Boquerizu - Asturias

Casarase Xuaquin de la Maruxa
con Lola, la Mañosa,
rapaza que, diciénlo pe´l pueblu
yera la mas priciosa.
Tinia bun pelu roxu, mu rizosu,
comu´l plumón d´un ave;
gueyos negros,cargaos d´unes pestañes
llarguisimes y suaves.
La cara, igual qu´una muñeca,
entre roxa y trigueña;
les caeres, redondes y macices,
mas dures qu´una peña.
¡Que serien de dures y de firmes,
que Xuacu quedó bizcu
un dia que n´a fonti, per sorpresa,
quiso dai un pillizcu...!
D´espetera...En forma y desarrollu
yera tal menumentu
que, cunten, que la Loren envidiabai
tan flamante portentu.
En fin...una rapaza...¡de bandera...!
D´aspeutu...¡como un tren...!
Una xata(dicialo el mio Xuacu)
como poques se ven...
...................................
N´el cuartu que tomaren en´a fonda
punxerons´acostase
y entós queose el probe Xuacu apastoriau,
al vela esnudase.
Quitose lo primero, una peluca;
dexóla n´una silla
y enseñó una cabeza renegria
igual qu´una escobilla,
Fizo luego n´os gueyos
unes coses extrañes
y quearon enrriba la mesilla
les soeses pestañes.
Alluego, les caeres reondiaes
golvierons´anguloses,
pos yeren...d´isi plásticu italianu
aparti d´otres coses...
.....................................
Y diz el probe Xuacu, asustau,
con cara d´estrañeza;
los gueyos mu abiertos...¡como platos...!
les manes n´a cabeza;
-¡Ah, Lola...!Paez que me barrunto,
que tás prefabricada...
Creyia,que tinies munches coses
y...tuyo...¡nón ye nada...!
¿Que tienes natural...?¡Dexesme friu...!
-Pos...mira...¿Natural...?
¡Na más qu´un fiu...!