San Martín de Trevejo - Caceres

¡ Muy guapus os retratus ¡ o de a avespa e muy oportunu y didacticu, un actu pre-sexual cientificamenti considerau.

Ya que naidi escribi, voy a fel unha pequena crónica, por que, si e verdais que algún estará disfrutandu de unha pequena estancia en o lugal, os demais nun nos queamus mancus ¿eh?.

Vamus pa Sevilla, que Sevilla e Sevilla y nun hay na que desprecial.
Sevilla, cheira a aroma de azahar mezclau con inciensu que se queima en las procesios; o sol, que nos gratifica con unha especial luminosiai, nun da mutu calor inda, y pasear por as suas callis representa a vedis unha multitud de agradablis sorpresas y, a vedis, de emocios indescriptiblis.
Ya hay mutus pasus en la calli, y por cualquer barriu, aunque sea periféricu, se ven os nazarnus encapuchaus y vistius con túnicas de distintus coloris que se encamiñan, mutus descalzus, a fel, o que aquí se chama, a estación de penitencia con a sua Hermandai.
En o Centru, nun hay ruiu de cochis ya, pero se oivin por cualquel lau suius de tamboris acompasaus que anuncian a cercanía de unha procesión.
Por certas esquinas do centru, se agolpa y apreta a genti de tos os laus do mundu, pa vel como van camiñandu, muvius por, entre trenta y cincuenta, costaleirus, os pasus que representan, unhos, episodius da pasión, y otrus a Jesús o a Virgen, en as distintas advocacios que tenin.
Cuandu un pasu se acerca, a genti se cala, y si nun hay musica, por que sea un pasu de silenciu, solu se oivi o arrastral das zapatillas dos costaleirus en o solu y o choqui de os bordaus dos palius con os barais de plata que os sujetan; si e un pasu dos otrus, as bandas de música marcan o ritmu dos cosaleirus que, en as filigranas que tenin que fel pa giral en as esquinas, pareci que bailan a son que tocan, y fain movelsi a o mismu ritmu os barais dos palius y a o pasu enteiru; si siguin dereitus andandu, van como desfilandu totalmenti acompasaus, con o ritmu que marcan estupendas bandas de cornetas y tamboris. Hay a quin se le ponin os pelus de punta, y a quin se le saltan as lagrimas, y dispois de fel os girus o movel un pasu, o de uivil unha saeta que cualquel expontáneu ha dedicau a imagin presenti, explotan as palmas de to mudu, como solu aquí se sabin tocal.
¡ Istu hay que velo! Nun se poi describir tan facilmenti, asi que, si hay sana envidia....o sintu...Vos salua....Chitu.

¡¡ Et in Sevilla ego !!.

Certamenti:se ponin os pelus de punta.

Boas tardis Chitu!. FONTI NOVA II

¿Estas en Sevilla Fontinova II? Siria unha aligria que nos encontráramus aqui. Pero digo ensiguia, por que estoy dois dias mais. Chitu

Po ,na, do mundu,deixaria de verti,si estuvera en Sevilla.

Estuvi, unha Semana Santa en Sevilla. Y por isu,entendu,to, o que se sinti, vendu un pasu.

Un Abrazu, FONTI NOVA II

Estoy de acordu contigu Chitu, nun hay na que desprecial.

Oixi nun e vistu niñun pasu porque e estau to o dia traballandu, pero ayer vi EL BESO DE JUDAS en a plaza da Alfalfa. Difícil sería fel unha crónica do que se vivi en esi momentu, mezclandusi a música, os cheiroris y o silenciu que se fai cuandu pasa o misteriu representandu o momentu en que Judas beixa a Jesús en el Huerto de los olivos con San Juan , San Pedro, Santiago, San Andrés y Santo Tomas presentis y con unha gran oliveira rematandu o pasu. Y esis costaleirus, bailandu a o compás de a banda, con os cambius de ritmu y....Uff, ahí es cuandu se ponin os pelus de punta y to o mundu rompi en un gran aplausu. Foi unha gran chicotá, que empezó antis de entrar en a plaza y acabó con o pasu ya en a calli odreros.
"PRESIOSO MI ARMA"

(mentras escribu istu oivu de fondu o tocar de os tamboris. É a hermandai da SED que sai de San Esteban para enfilar Luis Montoto.

Un saludo.

www.belenpage.tk3.net

Ei tamen vi "EL BESO DE JUDAS" Belen, estuvi juntu a unha pastelería que hay en La Alfalfa. Foi apoteosicu. Por certu,os tamboris que uivias cuandu escribistis, nun eran de la SED, eran de San Benito, que diria a recollersi. ¡Con un progama en a man se fain maravillas ! Con envidia pa os que nun poan disfrutal de istu. Un saluu de Chitu

chitu,un saluu.me alegru de que to pasararas tan ben.peru nun solu en sevilla se vivi a semana santa(que he mu bonita isu seguru).peru si a viviras en algunhos sitios de a comuniai de mairir seguru que vivias as mismas sensacios.comu en otrus mutus sitius de españa.que caun so pasi mu ben dondi quera que este y mutu cuau con a carreteira. un saluu pa tos.