San Martín de Trevejo - Caceres

O primeiru que fain a tos que os contradidi é chamalis: fascistas o nazis. Eitemus unha mirá restrocpestiva a historia. Mussulini fundó o fascismu en 1919. Un de seis rasgus era a acción directa. Seis miembrus pirtinician a clasi meya. Fervoroxamenti nacionalista, tuvu "voluntai de Imperiu", o que impulsó a invasión de Etipoia, foi un "movimentu populista", e idil aspiraba a dil mais alá de os partios. El Duce tiña sempri radón porque era a encarnación de o pueblu.

Sei nacionalismu culminaba en ho Estau totalitariu. "Tó enho Estau, na contra o Estau, na fora de o Estau". Influi en Hitler, aunque dispois se plegó a sei poel. Puiria idilsi que o nazismu foi un fascismu alemán exasperau, muviu por a obsesión antixubia i un darwinismu social cruel e impacabli.

A Historia ensina que ambas ideologias surgiran en paixis europeos cultus i avanzaus i se extenderan con muta rapidé. Aparecerean en nacios democráticas, pero anulorin a democracia. Godorin de o apoyu populal. nun de locus i asesinus, sinon de persoas normais, que forun arrebatas por o que o ilustrau pairi Feijoo chamaba enho siglu XVII un "afectu delincunti", a "pasión patriótica". Tos puemus quel en ilu. De boas intencios está empeirau o camiñu de o enfermu-Idia Don Eduardu-¡Ollu! ¡Que sea dictablanda!