San Martín de Trevejo - Caceres

Tos os anus o dia de San Valentin, a Casa de Extremaura en Sevilla, que presidi desde fai dedaoitu anus Fincacha ( Gonzalu o de tiu Rosariu pa que se entenda ) , celebra esi dia con unha cumia o cea y se premia con o trofeu Giralda Encina, a algunha persoa o Institución que se ha destacau por sua dedicación en benenficiu da nosa terra. Esti anu, sin que Fincacha se entierara, como estaba previstu dali o trofeu a o Sr. Fernández Vara, Presidenti de nosa Autonomia, se organizó con a connivencia de o Sr. Presidenti que diva a sel o premiau, un calurosu homenagi a Fincacha que ben so mereci, por to o que a feitu duranti tantu tempu por Extreamura, a Casa de Extremaura y os socius y extremeñus que han vindu a visital Sevilla y han quiriu contal con el. O dia estaba programau, dentru de os actus previstus, fora do sorpresivu homenaji, pa que, por a mañan, os socius foran a almodal migas con café o chocolati a o bar de a Casa de Estremaura; dispois, as ondi, misa en o Conventu de San Buenaventura de Sevilla, oficiá por o Arzobispu emeritu de Merida Mosr. Montero. A isu de a unha chegorin a Sedi Social, o Presidenti de Extreamura, de Andalucía, o Alcaldi de Sevilla, o Conselleiru de Industria de a nosa Autonomía y os presidentis de Federacios y Casas de Extramaura de otras ciais cercanas, con o fin de reinaugural o novu salón, ya que a esa fecha, dispois de habelsi endeudau a Casa en mais de trenta millós das antiguas pesetas, se había pagau toa a deueda y queaba un magnificu salón y unha magnifica sedi social.

Según o previstu, acabau o actu inaugural, os socius y demais asistentis, tiñan unha cumia precedia de un aperitivu ampliu, en os Salos OASIS, cerca de Sevilla y dispois da cumía , cuando Fincacha pensaba que se le diva a dal o premiu a o Sr,Presidenti de Extremaura, por certu un homi jovin, cercanu, muy listu, por o que pui vel, humildi y, según sau biografia, muy condecorau como Autoriai Sanitaria, empezó o que foi un cariñosu e inesperau pa él, homenagi a o Presidenti da Casa de Extreamura en Sevilla, Fincacha, se le obsequió con unha estupenda placa de plata por parti de os Directivus de a Casa, con varias placas, de a Presidencia de Extrememaura, do Axuntamentu de Sevilla, de Casas Regionalis, de Asociación de Amigus da Capa, de unha ONG, de os Profesoris jubilaus y hasta ei, le dediqui unhas palabras, fenduli una especii de acusación por toas as coisas boas que ha feitu por a Casa de Extremaura en Sevilla, por sua dedicación en favor de tatus eventus que ha organizau en interés dos Socius y tantas y tantas coisas que ha consiguiu de Autoriais, Instituciós y personaliais de to tipu, to en benenficiu de os socius de maneira totalmenti desinteresá.

Dispois de o homenagi a FincaCHA, se le entegó a Trofeu Giralda Encina a o Sr, Presidenti de Extreamura, que nos dedicu unhas sencillas, pero muy sustanciosas, palabras y dispois nos obsequiorin con actuaciós de o Coru Rocieru de El Salvador, un Grupo folcloricu de Extreamura y una orquestita que nos fidu bailaR hasta as dé da noiti. En fin, dia completu de ondi a de. E cuantu teñu que informal , felicitandU desde aquí a Fincacha por tan miriciu y concurriu homenagi .Soidi pa tos pa a Fala. Chitu

Amigu Fincacha: Creu que siria un despreciu por miña parti,nun felicitarti por to esi homenagi que te han dedicau,creu que o que traballa, sempris leva o sei mericiu,comu bo extremeñun y bo mañegu, se que as traballau mutu defendendu sempris a nosa región,luci con orgullu esis trafeus y sigui en esa linia traballandu,antis o tempranu le chega a caun a recompensa por o que fay. Amigu Fincacha, recibi de corazón esta felicitación de nosa parti y sigui demostrandu que eris mañagu. Aupa a Fala y aupa esis mañegus que sabin quear a nosa terra altura que se mereci. Un abrazu y reiteru esa felicitación.
El Salto

Gracias "Chitu" por a información.
Transmitili a "Fincacha 41" a miña felicitación
y otru día comentaré a nuticia.
Me gustaría ver algunha fotu do esi actu.

Un forti abrazu

Ei tamén me unu a felicitación a Gonzalu, y le deseu que siga mutus anus desempeñandu a Directiva de esi Centru Extremeñu en Sevilla, que segun nuticias a gestión sua ha siu un éxitu.

Soidi pa tos/as y a Fala.

Estimau amigu Fincacha41.
Me alegra mutu que te hayan condecorau. Ei sé que tú estás dispostu sempris a fel algu. Inda me acordu cuandu fostis a dal Clasis "Nocturnas a Jóvinis Adultus", relevando a o Maestru de turnu en o Lugal y cuandu en o o mes de Mayu de o anu 1964 nos encontramus en "Melilla" ¿Te acordas? que estuvemus toa tardi yuntus. O casu é que te comportas ben con toa genti que coñocis.
Así que ei me alegru que te hayan concidiu esti Miriciu Homenaji y que te hayan dau "Unha Giralda, con un unha Encima", en recuñucimentu de a tua labol, a favor de os Extremeñus.
Que o disfrutis mutus anus con salú, en compañía de a tua Mullel, Fillus, Netus y demais Familiaris y Amigus.
Soidi a Fala.
Chalrrieira.

Rectificu:
Queru idel a "Placa pa Fincacha41" y o trofeu de "A Giralda con a Encina", pa o Presidente de a Junta de Extremaura.
Chalrrieira.

Minha máis grata felicitación a Gonzalu, por esi miricíu homenaji que recibíu, de tantas instituciôs y amigus p´alí pâ Sevilla.
É certu tô cuantu él a feitu por Extremáura, desde esa casa regional en Sevilla, cumu ben me idía fai un-hos día o presidenti dâ casa de Extremáura en Puerto de Santa María, é dignu de elogíu. Estoy dácordu en casi tô cuantu didi Chitu, que, aunque sea familial de Gonzalu, en esti casu é imparcial, e inclusu diría ei que le quita méritu, por aquilu de que nun o pareza.
Nun estoy d´acordu en o que didi de o oportunista que agora presidi a Xunta de Extremaúra, porque tô cuantu haia feitu? esti hommi, por Extremaúra, creu que vai incluíu en sei sueldu. O de Gonzalu, cumu sabemus tôs cuantus estamus en esti foru y en otrus laris, é otra coisa.
BOAS TARDIS
B_RODAS

Semu ulvió idel, que participaba en esti foru, por o trema que se trataba de un homenaji a Gonzalu; en contra de un´ha determinación que é tomáu, de nun felo, mentras o señol administraol, (amu, dueñu, propietariu, patronu, caciqui, señor, poseedor, soberanu.., y cuantus sinónimus queiramus ponhel), nun permita entral en esti foru, sin, previamenti estal registráu. Creu que istu é un-ha pataleta por o que le dixeran Chenchu y Chitu, entre otrus: O quizá sea un-ha CACICÁ. Él sabrá o que fai conas suas coisas.
O ditu
B_rodas

Veu que nun ha feitu mutu efectu a trucu publicitariu usau pa dal a nuticia o, tal ve, que nun o he feitu ben: poñel istu así:
Cronica larga de un “ miricu homaneji “ homanagi “

me daba a impresión que captaría a atención mais que de otra maneira. Desde logu a xenti se fija mais en un “ bendo este pisazo” que “ se vende este piso “, y ago con a falta de compras mais inda. En fin, que a nuticia se dó y queru ideli a Brodas que, efectivamente os Politicus tenin en o sueldu o homenagi, pero si por habernus atendiú en mais de unha petición pa a Casa de Extremaura y pa os extremeñus de Sevilla, se le fai un recuñucimentu, sencillu, aproveitando que él se prestó pa vil a o tema de Gonzalu, pues nun pasa na. En cuantu a o de indentificarsi, algunha ve, sobre to cuandu se cambia de ordenaol, o pi a Administraol, a mi tamén, queru pensal que é por seguriai pa él y por eludir cualquel tipu de responabiliai si alguún entra faltandu a os demais, tal ve con nomi supostu ousurpandu o nomi de otru, asi que, nun deisis de entral aquí por isu que nos gustan os teis ripius y coplas y, como non, tua valida opinión. Soidi pa tos y pa a fala, Un saluu de Chitu.