San Martín de Trevejo - Caceres

Cuandu un ten tempu y oportuniai, se acerca aquí, lee, se rii, en definitiva se distrai un que demasiaus problemas hay por tos os laus ( ei a vedis os meis y os de os demais), como pa nun tomal a via con filosofía.
Ago, ya fora de guasa que ya sabeis que paqui abaisu hay muta, quitandu o tema da broma de a estatua y de o camiñu con suas distintas variantis, se me ocurri, que e o momentu de ofrecel ideas respectu de a Hostelería que se vai a fel en o lugal. Nun se si nos hemus dau conta muy ben do que istu poi supoñel, si se fai ben, pa o nosu San Martín. De momentu, un montón de puestus de traballu, entre directus e indirectus y un cambiu, seguru, en o ambienti do lugal. Si a Xunta invirtu esi monto de Eurus, nun vos quepa duda de que se han feitu estudius y se fai con visión de futuru.

Prontu, ya mismu, se pon a primeira peira, bueno está, por que istu será un actu políticu censurabli o non pero e a costumbri y didin que o que ben se empeza ben se ten que acabal. Publiciai, nun solu pa quein a poña y quin esté detrás pero, o mais importanti, e publiciai pa o lugal y isu e bo pa tos, os de dentru y os de fora.

Nun cabi buda que a cuestión de o camiñu se ten que dil solucionandu ya, por que da misma forma que e necesariu cuandu a construcción esté acabá, e necesariu ago pa arrimal materiais etec. Ten que estal previstu, cachondeu aparti.

O que si se me ocurri en esti momentu, que inda nun hay ninmun proyectu acabau, me pareci, e que sí se tiña que mantel a imagin exterior de o Conventu, tal como nosotrus o hemus cuñuciu toa via. Confiu que asi será.

En cuantu a o que, con tanta gracia y finura poética trata Brodas, me pareci tamen acertau que se pensi en isu, nun está ben que esi obeliscu a os desaparicius do lugal en toas as guerras, esté arrinconau entre conteneoris de basura. A o lau de o Cauertel, por ejemplu, que hay un pequenu espaciu, xustu en o cruci, cabi algu, unha pequena “coisa” ( como le queiramus chamal) que conmemori dignamenti esi eventu históricu y otrus que se queran recordal.

Asi que, con derrochi de iñeiru o sin el, según quin o diga, hay que alegrarsi de esta coisa tan boa que supodrá a posta en marcha de esa Hospedería, que será otru reclamu, un mais, pa que a genti de fora nos visiti y se deisin iñeiru en o lugal. Enhorabuena a to mundu, tantu a os que han cunsiguiu que se faya, como a os que desde fai mutus anus reclamorin o Conventu pa o lugal hasta consiguilo, como a os que van a disfrutala y a tos os que vamus a vela feita y funcionandu.

Ya está ben por oixi, Soidi a fala mais que nunca, y un saluu pa tos de Chitu.,