San Martín de Trevejo - Caceres

Bois dias y chovendu en Mairil:
Aquí en o "foru" ya se ha falau de os famosus calus que preparaba a muller de tiu Gil (q.e.d). Peru había otru Bar que feya un "Bacalau a Romana", os dumingus por a tardi, que se chupaba un os deus.
Esti era o Bar de "Ángil o Torta", que sua Mairi (q.e.d), os feya muy ricus.(Cerca de o Bar de Gil y de a Igleisia)
Ei tiña custumbri de ser de o Casino de Tia Alberta o Marcilinu o León (q.e.d. os dois)y a isu de as seis de a tardi, merendaba un par de trozus de bacalau que era unha riqueda.
¿Num bos acordeis dagais de os refrescus que víñan de Valverdi, que a botella era comu unha bumbilla?; tamen eran muy ricus, pues tiña dois saboris: de limón y naranya, que logu foran reemplazaus, por otrus que treyan de as Ellas, que se chamaban "Picolus", tamen muy sabrosus; pues ya a botella era parecía a de agora (botella-normal) de "Fanta" . Istu foi posterior a os refrescus que feyan en o Baili de o Gatu.
Soidi a "Fala", a os furistas, mañegus y mañegas.

Oixi que he puiu leel to atrasau me encontru en o Foru con esi recordu que fais de os anus 60, y tamen me acordu, aunque me pareci que tes mais edai que ei, de aquelis cachus de pescau, que idiamus, tan ricamente frixiu en ca de o “ O Torta “, como se le chamaba, sin ofendelo creu. Recordu o casinu de tia Alberta aunque ei foi mais a o de tiu Marcilinu ( q.e.d) en aquela epoca en que se turnaba con o Cini. Bueno, pues Maruja feya unhos riñós os dumingus por a mañan que te chupabas os deus, sin desmilloral os calus famosus de Tiu Gil, claro. Me acordu de esis refrescus y, como non, de os helaus de cucuruchu ¡ ah! Y, en os domingus y festas, de a escopeta de airi de tia Emilia a mullel de tiu Jose o Canu, debaisu dos portais, dondi se colocaba tamen tia Tina vendendu “ Chochus”. De o baili de o Gatu ya ni te contu. Recurdos agradablis de aquel lugal nosu, tan cambiau ago, que se acababa en la Cochera do Ranas y en o Fornu de Julian o de tiu Roman, por un lau, en o ponti de San Peiru por otru y en o Chafail por otru. Ei era pequenu pa xugal as Chapas detrás de a Ermita de San Peiru, pero teñu recordu de aquilu, si xugui a os cartós, as cazuelas, o chitu, o güa, a fincacha, a tirabli, a tiral carburu ( ¡que peligru!) y a otras coisas mais que ya nun me acordu. Logu ya me foi a estudial fora y solu diva a o lugal en o verán y vacacios y tiña otras aficiós. Con estis recordus, un saluu pa tos. Chitu

Chitu:
Hay otru yugu que num o mencionas, ei si me acordu porque o yuguí mutu. Se trata de a piona. Esti yugu había duas fórmulas; una, era tirar una piona contra otra "a picañadus" y a otra forma de yugar era: fendu un círculu en o solu y poñendu as perras gordas en o centru y agarrandu a piona, cuando estaba bailandu, con a palma de a mal, y a tirabas a perra gorda paa sacala de o círculu; ei yugaba mutu con un tal Casianu que vivía por San Peiru.
Otru yugu que ei ví yugar era a da Ran, consistía en tirar unas pezas reondas de metal, y a metelas por os buracus; caa buracu tiña un valor en puntus y si a mitias en a boca da ran, ya gañabas mais puntus.
I o yugu de o Pim Pom en a OJE, yugábamus mutus y ben; estaba Manin o de tia Candela; Vicente Gordo, Javier y otrus que ya num me acordu.
Soidi a "Fala", Mañegas y Mañegus.
Chalrrieira.

Chalrieira: Aunque nun se quin eris, dibias vivil por o Forti ¿non?.Tamén me acordu de os xugus de " o Falangi", inclusu de cuandu o local estaba en o Bar de "Nista", y de aquelas competiciós que feyamus en Cáciris, que divamus mais que pa competil pa pasal o dia en a Capital.¡Eran tempus felidis aquelis! Otrus tempus, en os que a nosa imaginación inventaba xugus y o mais que feyamus era uivil os contus de a Radiu, por o demais, inventabamus batallas de "manos en alto" o de espás, según a pelicula que huberan eituau en o Cini de Tiu Marcilinu o Dumingu anterior. Ouxi os dagalitus, tenin menus imaginación pa xugal, aunque sean mais expertus en o cibernética y en programas de tv., personalmenti prefieru o usu de a imaginación de aquelis tempus, y dalsi a panzá de lel a Capitan Truenu,Cachorro, Jabato, Roberto Alcazar,Hazañas belicas, Pulgarcitu.Superman, o un montón de contus mais, que feyan de magnificu preludiu pa logu aficionalsi a lectura en seriu. Por recordal, recordaría mais, pero acabu de chegal de traballal y me apremian pa ceal. Un saluu pa tos y soidi a Fala. Chitu.

Estimau amigu Chitu:Recordus de aquelis contus que tu didis, pues ei intercambiaba contus con Ceciliu (Silo),que eran tres hermanus, Juanitu, Ceciliu y otru mais pequenu; o pairi era Carpinteiru y eran netus de tiu Ceciliu o que vivia en San Peiru.Os contus de a Radiu tamen, de Superman y os cromus de Diego Valor o de o chocolati.
Ei tamen foi a Cáciris a participar enamas y quií una vez subcampeón; otra vez fomus a pim pom y queamus muy ben; otra ve fomus a Plasencia a yugar a Balon Tiru (balom bolea) y levávamus a Román o Calamari (Perdón) que era muy altu y un tal Pacu o fillu de un Guardia Civil que con a izquerda tiraba muy ben; ei foi de Porteiru; queamus muy ben.
Amigu Chitu; Teis paires foran Mayordomus un anu de a Cru Bindita y Meis Pairis foran o anu siguiente (num recordu o anu)
Amigu Chitu me voy a identificar contigu: Somus tius os dois de os mismus sobriñus. Eh?
Un anu en Cáciris nos encontramus con tei cuñau Gonzalu:
Soidi a Fala, Mañegus y Mañegas.

Ya he queidu, amigu Chalrieira, pero nun me o puia imaginal, por que apesal de que nun vas mutu por o lugal siguis dominandu o mañegu, pa que veas otru aspectu bo de o Foru, reencontralsi con genti amiga de fai anus, por que ei nun te veu, me pareci, desde que tuvemus un asuntu luctuosu familiar. En fin, a vel si te prodigas mais por o lugal, que nun hay que ulvialo y está ca vé millol. Te mandu un forti abrazu y un saluu pa to o Foru con un "soidia fala", Chitu.

Vamus a vel... e que levu mitiu dentru a TRI, que se meti en toas as investigaciós anque nun le paguin.
Si Chitu e fillu únicu os subriñus que poi tel son por parti de sua mullel y si Clalrieira e tamen tiu dos mismus subriñus ,ummm aqui ya me perdu. Por otru lau cantaba aquilu de " Somus os Mañeguitus" y fai tempu que nun se ven y vivi en Mairil...!"te teñu acorralau"!.
Por certu a Tribuleti le estaban mandandu tos os dias unhos sms de un tal Blinko y él creendu que era un colaboraol que tiña que era muy pesau nun le feya cassu. Cuandu le mandan a factura do telefunu ve horrorizau que o tal Blinko le estaba cobrando aquelis mensaxis por unha empresa que se chama MYALERT a 1.5 eurus y otrus a o.30. Pií explicaciós y Movistar, BLiNKO, y MYALRT se fain os "Suecus".
Ha tiu que vendel ya o únicu que le queaba. A LUPA. Tendi cua con esis estafaoris, que hay mais de un.
!Sigui sin remeyu!.
Bueno, o foru pareci floxu y que temus que estal impactaus por a desgracia de Fonti Nova a o que le mando un gran abrazu y forza pa superalo.

Forti abrazu.

Mira primu (to digu familiarmenti non por que te han feitu en Internet) si le doy unha sola pista a Tribu, seguru que sabi quin e o amigu Chalrieira. Como tu tamen te fostis do lugal prontu, nun sabis que él se foi tamén a temprana edai por terra y mar, pa volvel de tardi en tardi. Tiu de meis subriñus, por parti da mullel, claro, anduvu cerca da fariña y cerca do forti. Un abrazu Cerrumiquili. Un saluu pa tos de Chitu.

Estimau amigu Cerrumiquili:
Aproveitu paa darti o pésami, un poicu tardi, por a morti de tei hermano Pacu (Cancheira)y de un subriñu tei, Comandanti de a Guardia Civil, fillu de tei hermano Toñi, en o tristi viasi de o Yakolé en Turquia.
Creu que sabis agora quin cantaba: "Somos los mañeguitos ay, ay, ay, ja,ja,ja, etc.
Ei tuvi un cerrumíquili de pequenu y o tiña mitiu en una jaula y diva a que me deran bochis os carniceirus, que entoncis vindian a carni en os soportais debasiu de as escuelas de os dagais, en a Plaza, cerca de dondi tu vivias.
Ei estuvi por o anu 1968 en Palma de Mallorca y o que mais me gustó foi o Paseu Marítimu y anduvi, desde a Catedral a Porto Pi, por a noiti, un recordu imborrabli.
Soidi a Fala, as Mañegas y Mañegus.
Chalrrieira.

Tri, to han postu brancu i en botelha.
Tan brancu cumu a farinha de trigu.
Tantu asi que sei pairi era paneiru.
El uso traji brancu en sua profesion.
Ia o tes, seguru.
Forti abrazu.

¿Has vistu Nachitu? As tecnicas de TRI nun fallan, le vas tirandu da lengua por un lau y por otru y a o final caixi te mandan un retratu.
Chalrieira, ya fai mutu tempu que nun nos vemus, gracias por o de mei hermanu y sobriñu.Por desgracia tos hemus de lamental pérdidas unhas sin sitiu y otras por lógica da via.Chitu mo aclaró cuando dixu que vos encontrastis a última ve en un feitu luctuosu.
Agó o que temus que fel e dil tirandu, mirando patrás solu pa recordal
os bos momentus que pasamus comu aquelis dos "Mañeguitus". Vivil o presenti porque, comu idia Antoniu Molina, "O futuru e muy oscuru"....
Na, que me estoi poñendu sentimental.
Un forti abrazu pa ti y os teis y por supostu pa to o foru que queiras o non me ten conectau a esi lugal, que por muy lonxi que estés, sempris o levas en o corazón. Y si volvis a Palma nun dudis que aquí tes unha casa.O Paseu Maritimu sigui en o mismu sitiu.
Forti abrazu.

Boos dias nos de Dios y chovendu en Mairil; vaticón non.
Estimau amigu Nachitu:Cumu ya sabis quin soi, te diré que mei Pairi (q.e.d), formaba parti tamen de a Banda de Música de o anu 1900 y picu (y está en o retratu) y efectivamenti, cuandu foran a tocar a "Cileirus" algunos cilleranus cantaban: "Si nuestro patrón San Blas pudiera subir la cuesta a San Pedro Celestino le cortarian la cabeza". Istu o cantaba mei Pairi a igual que tei Agüelu (q.e.d). Tamen se dedicó, aparti de a profesión que indicas, con tiu Sindu o Carpinteiru (q.e.d) a cambiar pezas musicais de os "Manubrius".
Tei Pairi andava con os camios en o forti eh? ¿Y cuandu tiñan que hinchar a roa de os camiós a "brazus", que me didis de istu?.
Nachitu, que te vaya ven por o Norti. Salús.
Soidi a Fala, Mañegas y Mañegus.