San Martín de Trevejo - Caceres

Amigu Chitu:
Hay unha cita do evangeliu cuandu un d’os apóstulis (Natanael creu que era), refiríndussi a Jesús didi: ¿De Nazaret puede salir algo bueno? (Jn. 1, 46)
Parafreseandu issu se me ven a cabeza a mi unha frasi paricía : ¿De Sa Martín de Treellu poi sel algu bo?
¿É pusibli que saya un homi tan ecuánimi, equilibrau, sensatu, prudenti, atinau, radonabli, juiciossu, de esi lugal s’a Serra de Gata?. Pues issu Chitu, issu creu que eris, toos essis sinónimus que m’han seidu, e inclusu puiría añadil algún máis, o que passa é que nun sé cumu se pon cuerdo en mañegu, ya que si cuerda se didi corda, entoncis cuerdo se tendrá que idil cordu.
Reiteru, muy atinau essi comentariu sobre essa pequena polémica d’as papeletas (que por otru lau nunca ben mal).
Has ditu, en poicas palabras mutus pensamentus que otrus tíñamus, pero que nun quiríamus entral en unha polémica, que ni nos diba ni nos viña.

Falandu de otra coissas:

Cunvindría tel en conta, p’a futurus escritus en esti foru, que hay que tel cuau con as coissas y palabras que se escribin. Unha coissa dita, sempris se poi rectificar, e inclusu dependi do tonu, dos contertulius, do ambienti. Tampocu debemos ulvial essa otra cita do evangeliu (¡vaya m’a seidu a tardi algu apostólica!) que didi:

¿quod scripsi, scriptum! Lo escrito, escrito está.

Si ei escribu unha coissa paricía a :

¡Eres bonita y no te has casao,
alguna falta te han encontrao!

cualquer moza solteira que o lea se poi consideral ofendía,. Pero si explicamos que issu é o remati de unha soleá que canta (y muy ben) Carmen Linares, entoncis a coissa cambia.

Celebru (nun puia sel de otra maneira) a volta de Cancheira.
Esa caza en as Torris, esi poema a Camiñu (creu que esti anda por Málaga, o quizá poor Malagón) nos volvin a alegrar a alma. Gracias amigu.

Por certu Indanunse: estuvi por o lugal y nun me dera perrunillas ni ná en a Praceta. ¿nun siría unha broma?

Boas tardis.

Amigu BRODASensandu estaba en escribil algu invitánduti a volvel a o Foru y nun a feitu falta.Gracias por por tuas reflexiós que confirman que estamus dellantri de unha persoa con sintiu d´a disciplina,con cuñicimentus profundus culturais,filosóficus,sociológicus,pedagógicus y
religiosus etc,coixa que a ésti foru le servirá mutas vedis,de guía y de instrucción.
O sintiu d´o humor,algu que presumu de tel,o perdu cuandu veu que ésti nun e o sintiu que tenin os demais.Si ésti e un foru de amigus debemus comportarnus comu talis,comu amigus, o que nun impí algunha crítica radonabli.
Me alegra mutu que escribas otra vé,o que te de a gana y con ganas.Se que to o foru quel que te qués,to o foru,sin excepciós...Me consta.Un abrazu

Te agradezcu as frasis de recoñucimentu hacia mi. Tu nun te queas patrás,amigu BRODAS. Gracias y un abrazu. En o verán sabremus quin e ca ún. Chitu.