San Martín de Trevejo - Caceres

Tras esta pandemia sanitaria nun veremus a niñun politicu asumir responsabiliais politicas. Porque elis nun entendin de eisu. Con lo que le ha custau llegar a primera linea depois de tantu esforzu, nun asumirán largarse as primeras de cambio. O que demostra por quinis estamus gobernaus: personas con ansia i tremenda ambición.

Agora debemus enfretarnus a una nova idiotez idiologica, a idiotez idiologica de os filosofus que explican a pandemia mediante a Globalización: o capitalismu, que falta de respestu a la Naturaleza, pero nun hai mas natural que un virus i a os virus sempri les ha gustau viaxar sin esperar a globalización contempuraneo. A historia de a humaniai está salpicada de pandemias. A noveai de a pandemia actual é que gracias a o progresu científicu i a o intercambio de información sabemus millor como limitar os danus. Mas nos hubiera valido desconfiar de China i de nosus propius dirigentis. Sea millor i sea necesario prepararsi asi para a proxima pandemia pero volver a Edai Meija de os comunistas i os ecologistas i siria ademais de una estupidez un autentico suicidio colectivo.