San Martín de Trevejo - Caceres

Se escribi esti estramboti, que, por otra parti, ha siedu algu largu, pâ animar a mullel de Fontinova a que veña o día tres de Eneru, a esa pequena convivencia que tendremus (D.m.) en a pichorra de Chitu.

ESTRAMBOTE.

Ei nun sé cumu empezar
a escribil esti estramboti,
porque queru que se noti
que se trata de animar.

A vel: nora de Xiabel,
(nun recordu agô tei nomi):
sempris detrás d´un gran homi
s´encontra un-ha gran mullel.

Por isu debis estal
con nosotrus esi día,
porque é un-ha gran aligría
que nos poamus salual.

Tamén a Virgin María
s´encontraba alí reunía
o día de Pentecostés.
Nos nun pretendemus tantu:
que veña o Espiritu Santu,
¡ni mutu menus, ya ves!

A aflicción que a mairi ten
nun se poi cuantifical.
Dispois de mutu pensal:
sólu poiu idelti: ven

Cumu nun vamus de farra,
que vamus de convivencia,
nos é grata tua presencia
¡nora de Xabel a Ch……!

Forti abrazu a dambus y dois

B_RODAS

Boas tardis Foristas, Mañegas y Mañegus:
Estimau amigu B-Rodas: Hay que calificarti con un "Caum Laude" o "Matrícula de Honor", pol o ben escrita que está esa Poesia dedicá a Mullel de nosu amigu Fontinova.
En un Mensaji que he postu ei antis de o Dia de San Martiñu, pia ei un "Retratu" de o nosu Patrón San Martín y me han complaciu con varius de elis y que están muy ben feitus. Gracias Autor.
Ya nos conta Fontinova de a festa de o Lugal. Isu mismu me han ditu a mi, que han abertu as "Pichorras" y que había abundancia de comel y bebel. Esperemus que o nosu Patrón San Martín nos siga trendu abundancia paa toos os Mañegus esparcius por esti Mundu de Dios.
Soidi a Fala, Mañegus y Mañegas.
Chalrrieira.