Boquerizu - Asturias

-Dexade estar la llengua, condenaos,no acabeis de rompeme la cabeza.....¿Queréis que vos ordene....? No, pos, coya, vos davos más ñalgadas que hay de jueyas.
-Si m´allevanto donde estoy, repuño, va quedavos de mí memoria eterna..... A ver si vos tais quietos, pujeteros; mal añu pa vos nunca. ¡Qué reciella!
-¡Qué dirá ser de mí con estos jíos! Van a golveme lloca, sin concencia.....¡Si voy allá...! No tién qu´hacer el diañu nada donde estais vos. ¡Mala porreta...!
-Si vos llevara Dios, que bien me hacía, siquiera por no estar en estas querras: ¡Ay María, Señor! En vez de jíos era mejor criar cro que culiebras.
-¡Si teneis patu co´l pecau, indinos....! ¿No vos lo digo yo? ¡Si vos rompierais la crisma d´una vez!.... ¡Ay cuanta sangre me pudreceis, Josús! ¡Ala!, a l´iscuela.

Así la madre diz desazonada mientras los jiyos sin parar enriedan, y, al oila reñir, no güena madre, mala madrastra i llamaría cualquiera y, hay que vela trinar:
-Mal sarapicu nunca vos dé, recoy..... ¡Mala viruela! Mala bomba ¡Josús! nunca vos mate..... Mala peste vos dé.... ¡Dios no lo quiera!
-Grandísimu demongriu, si te agarro! Josús, qué críos, Dios me de pacencia. Quitádevos delantre, que vos mato .... ¡Si malos llogos nunca comieran!

Los rapaces en tantu, como saben que moquete de madre no resquema, sin malditu el aquel corren y blincan, arríense unas veces y otras bierran. Jasta que algún indinu en sos diabluras pa que no se acabara en paz la fiesta, máncase en daqué deu o cosa asina. Y a mocu vivu a atolondrar empieza.
¡Entonces e de ver aquella madre qu´estaba, al parecer, jecha una fiera! ¡Entonces e de ver, pos, más que madre, quéra un anxel de Dios diría cualquiera!
-¡Ay probe de mí nunca! - diz mudada,Que se mató ´l mió jíu... ¡Santa Teresa! ¡San Antonio de Pau....! ¡Va dai l´agullu! Traede un pocu dágua a la carrera. ¡Dios míu, a pocu más queda ´n el sitiu! Fué un milagru de Dios,a ver, enseña...!Dide a traer un pocu balsamina.... ¿A ver si tienes l´espenilla en tierra? ¡Josús, Josús! no gana una pa sustos; no to una gota sangre en toas las venas; creí se había matau...¡Baeh! no jué nada, ya no llores, morenu, que t´ajuegas! Por aquí iba a salii el alma chica al rey de la mió casa.... Ya no güelvas a enriedar otra vez. ¿Y quién tirote? Déjalu estar, cuantas a casa venga.....

Esto diz y algo más que ´l torpe acentu del profanu en querer dicir no acierta, pos tién más versu el llabiu dúna madre que d´Homeru y Verxiliu las eneidas. Y si esto jaz y diz cuando e tan pocu ¿Qué jará cuando ´l dañu mayor sea?. Imposible e dicilo, y eso mesmu dúna madre el cariñu nos demuestra. ¡Probe d´aquel que alluendi de la suya no tien donde vaciar sos llargas penas, ni quien i de ´l remediu pa que sanen del corazón enfermu las llacerías!
¡Probe del qu´en edá verde y llozana escosu de saber y désperencia, abandona ´l so llar pa dir en busca de desventuras mil a extraña tierra!

Espero que lo entendais bien y que os guste.
es uno de los muchos poemas escritos por ANGEL DE LA MORÍA, un joven sacerdote llanisco emigrado a México muy joven y que nunca consiguió olvidar su tierra , como tantos otros emigrantes. Toda su obra, escrita en bable llanisco, nos cuenta su experiencia como emigrante y como, lejos de su tierra, valoraba las personas, paisajes y cosas que dejo por aquí, y que antes de marchar no les daba importancia.
Repito, espero que os guste y no os resulte aburrido.
Saludos LAURA

cuanto sabes, que lista

La adulación es como la sombra, no nos hace más grandes ni más pequeños.
EL PREGUNTÓN.