San Martín de Trevejo - Caceres

¡Hola Brodas! . Por radós familiais de certu tipu especial; os meis desplazamentus,están un poicu limitaus.Pero,cuandu vaya o Lugal con intención de pasar alí o dia, te o fairé sabél, me encantará meternus un par de viñitus po coletu.

Pues, hai várius grabaus, comu o da fotu que nos envias, repartius por as callis do Lugal.Pa mí,é, un signu cristianu, dondi se poi aprecial o siguienti: un triángulu con o vértici hácia arriba simbolizandu a Dios pairi. En esa misma dirección, arranca un-ha cru latína que simboliza a Jesús fillu.

Cuandu entris en o bar dos “Arcus” (en os portais da plaza),verás en o dintél, un Crismón (monográma de Jesús), i yustu enfrenti,en as escaleiras que subin da plaza,hai un símbulu destas características, pero con un círculu en a cru,o principiu,me confundí con un-ha cru celta –por o círculu- pero nun creu que sea,aunque toas están mui vinculás. Curioxamenti,un poicu máis arriba dondi viví o actual alcaldi,ya subindu pa San Xuan, hai un par de estas crudis tapás con cementu.Nun sé, de quín será esa caxa, ¡me sorprendei ver isu!,¿qué sintiu tén tapalas?.

Cuandu estábamus ocupaus con a “Ventán de Barara”, dixi: que pensaba que San Martín,habia tíu un paxau cultural importanti, esta é a miña hipótesis: pensu,que a partír do siglu (catordi),hasta o siglu (dedaseti) o máis,o Lugal,viví un-ha activiai mui intensa, con un nivel cultural importanti. Comu ben nos didi agora Chenchu, dos tres lugaris do Val,solamenti San Martín pertenecei a Ordin Templaria de San Xuán, (tamén chamá ordin d’hospitál). Comu sabemus, a principiu do siglu (catordi), a ordin do Templi,fói pirsiguia i exterminá por ordin do rey francés “Felipe el Hermoso” -nun o homi de Juana-;aunque con menus intensiai,dita persecución,tamén a fideran extensiva pa España.

En a segunda mitai do siglu (quindi), un-ha historia paricia,se repíti en España con os Xuvius por parti dos Reyis Católicus. Tantu en o primer caxu,comu en o segundu,os mutivus de tál persecución: que estis reyis, habian píu perras prestás a esta xenti,sin intención de devolvelas.

¿ Qué millor refúgiu que o Lugal, pa esta xentí?.San Martín, está cheu de signus,que nos dá testimóniu da prexencia desis colectivus, ¡Brodas!,cuandu vayas o Lugal,fíjati en a facha da tua caxa,(dími que vés). O mismu le digu a Chenchu,pa que miri en o bordáu dun traji que muestra sua mairi de jovin,¡¡vaya belleza mañega!!.

Me gustaria saber,qué didin esis textus que hai debaixu da ventán do campanariu,(o lau doscúdu).

Un abrazu, FONTI NOVA

PD. ¡Cuau con a carreteira!