Boquerizu - Asturias

Pepón de Juaco,solterón empederniu, non pierde ocasión de divirtise. Antroxu e cuando mas se divierte y mas tochuras jaz.
Esti añu jartose de muñuelos y sidre con so amigu Pachin,y estubieron bebiendo jastas á que vieno la noche, y yá vian turbiu,más por mor de la sidre que por la escuridá.
Baillábayos el candil delante de los gueyos y paecian dos tochos que non sabian lo que jacian ni´lo que parllaban,arrastrando las patas al andar y al bailar,y la lluenga cuando parllaban.
Pepón mando-i á Pachin untalu bien pe´la cara co´lo ajumau del cazu,y Pachin puénxolu tan embetunau,tan prietu,que paecia un San Benito.
Lluego salieren vistios de colorau á´scorre´l´Antroxiu.
La carpanta era tan tremenda,que tou yos paeciaque daba gueltas al redior,y en todas partes tropezaban:esquinas, arboles,pareas,y daban unas costaladasque temblaba´l´misteriu.
Pa ayuda de males,era la noche escura como boca de llobu.
Soplaba´l´gallegu con juercia y quebraba los cañones de los castañares,dándoyos guenos sustos.
Pepón,que era´l que´staba más chispu,jui tamién el que mas contonazos dió.Cayó en tres o cuatro pozos de cruces,tán llargu como era,estripándoyos la llamaza y poniendose perdiu.
Pchin tenia que ayuda-i á salir de tódos los barrancos.
Esta noche, dicia-i Pachin,las bruxas y trasgos,el diablu burllón y toa la corte infernal, salió de parranda a regolvé´l cotarru,y llévannos per cuetos,bardales, espinos y pozas.
Asina llegaren sin saber per onde a un pueblu vecin.Vieren lluz-n una casa y entraren.Era la jila.
Tan prestu como los vieren entrar enllamorgaos,sangrando, y a Pepón prieto como un negru,todas las jiladoras,mozas y vieyas,se llevantaren asustadas,corrieren de un llau pa otru gritando, y tropezando dellas´n´as tayuelas,rollaren per encima las otras.
Dician gritando hasta´sgañatase que aquel hombrón negru,vistiu de colorau non tenia cara de cristianu; que éra xudiu,que éra moru que éra´l Pecau.
Riiase Pepón,y queriendo ponelas en páz,jaciayos veyuras y diciabos simplezas,pero asi asustabálas mas, y escapaban de elli santiguandose.
Una vieya dixo-i que rezara´l Credo,y como Pepón non jacia casu, y siguia riyendose y jaciendo monadas,dixo la vieya:
¿Vedeslo? el demoniu mesmu-é.
Una moza sacó una cruz pa que la besara,una rapaza una medalla,otra un escapulariu, pero Pepón españaba de risa co´la ocurrencia,hechálo tou a broma, y dialu´l casu jacia besar cruces,medallas ni´escapularios.Una vieyina arrugada mandó traer agua bendita.Trayéronlo´n una botellona, echaren de ello en una juente remoyaren allí un ramascu de alloru ,y diciendo véte pa los prefundos,Satanás,en nombre del padre ,del Fiyu y del Espiritu Santu,esmenarenlu con juercia,descargando un aguaceru sobre Pepón, que al sintir´n´a cara la frialdá del agua,echó a correr y salió de la jila.Pachin,temerosu de que tamien a elli lu bautizaran,prendió a correr detras de Pepón de Juaco, y dempués de nón pocos tropiezos llegaren a sos casas,molidos ,y echárense a durmir la mona.
Ahora todas las muyeres de la jila de aquel llugar,rapazas,mozas y vieyas,cuntan a todos los que quieren oilas,el pasu de aquella noche tormentosa de Antroxu,y xuran y perxuran que alli´stevo´l demoniu mayor del infiernu,con unu de los pinches de só cuadrilla diablorica.

Non sé que beberíen Pepón y Pachín, pa tar tan allumaos; esta tarde yo tomé sidre Orizón, Vigón y Zapatero y toi tan panchu...jejeje...Agora sí, nenguna moza me ofreció ná que besar.