Titanic Le chamaban: "o barcu dos sonhus" -O criían insumirgibli. Sobri as frias aguas do Atlánticu norti; ena noiti do catordi a o quindi d’abril de mil novedentus dodi. O Titanic,choca conún témpanu de hielu. Aproximamenti: duas horas máis tardi,o barcu se sumergi enas profundiais do oceanu con (mil quinientas vintiduas) persoas, pa durmil un sonhu qu’hoixi cumpli noventa i novi anus. Si, l’huberan ditu a Tiu Luis : que conún trozu de carámbanu do roiu puiría cortal un-ha chapa de ferru. Ésti, l’habría contestau: ¡sí!, -si o ferru fora comu o queixu.¡Nun toqueis os colhós! Sempris nos han feitu creel, qu’o iceberg acuchilhó o cascu do Titanic con un-ha raja que diba caixi de proa a popa (comu cuandu abríamus o cuchinu o día da mantanza). A mí, i dispois de vel a película, m’entrorin un montón de dudas. Estas dudas, se me despejorin cundu indaguí sobri un-has pruebas que fideran en laboratoriu dun cachu d’aceru empleau ena construcción do cascu do barcu. Os resultaus das pruebas: a estructura química do aceru, era mui ma i tan frágil, que s’agretó cono impactu comu a luna dun cochi enun montón de cachus; foi, por toas estas grietas por dondi entró a agua, i nun por un-ha raja acuchilhá. Bueno!! He pensau, qu’o milhol vos gustaría sabel algu máis sobri o Titanic. Soidi a tos |