Larna - Asturias

EL GATSÓN YA LA RAPIEGA
Un dia, una rapiega pequena metíu-se pul albañeiru del curral de la casa’l tíu Sicundu. Pechóu al gatsón que taba aitsí dentru ya pul mesmu furacu sacóu-lu pal caminu lus Paredones. Tsevóu-lu después pal calichón de la Cuérguila. Cumu yera muitu ceu, nadie uyía nada. El gatsón nun sabía que faere ya dicía:
-“!Xela, xela, xela¡”-
Dicía-lu tan altu que cuasi tinía a la rapiega xorda. Ya’l gatsón cantaba cuantu pudía:
-“!Xela, xela, xela¡”-
Tutal, que la rapiega nun pudu aguantare más ya dixu abriendu la boca:
-“¡Si xela que xele!”.
Ya’l gatsón marchou pa la cana una cunxal. Ya púxu-se entoncias la rapiega umbaxu l’árbul ya dicía-tse:
-“¡Pitín, pitón, baxa que te daréi trigu d’anguanu!”.
Ya nun dexaba de amirare p’arriba sin aparare.
Ya cuntestóu-tse entoncias el gatsón:
-“Nun baxu, non. Una vez que me pecheste nun me dexeste plumas nu rabu, si me pechas outra vez, nun me dexas nun güesu sanu”.
FIN
Jotaele

duas piquenas erratas creu:
nun ia "tsevou-lu" senon "chevou-lu" Tamién creu que tenía que ser "apiecha" pur ·"pecha" nel sentidu di "golpear" ..."apiecha na puerta"...Esto deciase nel miu pueblu en Tsión
ia así?

pechas ou apiechas?