San Martín de Trevejo - Caceres

Istu nun e politica, e humaniai y nun debi calasi un, aunque os gritus sean estérilis y, si se quel, nun sirva mais que pa descargarsi un de a impotencia que se siti ante sucesus como o ocurriu oixi, con o lamentabli asesinatu de un ser humanu, na menus que deianri de sua mullel y unha filla pequena.Nun vali que se abra unha porta y se les de unha oportuniai, os perrus (con perdon pa elis) se portarían millol, nun se merecin na mais que a estricta aplicación rigurosa de a Ley, que pa isu somus demócratas. Condenandu una ve mais !hojala sea a ultima¡ estis críminis cobardis por lo menus, trataremus de fel unha piña humanitaria contra esa lacra social que a tos, absolutamente a tos,nos salpica. Descansi en pa, esi homi, que o unicu delitu que cometei, ( o digu en sintiu figurau, ya sabeis), foi sel un homi libri pa expresal suas ideas y defendelas democráticamenti. Piu sosiegu pa sua familia y deseu se recuperin de tan tremendu sucesu, aunque me temu, que se levaran a tumba o que oixi han vistu.Sin coñocelos de na, les mandu un abrazo y a miña solidariai. Soidi a Fala u un saluu pa tos.Chitu.

Estoy totalmenti de acordu cuntigu Chitu, hay que poñelsi en a piel da familia pa entendel o que están fendu esta panda de malnacius que desde fai cuarenta anus han derramau muta sangri, deixandu caixi mil mortus, destrozandu familias, y riindusi entre elis en os juicius, sabendu que logu van a dil a carcil y nun van a cumplir enteira a condena que en tiuria dibirian de cumplir, porque de sobra sabin que a democracia da que gozan así se o va a garantizar.

Descansi en paz.

Digu o mismu que voxotrus. M’agradaría, poel alental a essa mulhel i a essa filha da tragedia hoixi vivía. Comu didi Chitu: jamais ulviarán essi momentu qu’as ha traumatizau po restu da vía.

Certamenti: é un seriu problema qu’a tos nos incumbi.Naidi estamus libris de sufril un atentau terrorista alí dondi menus sospechas. Ei,reconhozu que soi bastanti ignoranti en cuantu as leyis se refieri, i a sua aplicación . Peru hai un-ha coixa mui clara, i nun fai falta sel un intindíu pa vel qu'algu falha . Qu’estis indesseablis temin mui poicu a justicia?. Solu,hai que vel o comportamentu i o dessafíu prepotenti ,qu’ento momentu fain gala deyantri dun jué.-Enun-ha palabra!. "Se passan a justicia poro Arcu do Triunfu".

Tal ve,si a cárcil que les esperara fora comu a da "CIUDADELA" (ver película Ben-Hur). So pensarían mui mutu antis de matal.

FONTI NOVA

(".......) Si yo supiese algo útil para Europa y perjudicial
para el género humano, lo consideraría como un crimen, porque
soy necesariamente hombre mientras que soy francés por causalidad"
Montesquieu"

Isaias Carrasco, persoa sincilla y traballaora: D.E.P.
Sintiu pésami pa sua muller, fillus y familia.

Estimau Chenchu:
Esta cita de Montesquieu ven que ni pintá pa esta ocasión. Muy ben por ser tan exactu.
Un das ideas en que se basa esta xenti é que pareci que se han queau con un modelo de Nación algu trasnochau.
Según o modelu francés: a nación está determiná por a decisión do individuu que decidi librimente asocialsi a otrus individuus pa creal a Nación. A Nación é o resultau d´e o acordu de as voluntais de os cuidadanus y nun de que existan unas etnias, una cultura y una raza diferenti
Según o modelu alemán: a humaniai está dividia en razas o pueblus (ca un ten sua raza , historia, lengua ) que os fai diferentis a os demais,
formandu una Nación. O individuu está determinau a sel parti de esa Nación, queira o nun queira, le gusti o non. Porque a raza, a cultura, a lengua, a religión... son antis y están por encima do individuu.

Ya me direis con esti panorama y habendusi queau con esti modelu alemán que se poi esperal de esta xenti que poi ubligal a os individuus y repatil bulas de nacionaliai a xenti según haya o nun naciu en un sitiu determinau.

Soidi a Fala

Boas noitis a tôs,ei o domingu proximu pensaba abstenermi peru dispois de istu nun debu felo.
Soidi a Fala

Mutas vedis he pensau ,que 'os criminais de eta ,os dibirian de poñel a traballal duranti o resto de a sua via,pa esas familias que destrozan ...isu siria justicia

Estimaus furistas:
Vaya na mais que por chalrreal un poicu sin niñua otra pretensión. M´acordu que seya de traballal pa dilmi a San Sebastián y m´acompañaba un d´os directois que vivi en otro lugal. Acabal de montal en o cochi y me compañeiru recibi una chamá por o móvil. É una dás fillas. " Aita "taita", hacaban de matal a un socilista en Arrasate (Mondragón), ¿tú estás bien?, ¿Dónde estás?¿Ya vienes? Ten cuidado.
Me dixu, ya o sabia ei , que estaba en as listas de o sei lugal. Viñu jurandu en arameu to o camiñu, que si estis fillus de p.... que si tal que si cual. Que o sábau diba a tel que dil a Mondragón... en fin.
Oixi, lunis por a mañán, e diu a buscal o cochi par achegal a o traballu , (folgadán que é un porque o teñu a 5 minutus andandu...), total que mo veo que ven andandu y le he ditu, claro, que subimus en cochi. Na mais idili isu, me solta: "ya sabes que me han dicho que tome precuciones ¿no? que tengo que variar horarios y trayectos... en fin ....Si no fuera por mi mujer e hijas.... pero que le vamos a hacer..."
Que nun digu que en Mairil , Sevilla, Barcelona , y dondi se queira nun hayan tiu o seis mortus. ¿Pero tenin istu entre mutus ciudadanus dá pé?. Nun se trata ya de dóndi mais y dondi menus. Se trata de que son muta xenti con a que te cruzas, con a que falas, a que te salua por a mañan, a que se toma o café xuntu a ti sentau en a barra do bar...

Elis o tenin claru: Van a seguil. Si agora, "os gañaoris" y os "Perdeoris", nun se levan ven y nun movin ficha cuantu antis,.....mau pa us que nos sentamus en a barra do bar, mau pa o que salua a xenti a o pasal, mau ma xenti con a que te cruzas por a calli...
A vel "gañaoris", a vel "perdeoris" poñelvus d´acordu cuantu antes y nun tendreis que estal vindu a tantus enterrus de otra xenti.Deivus conta que con o que se ha feitu hasta agora nun debi habel sirviu de mutu porque istu sigui, entoncis, agora que habeis gañau, "ni filiciais ni leches", poñelvus a traballal y a pateal, nun os despachus, si non as callis para palpal a situación y queremus que TRABALLEIS para solucional istu que pa isu habeis siu elegius. A traballal, ¡ya!.
Estoy d´acordu con os furistas que han escritu entes que ei.
Soidi a fala

A realiai que tan ben nos narras ¿puias habelo feitu fai cincu anus, por ejemplu? Tempus atras aqui en o foru nos idias mais o menus "que con teis amigus nun puias falar, segun qué temas, librimenti" ¿Qué amistai é esa sin nun tes o minimu dereitu ciudadanu cumu é a libertai de expresión? ¿Cúmu é posibli convivir con amigus de esa naturaleda?
E unha esquizofrenía que a ezquerda abertzalehaya piu a abstencion a os traballoiris en estas eleccios y a o mismu tempu os asesinin. Carrasco (q.e.d.) si que nun foi a votar. Han deixau a unha familia desfeita. Nun entendu isu de "gañaoris" "perdeoris", con o fácil que resulta idil que con os terroristas solamente se poi falar cuandu digan
o día y a hora que deixan as armas y sempris consultandu a víctimas.

O P.P dibiría agora disculparsi: Os socilistas eran encubrioris do 11-M,aliaus de ETA, traidoris a victimas do terrorismu y rumpian España...Aplicorin os principius propagandisticus de Josef Goebells:
excitar pasios primitivas, achacar a os enemigus os propiius defectus, repetir mil vedis unha mintira pa que parezca verdais, provocar odiu y fomentar a abstención electoral.
Pos Cataluña, Pais Vascu y Andalucia roja seran sendu decisivas
en o futuru.

(En o mei CD, soa a INTERNACIONAL)

boas tardis.

Estimau Chenchu:

O mal nun recordu o creo habel ditu que en miña cuadrilla unos (15 persoas) hay de toas as ideologias y que aunque pensamus totalmenti diferenti y nun tratamus de convencel a naidi, si que poemus falal de to y que siu nun nos repercuti en o tratu que temus entre nosotrus. Agora ben otra coixa é que o mismu o falemus fora da cuadrilla.

Nun se que qués ideil con que si puia habelo feitu fai 5 anus. Sin querel baixal a o terrenu persoal, (nun é mei estilu) te diré que ei fayu agora o que é vindu fendu sempris.Con istu quea zanjau o tema a nivel personal.

Estimau Chenchu y demais furistas, solu digu o que digu. Si con toas as mias que se han tomau pa acabal con o terrurismu nun se ha consiguiu habrá que ideli a os que renovau o sei postu de traballu en as urnas que tenin otros 4 anus pa fel isu (traballal). Itali imaginación pa buscal a maneira de que istu pari. ¿Comu? ¿Nun les pagan un seldu pa que pensin ? Pues isu mismu. ¿Han sirviu as formas que han utilizau? Non. Pues que pensein en otras y nun vayan de fracasu en fracasu, que hay que evitan que sigan as mortis.

Os da abstención sabin que nun han puiu fel otra coixa. Y tos sabemus que a abstención se debe a mutus mutivus, tos sabemus que nun se poin apropial de toa a abstención que ha seidu en Euskadi. O sabemus tos y elis os primeirus.
¿O un partiu pia diculpas? ¿y con isu le devolvemus a via a esta y a otras persoas? Que sepoñan a traballal y que nun andin a gresca tos os dias isu é o que tiñan que fel. Tantu unos comu os otrus. Me da igal os partiu que sea.
Estimau Chenchu ha siu un placer. ya se que hay mutus matidis que tel en conta pero por oixi , creu que vali.
Soidi a Fala

Nun teñu o placer de coñocerti, creu que a teis pairis si os cuñucia por os datus que has dau.
Ei voy a ser mais concisa que Chenchu.
Unha lacra de mais de 40 anus, tu cres que he tan facil a solución?
He tan facil......... dar un tiru por as espalda o de frenti, me da o mismu. Esti tema ya he tamen comu o de a violencia de géneru muy dificil acabal con os cobardis.
E unha pena que nun haya gañau Rajoy, por lo vistu el tiña a solución.
Esperemus que en ve de siguil insultandu se poña a fel algu seriu y a ver si tos iuntus poin fel que istu acabi de unha vez pa sempris.

SOIDI PA TOS Y PA NOSA FALA