San Martín de Trevejo - Caceres

aproveiteivus de idel o que penseis, a partir do 2006 se aproba a censura y se acaba a libertai de expresion.

un salu pa tos-oas.

A censura nun s´aproba, se impón.
Oitra coissa e a autocensura.

¿Libertai de expresió?, palabra sagrá, pereci sel, en democracia.¿seguru que temus democracia, nun será unha dictadura encuberta dos partius en o poel? Nos temus que tragal to o que aproban unhos y otrus en os pasillus do congresu, en ayuntamentus....
pa que me sirvi a mi poel idil istu i ó otro...
Pensei,pensei, que en realia nun somus libris y nunca o seremus, sempris dependeremus do poel constituiu. De otra forma siría unha anarquia.! mira, ya me sintu millol!
Me voy a tomal un viñu y fumalmi un cigarru, que mañan ya nun poeré felu cuandu me gusti.

Sel libri nun e fel o que tu queiras,e fel o que tu queiras sin detrimentu dos demais.Si fumal molesta... a otrus hay que evitalo.Isu e a democracia,pero !!qué dificil de leval a cabu!!.Temus que sel comprensivus y respetalnus aún a riesgu de perdel algunhos dereitus.
HA FALAU TORROTRÓ!!.

Si ó a ditu Torrotró, ben ditu está tó. Así se fala, con ó poel das palabras, otra dictadura pa enganalnus con a dialéctica.
¿porqué nun prohibin a venta do tabacu?.¿nun contamina mais un cochi?
¿comu se entendi que se poa consumil estupefacientis estandu penalizá sua venta?. To e un contrasentiu. Que fali Torrotró.

Amigu Sacamantecas:Se desprendin d´os teis escritus sentimentus en desacordu con os tempus democráticus que vivimus.Nun e ésti, nosu mundu,perfectu,ni siquera aproximau a perfección,pero ven e certu que os homis tenin que vivil d´acordu con unhas normas,unhos límitis a suas acciós individuais,a suas libertais que a vedis,de forma racional o irracional poeran desembocal en actus de libertinaji.Estas normas satisfacin a unhos a irritan a otrus.
O tabacu nun se pruhibi,se pruhibi seis consumu en sitius de utilización común.Se poi fumal(ésti dereitu está limitau por radós de convivencia),en a calli y en sitius privaus que reunan certas condiciós sanitarias.
Os cochis, (e verdais que contaminan),pero en radón a beneficius mayoris pa a humaniai nun hay mais remeyu que permitilos.Certu e que en o Estau hay un interés recaudatoriu y en consecuencia se toleran coixas que sin nun redundaran en beneficius fiscais,nun se pirmitirían.
Toas as cuestiós son relativas,toas as coixas tenin un si...pero...
teñamus nossotrus tamén comorensión pa to o que se fai en interés d´o generu humanu.Que nun sea to critical sin dal soluciós.
A FALAU TORROTRÓ.

Asi sea Torrotró. Nun temus que miral ó que poi fel España por nossotrus, sinón o que nossotrus poemus fel por España. Ya nun fumu mais.

Asi se debati y asi se radona y asi se escribi en o foru. ¡ vos flicitu a tos, en esti debati hay cordura, comu debi sel, o que nun hay e fumu, como debi sel tamén. Suscribu o radonamentu de TORROTRO, por acertau y coherenti. Naidi manda en os actus propius, savau o ben común, un poi suicidarsi si quel, pero ¡ojo! que nun se tiri por a ventán cuando pasa alguín. Na mais FELIZ ANI NOVO .CHITU.