San Martín de Trevejo - Caceres

Con o sinceru deseu de que tos os que tuveran que viaxal haya voltu a suas casas sin noveai y satisfeitus por os momentus vivius en o lugal, volvu otra ve a esti balcon, que se está fendu tan quiriu pa tos, pa feli sabel a os foristas que tuveran a desgracia - por que así ha de entendelsi a ausencia dibiu a como sucedei o contecimentu - que pasamus unhos momentus, que se fideran curtus, cheus de satisfacción dandu conta de o bo viñu, os variaus aperitivus, o exquisitu asau de corderu lechal y, como non, dos suculentus postris nacionais e internacionais. Nunca se poi idel que a perfección existi por que e impusibli chegal a ela, pero en esti casu se rozó y le faltó muy poicu, faltó que os que nun estuveran huberan estau y poicu mais. Que os Reyis sean generosus pa tos y que nun tardemus en revivil momentus como os vivius. Soidi a fala y un saluu pa tos Chitu.