San Martín de Trevejo - Caceres

mirei por mais quo intentu nun o veo normal .sempris e vistu que e un
omi y unha mullel os que se casan ,tenin fillus ,etc.
agora nos querin fer cumulgal con roas de muñus .y si indan se estan quitus bueno ,pero cuandu empezan a demostrar o sei orgullu me da asco.

quea abertu o debati

chenchu nun creu que esten en a serra porque os sogrus estaban collendu adeituna o dia D

un salu

O normal en esti mundu e que nun aya normas, hay de to... y sempris habra o es que nun femus parti de a naturaleza? Si to fora normal : vaya aburrimentu!

A

Esta ley nun e, nun e de obligadu cumplimentu.
Toa persoa ten obligaciós, pero tamen dereitus.
O ascu e libri, como o ventu.
A mí tamén mo da ,pero ....otras coisas.
Ei nun o chamaría matrimoniu,(nun se me ocurre otru)
Ei nun soy homosexual, ¿qué mais da?
Ei sólu quero que tenhan sorti toas persoas, se casin o non, homo y heteros.
SORTI!!!!!!!

Esti e un asuntu pa nun tomalo a canchondeu, como hemus feitu sempris, ditu vulgarmenti, maricos y turtilleiras han siu motivu y causa de chistis y guasa – inda o son a vedis- pero nun hay que faltali o respetu a naidi, sobre to cuando de sintimentus humanus se trata. Esti asuntu a estau, y está, en o debati políticu-idiológicu y nun dibiamus deisalnus arrastral por esi debati y tel opinón propia fora de a influencia das ideologías, inclusu da religión. Vivimus en unha ( escribu unha así siguindu a indanunse y me pareci ben a forma) democracia y somus libris de opinal, por isu, con a limitación -solu consitucional- que a libertai de expresión ten, hemus de recoñocel que a homosexualiai e una realiai que sempris ha estau y está entre nos, como tal realiai era necesariu, -pa isu están os legislaoris- dali una regulación legal. Por isu, o que dois homis que se querin, o duas mulleris, poyan manifestal o sei cariñu públicamenti , sin escandalalizar a nadi,nun e mau y por isu a socieai actual o consinti, por tantu nun nos debi extrañal si a esa manifestación, que antis era priva solu, se le da unha corbetura legal, mais que na por que isu e o que debi fel una socieai moderna y democrática comu a nosa, regular situacios de feitu pa que se poyan tel deberis legais y tamen dereitus.

Otra coisa e, cómo se debi chamal esa unión legalmenti recuñucia, Personalmenti creu que a la palabra matrimoniu un e a adecuá, ni a costumbri ni a ley agora, a nun sel que se cambin as definicios, permitin chamali así a una unión legal homosexual. Que se unan lelgalmenti y teñan os mismis dereitus que os conyugis, si, que se chami a esa unión legal, matrimoniu, non ¿Cómo se debiria chamal? .... a unha mairi nun se le poi cambial o nomi, aunque ejerza como tal unha mullel respectu de un fillu de otra y teña os misus dereitus hay que puñeli otru adjetivu “adoptiva” .......hay gustus pa to. ........Unión legal, parella legal, (antis era parella de feitu), ..pero o nomi de conyugi solu deberia telo un homi respectu de unha mullel y viceversa. Nun queru sel pesau, por que situ puia sel mas largu. Un saluu a tos. Chitu

!Ay Chitu,Chitu¡,eris perru vellu...ya o nomi me da pistas de quen pois sel...por mais voltas que le damus nun chegamus a conclusión.Ganas temus mutus de que chegui o gran día do encontru ena pichorra esa.Creu que eris do tempu de jl,o quizás inda máis vellu (queru idil,mais mayor).O otru día le dixi que era jubilau y caixi me puixa das orellas...bueno quin queira que seas,aplaudu esti incisu que fais sobre a homoxesualiai y o matrimoniu,y te digu que te has gañau o mei respetu y admiración,ya veu que recursus mentais nun te faltan...
Boas tardis(aquí muy frias)

A miña opinion sobri esti tema, e que tamen tenin dereitu a unirsi legalmenti cumu os demais ( union , matrimoniu, parella, conyuguis, o cumu se le queira chamal, isu e o de menus). Agora, o que a mi nun me pareci ben e que a ley les autorici a adoptal fillus, porque por muy bos pairis o mairis que foran , habria que miralo desde o puntu de vista de un dagalitu, esi fillu/a nun se educaria en un ambienti equilibrau, cumu crecer en o ambitu de unha familia con un pairi y unha mairi y nun con dois pairis o duas mairis. Puiria ser iclusu traumaticanti pa o equlibriu mental de esi fillu/a en plenu crecimento .
Y menus habendu tantus matrimonius ditus "normais" que os nocesitan y teñan que estar esperandu anus pa que se los concedan . (Esta nun e mais que a miña simpli opinion )

Boas noitis.

Fai mutu que nun me asomu, pero ca vé que entru hay un debati novu. En esti foru se fala de tó. Ei creu que os fillus crecin millol en un ambienti de respetu y apoyu en una famillia homosexual que en unha heterosexual en a que nun se les fai ni causu y o unicu que oivin son broncas. Dagalitus pa adoptal hay pa tos y si os homosexuais se ocupan ben de ellis, millol con dois pairis que con ninhun.
Han seidu as fotus en o HOLA?
Muy boa a idea de a exposicion, as fotus a merecin
Un saluu

Amiga Pirdia, o que didis me pareci muy ben, pero nun o generalizas , o que tu propos son homosexuais bos y eteroxesuais maus , en esi caxu tos estamus de acordu.

hay que vel a polemica que a creau figueira, o felicitu y a tos os foristas por dinamizar o nosu foru,e un dos mais activus.pero voy a dal a miña opinion.
o mundu se ha feitu da union de un omi y unha mullel ¿o ,non? ei naci de pairi y mairi ,vosotrus tamen.¿que pasara a partir de agora? si a sociai controla a nataliai y encima se legalizan os homos, diremus a o caus universal,¿ se extinguira o mundu ?.¿que pasaria si viñera tamen por os animais? ¿vos imagineis un galiñeiru sin galu?,¿ unha piara sin barracu? .non,elis se rigin por a mairi naturaleda y sigin procreandu.sigamus o sei ejemplu


bos dias y un sulu

Nu creu que sea bo sel tan trmenista amiga georgina, si unha parella homosexual nun poi -salvo inseminacion en o casu das mulleris- procrear, por isu nun se le vai a privar do dereitu de tel fillus, igual que as parellas heterosexuais que nun poin procrear. En istu coincido con Pirdía, por muy raru que nos parezca agora. Mira, os procesus de adopción son, por lo menus en España, muy complicaus y mutu mais si se les concedi as parellas do mismu sexu. Intervnedrán soiólogus, sicólogus y expertus que procurarán nun dal dagalitus por que sí, Ademais, como agora ocurri, a Administración vigilará, de maneira que,con informis dos asistentis sociais, inclusu en o casu de fillus nun adoptivus, si nun estan atendius como debi sel, se priva a os pairis de elis. Nun habeis uibiu falal nunca de un animal que, morta a mairi, e criau por otru inclusu de distinta clasi,(cabras que acrian cuchinus, patus que se arriman a galiñas etc.), tan ricamenti, a naturaleza e muy sabia o torpis somus nosotrus. Un salu. Chitu

A mañegu en o extrangeiru: nun temus a suficienti perspectiva cumu pa sabel si os fillus educaus por homosexuais estarian o non equilibraus desde o puntu de vista spicologicu .EI creu que dondi hay respetu y hay amor, to he pusibli..claro a esis dagalitus habria que explicali ,con palabras apropias, que os seis pairis son diferentis de os otrus,pa que nun encontraran pusiblis problemas en o exterior ...
Esti tema e tan compleju , que se puirian falal mutas coisas

Nun nos puirias dal unha pequena pista pa adivinal quin eris?????

PA ANONIMU (5 11 05 )15,54 horas
Estoy de acordu con o que didis( muy ben ditu )
Porque nos daran tantu meu as diferencias????

mais, mais, queremus mais opinios, aqui hay pa tos.

UN CURTINEIRU

Ya teñu a solucion! Tos hermafroditas

Pues a miña opinion, e que nun opinu.

JL.

Hay que ver cumu estaban os armarius, y que nun nos dabamus conta.

OTRU CURTINEIRU

Nun te pois ni imaxinal o apretau que estabamus y agora paseamus o orgullu por encima de tos.

OTRU CURTINEIRU . (dondi quera os hay)

¿Qué ques idil?
¿Qué ten que vel a velociai con o tudinhu?
Resposta: Na de na

HAY QUE VEL COMU ESTABAN AS CURTINAS Y CRIAMUS QUE O FORU ESTABA SOLU!
ANIMU, QUES SAYAN MAS CURTINEIRUS QUE CABEMUS TOS.
BOAS NOITIS

Boas tardis Anduriña, o anonimu sei ei.As diferencias nos dan meu casi sempri por ignorancia, pero nun sólu en esti casu.
O fácil e fel chirigotas y apelar a nun se que, pa ¿descalificar? a o diferenti.A pesar de to allantramus, que nun e poicu.
Saluus.

Referenti a tema dos fillus adoptaus por parellas de homoxesuais y lesbianas a mi me pareci, que nu se poi poñel a os fillus por deyantri, me explicu, se oivi idil que se adoptan dagalitus por que he bo pa elis..¿Pa quen?. Realmenti se pensa en os "fillus" o mais ben en a parella?. Esa criatura nun ten ni idea de o que le espera en a sociedai, ¡si ésta he injusta mutas vedis con os de parellas homi-muller...! Esperemus que tos amauremus o suficienti pa sel realistas y dil con o tempu que nos toca vivil.Por certu, a carunchela nu me deixaba aparecel.

Un abrazu pa ti xalima,
tes radon, isu e o que nos fai falta,muta" madurez," esta palabra nun me sai ben en mañegu ...
BOAS NOITIS PA TOS