San Martín de Trevejo - Caceres

Toni,Jesús y Tasiu
eran os tres ingenieirus
con gabardina y sombreiru
camiñandu,calli abaxiu
buscandu a tia turtulita
que esperaba con o Gatu
pa firmal aquel contratu
que era o mutivu da cita.

Le compraban o ulival
que tiña unha mina d´oiru
un fabulossu tessoiru
que le diban a pagal,
diban con gafas oscuras
con maletís cheus de iñeiru
homis de ben,compañeirus,
ingenierus,caixi curas....

Tita turtulita criía
en a oferta que le feyan
en as perras que le treyan
estaba en boa compañia....
pero Tasiu se eitó a ril
y os demais nun aguantorin
y da rissa se mixiorin
y agarrorin " o pindil"

Homis maus que arrancorin
as ilusiós de unha vella
hay que tiralis d´a orella
por o barullu que armorin,
y o Gatu que foi correu
y que montó aquel tiberiu
con gabardina y sombreiru
que esté con ela en o Ceu.