San Martín de Trevejo - Caceres

O pasau dia 9 fallecei en Zumaia dondi residia, Fernando Dominguez Perez, unha boa persoa que muta ienti do lugal a sintiu a sua perdida, por a sua simpatía y bo humol que sempris tiña, así o recordu ei, que cumu era primu de miña mairi sempris contaba que con él nunca puían estar sin rilsi.
Seguramenti mutus dos que estéis fora do lugal, vos acordáis ben de él
Que descansi en paz!!. Y o nosu sintiu pésami pa Loli, sua muller y pa os fillus Imma, Carmen, Nieves y Fernando.


Marcial y Esther

Descansa en paz Fernandu,sintu de verday esta perdida de un fillu de San Martin,sempris nos uni un a boa amistay desde que yuntus estabamus en a escuela.Pa sua muller y pa os seis fillus o nosu sintiu pésami y o tendremus presenti en as nosas oracios. UN SALUDO de
Viki y Chanu

Sintiu pésami pa muller y os fillus
Fernandu (D.E.P)
¡Qué homi tan bondadosu se nos ha diu!

Gracias "mye" por a información.

Bos días.

Tamen nosotrus nos unimus a esti pésami pur a morti de otru "ferreiru" que nos acaba de deixal,i mais sendu de familia nosa.( un-ha bella persoa). Era primu hermano de mei pairi q.e.d. pero mais les unia un-ha gran amistai.

Un forti abrazu pa toa sua familia i en especial a sua hermana Vitoria, que vivi en Càciris.

!Fernandu descansa en pà!

Angil i Toya

De novu temus que lamental a morti dotru manhegu.

O mei sintíu péxami pa mulhel i filhus.

Pacu

Vaya tamen o mei pesami pa familia de Fernandu,descansi en paz
Isabel Moreno

Sentiu
pésami a toa a familia. Descansi en pá.
Forti abrazu.
Chuchi García.

Damus o nosu pésami a familia de Fernandu.Unha persoa que sempris tiña unha sunrixa pa dal a os demais.Alegri y boa persoa y dispostu a axuar a cualquera que o necesitara.Descansi en pá
Justa,Eusebiu,Javi

Sintimus mutu a morti de Fernandu cumu bôa persoa que era i familial
pol parti de minha sogra,pos eran primus hermanus tamén.
Vinhi do Lugal o dia oitu despois de pasal um'os dias,vivimus a tres cuartus de hora de Zumaia i ha tiu que sel pol o foru dondi nos hemus
tiu que enteiral,gracias a Esthel.
Mandamus um forti abrazu pa toa familia,en especial pa Vitoria pol
sel a mairinha de minha mulhel.
Que descansi en pâ.

Begu i Nachu.

Os fillus de Jeronimu y Damianatamen queremus dal o mais sintiu pesami pa toa esta familia de mañegus
Urbano y Merche

Ei tamen me unu en dal o pesami a esta familia mañega.
Descansi en pa Fernandu.
Un abrazu pa familia.

Me acabu de enteiral ago mismu, asi que nun queru perdil ni un segundu mais sin dali o pésami a familia de esti mañegu de ben, en nomi de mi ña familia tamén. Soidi pa tos, Chitu.

Ei tamen queiru dal o pesami a familia de otru mañegu que se nos foi.
Forti abrazu

Hola Marcial y Esther, soy la hija de Fernando,Carmen, os agradezco mucho vuestro sentir y vuestras condolencias, seguramente nos veremos pronto.Un abrazo para los dos y para todo el pueblo.

Carmen Domínguez

Vaya desde aquí mi mas sincero agradecimiento a todas aquellas personas que, mediante este foro, han recordado, con tanto cariño, a mi padre.
Sabed que San Martín era el sitio donde el era absolutamente feliz y al que quería volver siempre para reencontrarse con vosotros y los recuerdos de su infancia.
Se ha ido, pero no morirá del todo mientras alguien le guarde en su memoria o en su corazón.
¡Gracias!