San Martín de Trevejo - Caceres

Estimaos furistas:
O día 4 de esti mes mandí un correo dixendu entre otras coixas que tíñamus que quel en a conta, si non hemus queidu y si nos interexa quel en a conta, do montón de coixas que se poin fel en Sa Martín. Habrá que preguntal a os monxis tibetanus po qué Sa Martín, habendus tantus y tantus sitius. Pero, muy pusiblimenti, con a chegá de estes homis, veña xenti de muy distintus sitius y, si nosotrus nun nos movemus habrá otros que se movan y aproveitin o potencial que ten Sa Martin (ver o mensaji do 4 de nov. Nombraba ei un insignificanti proyectu que fai unos 13 anus que se puxu en marcha en un lugal chamau Legazpia (Proyctu Lenbur). Fijeibus era tan insignificanti que oixi ha sidu en o periódicu sei promotol y van a celebral sólu o adniversario de 10 anus. O sea que os tres primeirus anus ni o ha considerau comu que era proyectu.Empezó con a recuperación de una fragua y a sua oficina era os baixus do ayuntamentu o algún cuartuchu perdiu. Agora entre otras coixas didi: que erán conscientis dos problemas por a falta de sensibiliai y concienciación da xenti con respectu a o valor de o patrimoniu. Didi que os novos demandantis piin novus destinus turísticus, tenin mayol nivel cultural, y hay mutus mais viaixis. De esta maneira o turismu se converti en un importanti factor pa o desarrollu económicu. Ademais o sei objetivu ha siu y é recuperar to o pasau, ferrerías, muliñus...y ha consiguiu fel varius museus (o últimu é un casiriu dedicau a prodiudil miel. Didi que o feitu o a maneja comu una virtú y un orgullu que os diferencia de otrus lugaris. Pa terminal. Agora didi que maneja 11 millós de eurus (aportaciós europeas, INEM, fábricas, G. Vascu, Diputación...que han dau traballu a 240 puestus de traballu. Didi que anualmenti esta comarca recibi 45.000 visitantis cuandu fai 10 anus eran ceru visitantis. Quel agora fel una confederación de museus a nivel de gipuzkoa y si é pusibli ampliarlo a otrus territorius vidiñus.
Resumindu, (poeis entrar en a página de Lenbur Fundazioa. Nun era ABSOLUTAMENTI ná y...
San Mrtín que ya ten feitas mutas coixas y que sin movelsi ya chega xenti ¿qué siría si nos moveramus algu mais? Un bo empeci é a construcción da Hopedería ¿quién da más?...
Coñozu personalmenti a o que leva esti tema, sé cómu empezó y o que ha consiguiu con a sua forza de voluntai de ná de ná.
Seguru que hay coixas que se están fendu ¿mas conta alguin, por favor?
Soidi a fala.

Fe de erratas: he postu muliñus y creu que se didi muñus ¿non?. Bueno, seguru que habrá mais "patás" pero esta me ha vindu a cabeza.
O sintu.

Pol si alguin le apeteci salseal en a página web de Lenbur: www.lenbur.com.

Ya sé que hay mais coixas: o museu do adeiti... pero, ¿nun le falta promoción, publiciai, estal relacionau con otras coixas aunque nun esté situás físicamenti en o mismu espaciu?.
Alguin sabe os sitius de interés cultural que hay en as Ellas, Valverdi que se puirían asocial y fel un circuitu de museus?.
Volvu a idil que me pareci que Sa Martin ten mutas coixas que poin creal postus de traballu. ¿Nun se pií subvenciós ? o ¿nunca acaba de chegal o iñeiru que se ha piu?.

Soidi pa tos

-Me gusta mutu a fotu do pequenu eno royu -¡alfena!-.
-Vaya godá po dagalitu!!.

Istu,nun será pussibli cuandu haya muta xenti i se consuma muta agua eno Lugal-entri otras coixas-. Por esta terra dondi vivu, as expectativas de progrexu que fai un-hos (de/quindi anus) s’anunciaba a bombu i platilhu sobri a industria que paquí diba a chegal; ha queau to en "agua de borrajas" .O únicu que s’ha féitu han síu bloquis de pixus, -que nun sé quen comprará-, pues se destruyin mais puestus de trabalhu dos que se crean.¡Isu sí!, xentí ha chagau de toas partis (pareci tan cosmopolita comu Mairil),i a inseguriai ciudadana,ha cricíu hasta limitis insospechaus. -O únicu qu’ha progrexau.

En esti aspectu,discrepu de tí ,¡alfena!. Pensu,que nun benificiaría o Lugal, a chegá de mais xentí da qu’agora recibi,-sobri to pos ressidentis-. Poi sel,que mais dun se me tiri a yugulal . I crea, qu’o que necesita San Martín,é, cuanta mais xentí milhol. Principalmenti : baris,comerciu, hostelería… Peru que naidi s’ulví, que to ten un preciu,i a vedis esti, acustumbra a sel mui elevau.

Alfena: das,un montón d’alternativas po Lugal,-empírica sin duda- , frutu da evolución,i experiencias vivias ena terra dondi estás. Pensu,que San Martín o ten mutu mais fácil,nun tindría mais que ponhel en funcionamentu o que ya tuvu -con otra mentaliai-.

En Sanse,sois un-hos sibaritas da boa mexa,-certu?. Pues taseguru, que de San Martín sairían pruductus de primeira linea que resaltarían o sabor dessis platus hasta limitis insospechaus. Hai muta xenti enesti país, disposta a pagal o que le pian,contal de que le den caliai. De toas formas, nun hai porque preocuparssi ya do futuru económicu do Lugal. Os ingrexus,nun vendrán: ni por a Fala,ni por a nossa arquitectura, ni por os productus autóctonus -sinon por os monxis-. Pues,ya nun fairá falta que vayas o Victoria Eugenia"pa vel a Richard Gere. Seguramenti, vixitará con frecuencia o Lugal; i con él, algún mais de Hollywood.

Alfena: -te digu un-ha coixa?.O que tú i ei digamus, comu tamén sabin os demais, qu’envial sugerencias pa milhoras do Lugal,será comu escrbil en un-ha barra de hielu. Pues,ya s’ha intentau antis sin exitu. Ojalá,tenhas tú mais sorti i tescutin.

Un forti abrazu, FONTI NOVA

PD. Ei, tamen tenhu mutu interés en sabel, de que se trata o proyectu. ¡Angil!, siría pilti demaxiau que nos o disseras?.

Estimau Fonti Nova:
Nun pasa ná. Discrepamus y ya está. O que ocurri é que si fora pusibli frenal os cambius y as consecuencias que train con elis... Ya nun tíñamus niñun problema. O que pasa é que os cambius se van a dal nos pexi o nun nos pexi, nos gustin o non. Por isu, creu ei que mais vali ayantralsi a os acontecimentus y dal nosotrus os pasus que de nun sel así van a dalos otrus. Teñu seguru que a forma de ayual millol a que os cambios nun perjudiquin a o lugal, é dil a par que se vai progresandu, tendu sempris presenti a parti negativa que acompañan a os cambius y intental eliminala o reducil as suas consecuencias. O que nun me cabi a menol duda é que os cambios vendrán de nosa man, con nosotrus de protagunistas dos cambios, a o margin sin nosotrus o con nosotrus comu xenti pasiva, mentras veremus comu otrus nos imponin os cambius. To siría, que encima esis otrus nun tuveran en tanta estima, comu creu que temus tos nosostrus por Sa Martin y, simplimenti viñeran pa explotal as suas riquedas, obtel beneficiu económicu pa logu dilsi y deixalnus en a estacá. Comu poi habel pasau con esis lugaris de dondi to "a queau en agua de borrajas". É o que ten a actualiai, de repenti ponin un lugal de moda y a o poicu tempu se olvian de él.¿Con os monxis vendrá esa xenti? ¿Tardarán mais anus en vil?...Peru os cambius chegarán.¿queremus que sean de nosa man?
Soidi a fala.

As propostas de Alfena, son formidablis.
Un incisu: Por mais pistas que dais nun acabu de sabel quin é o tal Alfena, pero isu é o de menus: as propostas son estupendas: a cuestión é que cumu didi o contertuliu Fontinova, é pusibli que caian en un costal rotu.
Sabemus, (o al menus imaginamus), que os rectoris de esti municipiu, que según tenhu intindíu, en certas épocas tuvu títulu de villa, nun leen o que se escribí en esti Foru: é mais, inclusu diría ei, que tenin certa alergía a o que aquí se didi.
Tamén é sabíu, que, a forza dôs que aquí escribimus (e idil a maiuría), nun son votantis en o lugal, con o que os políticus (tôs: de un signu, de otru o de máis alá), pasan de nos.
Tamén sabemus, que a Xunta de Extremaúra, salvu honrosus cassus, a apostáu por un-ha política de subvenciôs, y nun por un-ha política de fel un (¿cúmu se didi agora "tejido empresarial" o "tejido industrial"). Y asína tampocu vamus a ninhún lau.
Tamén hemus de tel en conta una coxia: si o lugal está así de conservau, en suas reidis, custumbris, fala y demáis, é consecuencia, do lonxi que está d´a capital y de otrus sitius poblaus. Ejemplus puiríqamus ponhel de mutus lugaris, cumu esti, que cumu están mais cercanus a centrus poblaus, nun han sabíu (quizá nun han puíu), conserval ni suas callis, casas, ni sua cultura, por a invasión dos de fora.
O dá barra de yelu a estáu insuperabli. É cumu predicar en desiertu.
BOAS NOITIS
B-RODAS.

P. D:

Observu que mutas vedis, pâ nombral a o lugal escribimus SA MARTÍN, o si queréis: SA MARTIÑU (MARTINHU).
Ei pensu que debemus escribilo asi: SAN MARTÍN o SAN MARTINHU,sin aspirar a N de San. ejemplus en varius topónimus d´o lugal: SAN LÁDARU (nun idemus Sa Ládaru); SAN XIUAN (nun se nos ocurrí eidel: Voi p´a Sa Xiuan), cumu tampocu idemus SA PEIRU, cuandu nos rifirimus a ese sitiu n´a parti baxia d`o lugal.

Reiteru as boas noitis, cumu nun puías sel menus

BRODAS

Que noveai ¡ Nun creu, ei por lo menus nun teñu nuticia algunha, que haya otru sitiu en España tan sencillu dondi se hayan afincau os monjis budistas. E raru que hayan eligiu precisamenti esi sitiu, tranquilu, desde logu, muy soleau por a tardi y non muy lonxi da carreteira. Ya diremus tendu mais nuticias de os proyectus que tenin por que nos o contin aquí., asi que, foristas residentis en o lugal, contei, contei.

Alfena, das muy boas idias pero me da a impresión de que aunque se ve que eris activu y non te importa comprometerti, eris tamen un idialista y aunque isu nun e mau, to o contrariu, ya te corrigi Fontinova, quizas as avalanchas nun sean boas, se pirdiria a tranquiliai que se respira agó ali. Fontinova anota algu que a mi tamén me pareci fundamental de cara a os que veñan de fora a coñocel o lugal. En hostelería habria que potencial mais esas cumias nosas de toa via tan ricas, esi allu de patatas, esas pibitas o esi almodu con tos os avius. E verdai que a os do lugal, que habitualmenti comemus isu en casa, nos gustan a terneira y o corderu de alíl cuandu vamus a cualquera dos restaurantis que hay ya, pero un que veña de fora en invernu, se se comi un almodu de pibitas u berzas, o algu asi, ..........pa que te voy a contal.

Manteñamus o compas de espera propiu de a cercania de os acontecimentus importantis, por que, desde logu, o afincamentu en o lugal de os Budisas o é, y nun deisemus de fel sugerencias y criticas, que to e bo, a vel si así que ten que felo toma boa nota.

Dispois de esta ausencia obligá por pontis y traballu, vos doi a os novus a ben vinda y a tos un saluu cordial,Chitu.

Tomu nota a migos furistas de que teñu que baixal o pistón. Quizás sea por o ritmu que día a dia temus que leval pol estis laris y que nos custa desconectal aunque estemus falandu de San Martín (comu ves amigu Brodas é tomau nota da forma de escribil o nomi do lugal).
Pol supostu amigu Chitu, istu da cumía é una das poicas im´´aginis que me quean de pequenu y te a seguru que con os comeretis y os "complementus" se puñían queabas ben apañau.
As sugerencias dos cambius me parecin cuestios ineludiblis y, millol que has fayeramus nos que xenti que viñera pa sacal o xugu y dispois se te he vistu nun me acordu.
Por certu, ¿qué van a fel en a casa que está a entrá do lugal, en San Peiru? esa que está en obras.
Si que é euna pena o de que a Junta funcioni mutas vedis a ritmu de subvenciós pa desarrollal os proyctus y que encima nun se acordi os lugaris que están lonxi dos núcleos de muta concentración. Pero habrá que siguil insistendu pa que vean permanentimenti, proyectus de coixas que sean interesantis en San Martin, encima d´as mesas dos Conselleirus ¿non?.
Intentaré frenal un poicu.
Soidi a fala.

me gustaria que hicieses llegar este mensaje a todos los del foto y aquellos mañegos y mañegas que esten interesados, gracias


Queridos Mañegos y Mañegas:

Con gozo y alegría os comunicamos que vamos a celebrar, en este año del Señor 2007, el 50 aniversario, las Bodas de oro Sacerdotales, de nuestro querido párroco D. José Luis Borrezo Baile, que lleva entre nosotros ejerciendo su ministerio pastoral 35 años.

Con este motivo el pasado día 30 de octubre, en los salones parroquiales, nos reunimos un representante de todas las asociaciones del pueblo para prepararle un homenaje que consistirá principalmente en una solemne Eucaristía, al final de la cual tendremos un detalle para con nuestro párroco y un vino de honor.

Para preparar el detalle, queremos pedir la colaboración y la generosidad que siempre ha caracterizado a todos los mañegos y mañegas en la preparación de cualquier evento y que de una forma u otra apreciamos y queremos a D. José Luis, con tal fin se ha abierto una cuenta en la caja de Extremadura para que el que lo desee colabore libre y responsablemente, el nombre de la cuente es “Homenaje a D. José Luis”. La fecha límite es el día 30 de noviembre

También queremos pedir la contribución de todos aquellos que lo deseen en preparar la Eucaristía, sobre todo los cantos, por ello las personas que lo deseen que se pongan en contacto con Guadalupe.


Desde estas líneas agradecemos a todos su buen hacer y su generosidad, así como la felicitación a nuestro párroco.


San Martín de Trevejo, a 5 de noviembre de 2007

D´acordu si veu xenti de San Martín o comentaré sin falta.
Agora que nombras a Guadalupi. Le pasas recordus d´a hermana de Gurutze y Angel de San Sebastián. Fai unos anus subimus hasta a punta do Xalima xuntus.
Felicital a o párrocu por esis 35 anus traballandu en San Martin.

Mutas feliciais a tos os mañegus/as y que to os vaya ben alí dondi vos encontreis.
Que poamos volvel algún día a o lugal y encontrarnus pa contalnus de palabra y nun tel que utilizal os mensajis por ordenaol.
Soidi pa tos