San Martín de Trevejo - Caceres

Peru quen didi que en o nosu lugar nun se escuta a radiu? Peus ei en miña caxa nun solu o escutu si non que o veu.
Sobri esti tema nun le demus mais voltas, o que aquí nun se oivan emisoras en castellanu, e porque as nosas autoriais locais istu nun le interaxa, en esti lugar cuantu menus se sepa millor, a prueba esta en cuantas activiais culturais se an celebrau en estis ultimus anus,? me gustaria saber a partia que esti Ayuntamentu ten destina a estis menesteres en os presupuesto,? y nun digamos en o deportivu, que se lo preguntis os chavias de futbol sala, que se tiñan que costear o material y os despalzamentus por sua conta pa participar en a liguilla da Serra de Gata, (o anu pasau queorin os segundos.)
Pa mi to istu ten un valor importante, peru temus quizas otras coixas mais gravis y de pior solución, e o tema de o traballu y o porvenir de a nosa juventu. En o que vai de anu se an desmantelu duas pequenas empresas locais, se an tiu que trasladar unha a Moralexa i otra a Coria a os seis polígonus industriais,
Unha de as promesas que se fido, (quiza cuadri millor a palabra mintira ya que nun se a levau a cabu) e que se diba a crear un pequenu polígonu industrial, inclusu se tanteo a compra de os terrrenus, se apuntorin varius industrias pa solicitar unha navi, de istu ya fai unhos cuantus anus, de momuntu na de na, ¿me preguntu dentro da miña ignorancia, que en ve de fel a faraónica obra de o famuxu Mercau de Ganaus, nun ubera siu millor istu,? incluxu en os mismus terrenus.
Pos si a algin le interesa, se demandan puestus de traballu pa fca. de adeituna, con a calificación de Electro Mecánaico, pareci ser que esti e o pagu por dali a agua.

Continuara.
Pa tos un saluu.de JL.