San Martín de Trevejo - Caceres

O pasau dia 12 celebramus un pequenu grupu de dagais y dagalas o dia dos quintus,(nun éramus tos os que, poendu, nun asistiran, respetamus a decisión de caún de elis, otrus nun poeran chegar a tempu, y otrus por motivus personáis o familiaris nun poeran.
Quixemus fel unha misa, pa os que creemus e unha maneira de dar gracias por os 50 anus de vía y haber chegau hasta aquí, otrus nun o han lograu y de elis nos acordamus tamen, de Alvinu y de Miguel Angel que eran quintus nosus, tamen brindamus por elis.
Os que o celebramus eramus:
Avelina, Filisa, Loli, Isabel, Merilena, Chelo (miña hermana), Alberto, Josemari, Chuchi, Fori, José Vieira, Luis, Ramiru y ei.
Acontinuación fomus por o lugal con dois acordeonistas que truxemus de Purtugal y tocorin fenomeanl, fidemus o recurriu por po baris do lugal, bailamus y sobretó o máis bonito e que fidemus un día de convivencia estupendu, recordandu mutas anecdotas de cuandu díbamus a escuela, as pillerías que feiamus caún, y a verdáis con algunhos/as entre os que estábamus feia tempu que nun se vían y por supostu nun falaban y a siu un gratu dia dondi volvemus a felo con mutu agradu.
A verdais que e unha festa ben bonita que se leva fendu ya fai unhos anus y esperemus que nun decaya, animu a os quintus do 61 que mereci a pena y que empecin cuandu poyan a dil hilvanandu esi dia, aunque les quea to anu por deiyantri, ya se disfruta solu en pensalo.
Mandaré algunha fotu.
Ya pasorin as festas pero inda quea verán, prontu tos estáremus en o nosu lugar habitual dondi vivimus caún y con a chegá de otoñu-invernu poiremus siguil en contactu através do Foru, entre otrus, pa sabel as nuticias do lugal, cúmu vay cambiandu o paisaji y haber si esti anu nos neva pa siguil tendu boa agua, esperemus que o cursu que prontu comenzará sea bo pa tos y veña cargau de boas nuticias.
Esperu que tos os que leéis o foru hayáis descansau un poicu estis dias do veran, estéis dondi estéis, y hayáis pasau unhas boas vacaciós, pero os que veñan agora tamen disfrutarán do lugal, isu sí, mais tranquilitus, cumu a miña amiga a figueira que cualquel dia de estis chegará pacá.
Muta soidi pa tos y pa Fala

mye

mye me alegru de que o pasarais ben.os vi en un par de ocasios pasar con os acordeonistas y se via que o pasabais ben.ei nun pui estar o anu pasau en a miña porque chigui tardi y me hubera gustau porque sempris e bo yuntarsi y recordar tempus pasaus.y respectu a miña quinta figueira que o pasi ben en o lugar y que disfruti peru que haber si me manda algun platu de esis bos que ela fai.
un salu y soidi a fala.

Ja,ja,ja,ja,si me riu por que estoy contenta por que vos acordeis de mi,y por que se poi lel algu agradabli en o foru que ultima menti esta friu y agresivu ,muy bo o comentariu de Nachitu que fay tempu que nun entraba y ya o eitaba en falta.
Si,prontu aparecu por o lugal comu didi a miña amiga mye y po mey quintu lauryan por que nun te unistis os quintus de esti anu ya que nun estuvestis o anu pasau ? ey por desgracia tampocu estubi pero si chegu a estar esti anu si que me agarru do frazu de mey hermanu y de miña amiga mye y veña vamus y estoy segura coñocendu os quintus de esti anu que son amigus meis tos nun me habian ditu de no, aque si?
Bueno mañegus deisey de dali tantas voltas a turtilla que se queima y lel duas vedis o mensaji de Nachitu,a fin y acabu dispois cuandu nos vemus en o lugal tos nos saluamus y acabamus tos tardi o tempranu tomandunus algu xuntus.
Hasta prontu pos que esteis en o lugal y mandu recordus pos que nun vere en estas esperas vacacios,otra ve sera.
Soidi pa tos y a fala.
A figueira.