San Martín de Trevejo - Caceres

Esta familia, que antiel a dexiamus en a calli O Portu, lamentándusi de certas portas que, ben p or o material, ben p or o culuríu, nun encaxian con a restu, agô veremus que se foran por a calexia do Portu hasta chagala a o antiguu cini de Marcilinu, chegan a placeta, tiran por a calli o meiu y desde a plaza visitan a iglesia.
alí os dexiaremus, con tô que hai que vel en o templu.
O recurríu de agora é maís o menus asina:


19
Agarran un-ha calexia
que os leva hasta a calli “a Fonti”,
desde alí se aprecia o monti,
y entre tozôs y entre rexias,
tratan de chegal a igrexia.
Ven a casa d´as Marinas,
tamén a de tia Antulina,
agora casa rural;
le poi alí agasallal
a dagala de Regina

20
Le van queandu poicas ganas
Pero siguin camiñandu,
despacitu van chegandu
a esquina de tíu Cananas.
Y esa xienti sevillana
por a calli o meiu tira,
p´abaxiu y p´arriba mira
y ca vé están mais contentus:
o lugal é un monumentu,
le pareci tô mintira.

21
y chegan de novu a plaza
y a contemplan otra vé.
En casa de Indanunsé
se sentan en a terraza
o tempu agua amenaza;
alí debaxiu os portáis
miran cumu dois dagáis
se mollan en o pilón
otrus xiugan a o balón:
dois xiugus tradicionáis.

22
- Las fuerzas hemos repuesto -
didi o pairi dó dagal,
antis d´a Iglesia chegal:
- ¿Podemos saber que es esto
- Es el palacio de Ojesto
aquel que con otros dos
se decía que era dios
y junto con otros tantos
como el Espíritu Santo:
según nosas tradiciós.

23
Ven o templu parroquial,
un-ha iglesia de tres navis.
Hubo que buscal a chavi:
nun hai cura en o lugal.
Nun dexiaban de admiral
o retablu y as pinturas
d´un pintor de Extremaúra:
- Tres obras excepcionales,
que Luis “divino” Morales
pintó con mucha ternura.

24
Un-hos didin que as roiborin
en un-ha conventual;
otrus chegan a upinal
que en boa batalla as gañorin
Alá os historiaoris
Y suas chocantis teorías:
San Miguel y San Matías
y tamén o Eternu Pairi,
respiran ben esti airi;
están en boa compañía.

Bueno, ya está ben de tabarra por hoxii, seguramenti os levaremus por a calli hospital y San Sebastián, (bueno tô isu si elis querin).
Creu que le vai gustandu. A o millol se cansan y os levamus directamenti a O Forti, que agarrin o cochi y se vaian.
Me diré (D. m. ) esti fin de semán a Andalucía. Si bebu algu de vinhu finu, que sepaís que o fairé a vosa soidi, que desde aquí a tôs vos deseu.

B_RODAS

BRODAS, nun tardis mutu en siguil con o relatu hay muyeris que se enganchan as telenovelas pues ei me he enganchau a o tei relatu y esperu con impaciencia o proximu capítulu, con o relatu ei tamen con a menti voi con elis, eris un geniu BRODAS.

Un salú pa tós y soidi pa fala.

BRODAS :Eris genial.Comu as enganchau familias,callis saboris,custumbris,dorrás....y encima en poesía.Fairás historia.Qué lástima de Cancheira.Diva en a misma dirección.Gracias.Me apuntu dos primeirus si algún día as editas.Te recoñozu,aplaudu y te animu.Forti abrazu.DOIDI PA TOOS

brodas eres un fenomenu metes enganchau habel si chegas prontu a calli san sebastian,que ali naci ei,sigui asi eres un fenomenu un forti abrazu de tey amigu chafurdon. sodi pa fala

Chafurdon,a calli San Sebastian,¿ Aque nun sabis comu se chamaba antiguamenti?

Cachina, creu que a calli san sebastian se chamaba, bangana o mangana nun sé creu que era algu pariciu, sempris nos lo idia tiu Daniel que en pa descansi, seguru que tú si que o sabis.

Un salú pa tós y soidi pa fala.

cachina si nun me equivocu a calli de os judius

Creu que se chamaba, calli "mangana",sí me equivocu que algin me corrija

BRODAS parenti de Maximin eris un fenomenu . SE des de que fidemus as boas de ORU que tuvimus a sorti de recivir un a poesia tua de dica a Maximin y Chunita Eris un talentu . ACORDATI de pasar por a calli de Chunita y ali teparas pa ra tomar un tragu de o pilon y un viscochu don di as brusia Que pena de que este fora si nun . Eta te feya un a saringita Feliz viaje an dalucia y soidi patos de a fala