San Martín de Trevejo - Caceres

Esti foru me pega unhos cambius bruscus comu o tempu, da calma a tormenta (polémicas-guerras, comu didi Chenchu). Comu ya caissi está to ditu sobri os dois temas, nun me quea mais remeiu que agualtalmi, peru a mi me gusta metel sempri un poicu de leña y cizaña y voy dal unha pincelá.
O de que a Justicia sea boa o má y lenta, nun dependi ni dos juecis ni dos abogaus. Son os legislativus (puliticus)os que tenin o poel de fela millol. Os juecis se limitan a aplical a leyis........ Aunque, a vedis,
si un de éstis se levanta de mal humol o ha discutiu con a sua "parenta"
comu te o poel poñel a pena con un magim muy grandi, en ve de poñelti seis anus y dia (o dia e pa fel as maletas), te pon dodi. Agó me dirá Chitu que isu dependi das circustancias agravantis o atenuantis y das probas Etc. Si, si, peru peru vosotrus ben que vos alegrais cuandu vos toca un Juez u otru.
A justicia nun e o que pareci....,e piol.
Ejemplu: Alcaldi de Andraxt (ha seidu en to a Prensa y Teli) O metin en chirona sin fianza, o millol abogau de aquí le pií a Juez que poña unha fianza, que he denegá. O Señor Matas fala con o Fiscal General..
se volvi a pil libertai con fianza. Se le calcula que ha prevaricau por valor de vinti millós (dos novus). Ben, pos ya está en a calli por cen mil eurus. y sei amigu implicau, por sesenta mil. Hay mutus mais ejemplus de otrus coloris.
Do "Homi de Valverdi, comu nun e vistu na, nun opinu, peru por o que sé pon en o foru, ten que vivil ben desprocupau (comu ben didi Cepa) te tos os problemas que nos poamus tel.
O tempu comu o foru... Cambiu bruscu pa friu, nublau con cuatru gotas de ná. 21ºC. Esti aparatu sempri me marca o mismu. ¿será que ten un climatizaol incorporau?.
Forti abrazu.

En mei escritu anteriol, hay varias faltas de ortografía y me cumiu algunha palabra.As pressas nun son boas y era hora de comel.Comu ya idia, gazapus se metin en castellanu, asina que en mañegu mais. Le piu disculpas os que se hayan dau conta, a os que nun, asi está ben. Tos meis escritus van ánimu de dal unha simpli opinión y que se entendan ó millol posibli.
Na mais. Forti abrazu.