San Martín de Trevejo - Caceres

Amigu Ángil:

Te has díu sin idil nâ. En silenciu, cumu sin querel molestal, cumu era o tei caráctir.

Hoixi, cuandu Román (nosu amigu cura), en o tei funeral (¡qué duru é idel istu!),recitaba o salmu 22, supi que esi Pastor dô Salmu, que sempris te levó a boas fontis, te estará acompañandu agora. Cúmu didi esi Salmu: ¡Nun agarris meu Jerri! (aunque sé, porque m´o dixiestis fai poicu, que nun te gustaba esi nomi), nâ de meu porque morarás en a casa de nô Señol, por anus eternus.

Pasamus bôs anus en a calli os Canus. Pasamus seis anus en o Seminariu de Coria, en o mismu cursu, as mismas clasis, os mismus profesoris. Certas coisas te quean marcáu pâ toa vía.

Seguru que estarás en esi cachu Céu que temus os mañegus. Alí O Bô Pastor, a nosa crú Bindita, te tendrá cerca.

Porque mutus coñocin –coñocemus – o Salmu d´o Pastor, pero tú eris un dos poicus que coñocin a o Pastor d´o Salmu.

Forti abrazu primu, forti abrazu amigu.

Fernandu