San Martín de Trevejo - Caceres

O sabau vivimus un dia muy bonitu en San Martin,mais de 450 jovenis de toa diocisis viñeran pa celebrar o dia de a Juventud Crisiana,un total de 39 pueblus,foran recibius en o Colegiu dondi le deran o desayunu,dulcis ,Cafe to comu sempris se fai en San Martin en gran cantiay y sobro mutu,dispois de trasladorin a Plaza dondi se fidu a prentación,o cura que era organizaor de to,muy jovin y muy dinamicu falaba en castellanu, mentras una dagala de aqui o diba idendu en mañegu,esi mismu cura saluo en mañehu, a continuación falo o Obisdpo de a diocesis y tamen empezo saluandu en mañegu,o cura de aqui D.Jose Luis tamen falo algu en mañegu,to sei muy ben,muy ben organizau, muy emocionanti, tos os jovenis con camiseta naranja con un aua pintura de aplaza de San Martin, palomas de carton por tod os sitius,pancartas y sobre to muta animación por parti de jovenis y de to a lugal,un a charanga recorrei o pueblu con tos os jovenis detras,Misa en a Iglesia.
Por a tardi en a Plaza un grupu musical extremeñu, interpreto mutas cancion extremeñas, que foran bailas por tos y cantas. Resulto to muy ben y creu que fui un dia que sera de gran recordu pa San Martin.
Y o millor de to que a fala tamen estubu presenti.
Un saludu pa tos os de o Foru y comu sempris AUPA a FALA-. O Saltu

Magnificu reportagi, concretu y descritu de forma que pareci que o estamus venduy vivinduo con a misma emoción que nos o contas. Gracias por a cronica por que aunqeu sabia a nuticia, gusta vel o resultau.Por aquí abaisu, aunque con un tempu non apropiau pa a epoca do anu, procederemus a inaugural a Feria esta noiti con o encindiu de as 270.000 bumbillas que a iluminan, de as que 25.000 soli se leva a portá. Un saluu pa tos, a enhorabuena pa to o lugal por esa festona que han dau a os que veni de fora, mutus dos cualis, seguru que volvin, y soidi a fala por sevillanas y con un traguitu de manzanilla. Chitu.

Yo creo que te vamos a tener que nombrar cronista de San Martin,porque eres el unico que nos informas de lo que pasa por el pueblo.Sigue asi.Un abrazo.MERCHE

El mensaje anterior va dirijido al SALTO,es que sin querer lo coloque mal.Disculpas.

Amigu O saltu:
Cumu tú sabis (porque te saluí a ti y a tua mullel, ei tamén estuvi alí.

Magnifica descripción que fais d´a festa d´os xovinis cristianus, que se xiuntorin n´o lugal, cumu han feidu en otras ocasiôs y en otrus lugaris.

É de eidel que nun estuvi cumu participanti (que lonxi quea aquela nosa juventú), simplimenti foi a o lugal,cumu faiu en ocasiós.
Daggais y dagalas por toas as partis. Paricía que nun había pasau o tempu y éramus mutus os dagais d´o lugal, cumu pasaba entoncis.
Grupus en San Peiru, grupus en a Calli Os Canus. Estupendu.

Filiciáis a os organizaoris: a os dagáis mañegus, que superan sel un-hos perfectus anfitriôs.

É colgáu un par de afotus d´o ambienti, que foi estupendu.

En o lugal, varius me recriminorin que tuvera algu dexiau o foru.
Pâ que veáis que nun é asi, aehi quea esta misiva.

BOAS NOITIS.

Vos salúa

B.RODAS

Homi Brodas: Ia creí que te habias prejubilau do foru, a verdai e que tenin radón os que te han chamau a atenció por o abandonaus que nos tiñas, se te eitaba de menus. Y agó que macordu hubu un debati fai tempu sobri comu se idia, si era Sa Martin (comu puñia ei) o San Martín. A entrá do lugal agó pon un letreiru informativu " Sa Martin de Trevellu", Si mal nun recordu habia tesis que idian que o lógicu era que si San Peiru, San Xuan... nun se puñia Sa ¿porqué se tiña que poñel Sa Martín.Me gustaría retomal esti tema y otrus parecius que sin duda son importantis pa Fala. Nun cabi duda que morrel nun vai a morrel, peru si que habia que unifical criterius si queremus que un dia a poamus fala y escribil comu tal lengua.
Gracia a o "Reporteiru O Saltu" os que estamus fora nos enteiramus dos eventus que se fain es SA Martin; por otru lau me extraña mutu a ausencia (ya muy prolongá de J.L. ¿Que foy de J:L?, pareci o titulo de unha pilicula.Ya nun nos deleita ni con suas afotus. Menus mal que Indanunse de ve en cuandu nos pon alguha.
"Vox pópuli" didi que aparcan cochis en a plaza, hay coissas que nun entendu, si e vox pópuli e que to o mundu sabi quen son y cualquera poi denuncial por os caucis dibius a esis cochis ¿cual e o problema?.
Ben, ei solu doy miña opinió sobri o que se didi aquí. Sin mais ni menus un forti abrazu.