aclari istu Chitu.
Bueno é broma.
Soidi